Juan_HRomeroC-pay_rom_text

Capítulo 8

¹ AKashkuá, akãró, inkatama ke onnamá ke chituwã taró Cristo Jesúsyó aakermá. ² Akẽsh toh akuánsa ki'richema to Cristo Jesúsyo, ké wetawá ñawarkí ki'richẽ i onnari. ³ Akẽsh to ley in ishtiima, ima akẽshma meimeinarií to yukuró, Patatishta kií. Ekama ayerwãekaró tunhí apeshkenkií te'kí ta'warkuariñá plato as ken kií to ñawarkiriró, i Ekañá amaskí to yuku ñawarkiriró. ⁴ Ekama kií tõ'karó to' Ley ña'tu'neriró yartishpiriró pitasñaró, tãró tarteshbarmá, ima yukukén tãripé, akuánsa ken ripé. ⁵ Tãró a quku kén chilerma ima ñawẽsh enkilerwá to yas yukuró. ⁶ Akẽsh asã amẽshkerma ayukuña'pei ima onnaí, akãro to asã amẽshkerma tukerma tõ'ma chaprén eñaí. ⁷ Ima asã amẽshkuama yukuñá amẽshkuá ima Patatishtama aratanhí, akẽshma Patatishta a ley ma a a'tuwã, ima ki'tipé. ⁸ Tãró a yukuña aakerma ima Patatishtaró ara en kautupiwá. ⁹ Akashkuá, pamawã a yukuña aakutuwãiwĩ akãrõ akuansañá aakiñawĩ, to Patatishta akuansá yarma paña'ró chuwãwĩ akãro tãró Cristo akuansá akachitumá, ekamá Eká e'taripé. ¹⁰ To Cristo paña'ró aakuma, a peshkao atẽsh as ñama ima onnii ima ñawarkirii, Akãró i akuansama wakuaí justicianarii. ¹¹ Toh akuansá Ékae'ma, taña Jesús ishpakikena toh onni apishkerñá paña'ro chuwãwĩ, tõ'ro ta' ishtakima toh onniapishkerñá pita û'pitatenpé apeshkao onnama akuansá kén tishki, tãró pitasñaro chuwaraska. ¹² Inkén tõ'kenma, arkiwas, pitasma wishtarabarwá, ima a yukuñama chaatipiwá, to yukú ñe'wakén. ¹³ Akẽsh pamawá a yukupé chiimawá, pamawá onnupiwá a kãró to akuan say oma pamawá onnakawishtiñawĩ to apeshkao artapunwayó pamawá chaupiwá. ¹⁴ Akẽsh to kri tolerma Patatishta akuansayo ta' ti'pikii piwapiwa, tõ'lerma Patatishta aye' lerwá. ¹⁵ Akẽsh pamawá akuansaró sukuhutiri ñawĩ to esclavitudró akatiú waika ripiró. Tõ'ñaró, pamawá sukuhiriñawĩ to akuansá ye'kakii, akãshkuá ña'parwá "¡Abba, pitatús!" ¹⁶ Tõ' akuansa ekapema ña'ñewã pitakuansa'ña'ró ñe'wã ke pitasmawá Patatishta pesh ye' raparwá. ¹⁷ Pitas ayerwaraparma, akãshkuá tõ'kenwá raparwá e ka e'ró, Patatishta e'ka e'raparwá, coherederos raparwa to' Cristoyó, to'kén pitasmawa to Ekayó õihsitishpri, akaró tõ'wá arari tishkapiro to Ekayó. ¹⁸ Akẽsh toh õihsima askenkakapá tohchẽriche, ima eñatishkitipiri ho gloria askenkilerá ima pitasró pitachiwishtertipé. ¹⁹ Akẽsh to araenkiima uraño kiima Patatishta chẽí awaki Patatishta aye'leró. ²⁰ Akẽsh to araenkiima uraña kiima Patatishta chẽi awaki Patatishta aye'leró. ²¹ Toh kiiro ekapéka artakrí to servidumbre warki ishkerña Patatishtá gloria Pesh ye' lerná. ²² Akẽsh ari parwá ke kii Kri'ró arñewá õihsii arye apa'nukiwá akãro inkatá. ²³ Ho ima impetãhĩ, akãro untas peká, taña awá ki Akuansa pitakachuwá: In untaspekawá arñaparwá pitas asã añá ekapé, pitasukuriró awa'kaishparwá, pita pesh kao kiiró. ²⁴ Akẽsh irishki na ompartirii. Akaró, taleró awake akerwá irõ teshpisá atewata chẽlertuwã, ¿Inkén taña tố'ro awakí eka chewãró? ²⁵ Akãro untasmawá achaha awa'parma untas erña atewata chamartumá, akãshkua untas mawá tarí awa'barwá tokarishkiã. ²⁶ Ekakén tõ'kenama, to akuansama tõ'wá pitawarkuá pitas meimei pitarte'kuañá. Inkén untasmawá aribartuwá inkenkaa arñahá arkapaapisá, akãro to eka akuansama pitasró pirtañe'wá añehí a'karó inkenkañahapirasá. ²⁷ Eká, turusalerma kari'chewá, akuansa asã ameshkuma ari'wá, inkén Ekama pitasró araba'taraparó Patatishta añaha ekae'ró. ²⁸ Untasmawá ariparwa tãro Patatishta ara kakiuma, Ekamá kri yas Katúnishkuá askén eñaishró taleró to karwariró to'kénkii ñe'híró. ²⁹ Inkén talerma to talerma Ekama ke Kari'hi tõ'kenarima, Eka tõ'wá ti'kakii tishkerpiro Kakileraã ayerwã akarwakén, Eka e'ripiró arkí tishkí a arkí kra wê lerña. ³⁰ Talermo tãró ti'kakiima, to ekalerwá Ékañá karwãni i'wãhó Ekañá justifika'kii. Talerma tõ'lerí Ekana justifika'kii tõ'waha glorifikaishki. ³¹ ¿Irõ akãshkuá untasmawá ñahapisá i yas leró? Patatishta pitasrishkuá, ¿Tãró pitasñaro i ti'pitakiwá? ³² Eká tañá hó escatimóki'iró ayerwã eka e'ró, i'ka pitasñaro kri pitatenhí. ¿A kenma Eká pitawishkakií to eká tõ'wá to kri yas ró? ³³ ¿Taña pe'pisá akua ña'haró Patatishta artapu' arkamanoskiró? Patatishtañá justificaishkuá. ³⁴ ¿Taña karmachepisá? Cristo ña'ripe to ekarishki onniraská pitasró, wê eñarima akén, Ekawá ke wakuatishki. Ekamá Patatishtayó askén asãnlerwá, tõ'ña arariró tõ'wá taña arñewá pitasró. ³⁵ ¿Taña pirta pesh pisá pita Cristo ará eñaró? ¿Amẽsha'kama, o amẽshrí, akasnarí, o arwãrí apeshperí, ispará, akati'parí? ³⁶ Akén to kakorskamá, "UNTAS RIPARIRÓ KE OMPRI Ã ÃS KRI, UNTASMA TO AKENMA PESH WAKEN TE' OMPRI AMASKERÑÁ". ³⁷ I kri yas untasmawá wê i'chẽkaki'brí arañá tishki tañá pitaoraenkií. ³⁸ Akẽsh tasma ti'taki'rí to annama, i chaparí, to angelesrí, to asán chani, to yas to' chanirí. to yas te'kuachanirí to artapun chaniri. ³⁹ Ka anchaniri, uruña chanirí, yas akua chani to kaaró, ima inki'tipe pirtapeshpiró to Patatishta ara en pitatenhiró, inkén to Cristo Jesús untaste Señor.