Juan_HRomeroC-pay_rom_text

Capítulo 6

¹ ¿Iró nahapisa akashkuá? ¿Atewata warki ñawarkiña naapiti to kaparka wê'tishpiró? ² Ima aken na tãripe tõ'kén. Untasma raparwá ke ñawarkiyo ompri, ¿Inkashkí warki chaapisá to ekalerñá? ³ ¿Pamawá arihútuwãwĩ ke wê ñelera kamu'lerí to Cristo Jesúsyo kamu'hí to onniyó? ⁴ Pitasmawá askén ekayó pita õshkrí, to kamu'leryó ne onniyó. Ima tõ'kén tishki to Cristoma ta ishtakiraska to onniapishkerñá a tús gloria e'ró. Tõ'kén pitaswá tõ'wá tarteshkapirií i weika chaparñá. ⁵ Akẽsh pitasmawá atauwã'bri to ekayó onni a0ka tishkiyó, pitaswá tõ'kén tauwãhapiwa to waka tishkerpiché. ⁶ Ima ariparwá, pita arwã ûkáma, ké askén ekayo pitaporkrí, akenki to pitapeshkaoma warkuama warka'cherí. Ima tõ'rishkí tishki ke pitasma ñawarki tishkatipiró. ⁷ Eka tarisá to onnima eñarií ñawarkiriró. ⁸ Akãro pitasmawá ke Cristoyó omprima, pitasma tokãró tõ'wá yar ñaparwá askén chaapiró Ekayó. ⁹ Ké ariparwa to Cristoma ke taishtaki to onni apishkerñá, tãró ke ontiima. To onnama ké ekañama achi'tuwã. ¹⁰ Akãró tõrishki to onnama to Ekama ñawarkirishki onni, Ekamá kri aspes onni. Akashkuá i chaparma tãró chiûmá, Eka Patatishtarishki chuwá. ¹¹ Akentishki tõ'kén pamawá papekawás ñawarkiró onniñariñawĩ, akãro wakuárupiwá Patatishtayó Cristo Jesúsyó. ¹² I'ka akẽshma tis tus nautiwãwĩ to onnama pipeshkaoñaro onnateshkuaró akenkauwá ña weshkupiwaró to eñachaparrõ. ¹³ Pipesh kaorina nauwá kawishkuwarú to ñawarkiró, to katún ishkakén eña ishbaturó. Akãro pamawa hauwãwĩ to Patatishtañaró, inken to onlerma ké inkatãma ke chilerwá. Patatishtaró pipeshkaoma tõ'ñaró wishkuwãwi to akatún ishkakén eñaripiró. ¹⁴ Pamawã ho ñahuwãwĩ to ñawarkiro pañawã a ayá a a'tipiró. I'ka akẽshma to ley ma awa'ña a akutuwãwĩ inkatãma to kaparyoí. ¹⁵ ¿Akãshkua inkén? ¿Ñawarki eñaró ishprá ley yo, a a'briraská i'ka akẽsh kaparka awa'yó? ¹⁶ ¿Arihutuwãwĩ pamawá to tãro parowá ekapé tishki to siervos ké ekarií akãró tõ'ró añawéshprá, Ekapeká pamawá tõ'ro añaweshkuwá? Ima yarti ké pamawá yar eñaishkiñawĩ to ñawarkiró to onnañaro kawakuá, i'ka eñaishki ña'wẽshkiró ta eña piwakuá. ¹⁷ ¡Akãró kaparka Patatishta pitatenhí! I'ka pamawá siervos ñawarkiriñawĩ, akãro pamawá ña' wẽshkiñawĩ piturusãñá inkén wishkí achiwishkikena. ¹⁸ Pamawá ke tayokriñawĩ toh ñawarkiña'ró, inkatãma. ¹⁹ Arwã kén tas kapashkawá tapesh kaó mei mei takiwarikiá. I'ka tõ'kema pamawá pipesh kaoró karchiwishkiñawĩ esclavos kén to eñatãrí to warkuarí, inkatãma akenkií pipeshkaoro achiwishkiñawĩ, esclavoskén to eñariró eñatishkupiwáro. ²⁰ I'ka akẽsh pamawá esclavosriñawĩ to ñawarkiriró, pamawã ké tayokriñawĩ to eñariró. ²¹ To kekerimá, ¿Inkén narisa pi to yas pénwaró inkatãma ishpikiwãwĩ? Akãro to warkuate'kuama i yasma onnaro te'kuá. ²² Akãro inkatãma pamawa ke tayokriñawĩ to ñawarkirowá Patatishta pesh yetishkuri, pamawa ké pen wá pikachuwãwĩ, eñatishkupiwaró. Iró awa'barwá eña chaparña wê'í. ²³ Akẽshma ñawarki artamihama onnaí, akoshkuá to Patatishta pitatenhíma i chaparma wê'ripé to Cristo Jesúsyó pitaste Señoryó.