¹ ¿ O pamawa aritutiwãwĩ, arkiwas (inkén tas kapashkaishkawá to pesh wriha to ley ari'leró), to ley ma pitawakuá pesh wriha atewata chileraska? ² Akẽsh to korta asawa sukuhíma tõ'ma to ley askén a a'pé aarwã eká atewatá chuwaraská, akãró a arwã onamá, korta eka to ley ñá asawasukuriñá. ³ Akãro to'kema atewata toh a arwã chuwama, to korta eka arwã akuayo chuwama, to korta ekama arwãyo apishtaí. Akãro to arwã eka onnamá, to korta ekama to ley tayo' aspe tawárkuama, akãro ekama in ishta tanripé arwã asawá akuayo sukuhuma. ⁴ I'Ka akẽsh, ta arkiwás, pamawá ké onniñariñawĩ to ley ñá Cristo apesh kaoriyó. Ima tõ'karo tõ'kenaí ke pamawa akualeryo na tãuwã hupiwãwĩ, imaii, to ekaró tõ'ña taishtakiraska to onniapishkerñá, akẽsh ké pitasmawá penwá eña achahapiró Patatishta e'ro. ⁵ Akẽsh pitasmawá a yukuná aa'bri, arari ta' warkuaró, to ley pitawaki, pitapesh aãsã to ley aakuarurí pen wá warkua onna achahapiró. ⁶ Akãro inkatama ke tayo' aspe weparwá to leyná, untasmawá ké ombrí to pitakuã akuariro. Ima en ishkapirií to Akuansa Sewãná, i kakorskama sane'staripiri. ⁷ ¿ Iró ñahapisá akashkuá untasmawá? ¿To ley ma ñawarkití? Ima tõ'kenatãripé. Akema tasma chẽ piri'tãrií to ñawarkiná, ima ima ley ñaripirií. Akãro atewatá ara tẽsh pikiuma to ley ti'piki'timá: "HÓ CHAENKAUTI". ⁸ Akãro to ñawarkima, toki sukuhí to ñaweshka tu'neiró akẽsh kri eña takacheí tasñá. I'ka to ley yo tãma, to ñawarkima ke onni. ⁹ Yar ã ãs te'kuama wakuá achaharí to ley yo tãrí, akãro ké to korkorska ki'rí te'kima to ñawarkima warki wakua tishki tasma onnarí. ¹⁰ To kakorskama tukríma, tõ'ma pesh kawe'karií, ima eña onna tasñaró tishkí. ¹¹ I'ka akẽsh to ñawarkima, tokí sukuhí to kakorskariñá ima tarkasehí. Kakorska tu'neriñaí onnarí. ¹² Akãró to ley ma eñaí, to kakorska tu'nerima ima eñai, yasti eñá. ¹³ ¿Akãró to eñama onna tishki te'ki tasñá? ¡Ima akennatãhĩ! Akãro to warkuamá, apisti ñawarkiró cachẽlerma tõ'kén asna eñamá, ima ta onnaró te'ki tasñaí ima tõ'kén akenma to kakorska tu'neriñá, to ñawarkima ta' warkua te'kuá wê kãrã krí i'chẽí. ¹⁴ Akãró pitasmawá to ley ke ariparwá akuansa ekaí, akashkuá tasma ta yukurawá. Tasma takau'cheri awa' servidumbre ñawarkiró. ¹⁵ Akẽsh tas iró ishkama, yar chaen kaama ari'tawã akẽsh tas iró ishpama, tasña ka'tawã, iró chaenka'tama, tõ'rish kaawá. ¹⁶ AKãró tổ'ró ishkama ichishchama taki'tuwã, tasma to ley yo yar aakawá, i ke to ley ma eñaí. ¹⁷ Akãró inkatama tasñaratawa to ki'waí, akẽsh to ñawarki tasña chuwaró. ¹⁸ Akãró tasña ari'hawá, ima tayukuí, ima eña inchituwã. Akẽsh taraentakiwaró ima eñaí tasñaró, akãro tasma ka'tapá ¹⁹ Akẽsh to eñama to'rishkama tasma ka'tawã, akãró to warkuama tas chẽ taratãhĩ ishparó tõ'ma tas ka'awá. ²⁰ Inkatama, tas ishkamá to ka'tapama akashkuá tasma tanhí taña ishkuakena, i'ka akẽshma wê warkuama tasña chuwa. ²¹ Tas artapukawá, akashkuá, i ki'ma tasña tas ishparishkamá eñaí, akãró to warkuama atewatá tasñá a akuá. ²² Akẽsh tasma Patatishta a ley ñama arari'aakawá to arwã asaaña. ²³ Akashkuá, tasma kí as chãawá ta tapesh kaoñá. Tõ'ma tõ'karó anu'kuá to ki' tasã ameshkayó. Tõ'ma tasukuhí toh ki' ñawarkima tapesh kao aasã takachuña. ²⁴ ¡Tasma arwã as arwã õihsirawá! ¿Taña tarpeshpisa tapeshkao ompañá? ²⁵ Akãro Patatishtaró kaparkawá ekakén pitaste Jesucristo Señoryó. Tõ'kén akãshkuá, taspeká to leyma kawishkawa Patatishta tasã amẽshkayo. Akashkuá, tapeshkaoyó kawishkawá ñawarki ki'riró.