Juan_HRomeroC-pay_rom_text

Capítulo 5

¹ Akãro, eñatishkuwá, fe yo, paz pitakachuwá Patatishtayó Jesucristo Señor ara'ña achihí. ² Tõ'rishki tohwá a a'en yashti a a'barwá i arari gloriaishbarwá to gloriarishki Patatishtaña awa'barwá. ³ Ima impetãí, tõhwá tõ'kenaí arari gloriaishbarwá toh õisitishbarñá, toh õisi ariparmá tarrí paskuá. ⁴ Toh tarríma, kamanaskuá, toh kamanaskuamá awa'barwá awaró achehí awa'parwá. ⁵ Ima awa'parima impitañe'tuwã Patatishta ara eñama pita turusãñá pita awãrkí to akuansa eñayó pitawishkí. ⁶ Akãro Cristoma, ahí pitasma meimeinarabarií, kã teshkí toh peshwarkileró no onni. ⁷ Akãro asma eñarishki inkashki ompirasá. Nahawá, as na as te'ki inkaski arwã as ro ompisá. ⁸ Akashkuá Patatishtama karkamaskuá to ará eñaró pitasñaró, akashkua atewata ñawarkuá ishtarabarií ⁹ pitasma onnatipé to ekarishki, Patatishta akaiwa te'kuaró. ¹⁰ I'ka, akẽshma pirtamastalerií, Patatishtayó pita uwẽhí to onni apishki to ayerwayó, wê archa'ma, tika te'ki kauwẽhí, onnatipiwá i chapar ró. ¹¹ Ima impetã hĩ, akãro pitasma Patatishtayo araritishbra pitaste Señor ara tishkí Jesucristoyó. Akashkuá tayó untaslerma inkata ekaña pitasukuhí pitauwẽhĩ. ¹² Akãro akashkuá, arwã as araña achihí to ñawarkima to'kãro tokí i kuk chaparña, ima inkenarií to onnama ñawarkirishki toki, i onnama pesh wrihalerña kartechení, akãro kri ñawar ki ishkri. ¹³ I'ka ley chẽrií, ñawarkima i kuk'ña achihirí, akãro in aweshtuwã i ñawarki ley riña chituwã. ¹⁴ Ho obstante, i onnama Adán chii te'kí, ima akuansa kenarií taró te'pirikena. ¹⁵ To'kenariki, pitatenlerma ima transgresión kena tãhí. I'ka toh transgresiónma as wê te'kera onrií, wê Patatishtaña kaparkama ishkí i pitatenhíma kaparkaró arwã asñaro Jesucristoyo, wê chuwá toh wẽ'lero. ¹⁶ I'ka akẽshma pitatenhíma consecuencia kentãnhí taña ñawarki ishkikén. Atẽshkén, toh apistiche to onlerpima te'ki transgresiónñaro arwãro te'kiraska. Akãro to ateshma to pitatenhíma to'kentishkí to justificaciónchẽ tika te'kí transgresión wêlerchẽ. ¹⁷ I'ká, oo to transgresión askén to annama pitasña chií, wê cherwá ekaleró tõ'ña sukulerwá to kaparlero to kawishkíro to justiciaró pita pesh kaoñaró chuwá, Jesucristoña. ¹⁸ Akẽshma transgresiónñama kiíte'kí to kri pesh wrihama onlerña te'krí, akrikí to'kenkií justicia tishki justificaciónña te'kí pesh wriha krí'ró. ¹⁹ Akẽsh tohkenkií to ñawẽshkertuma to arwãró to wêlerma ñawarkiishta pelerií. I'ka akenma tokenkií to ñawẽshkerma wê taña justificadosishkera te'kerpé. ²⁰ Akãro i ley ma tika te'kí, i transgresiónma wê tishpiriró akãro to ñawarkima wê chii, to kaparkama wê wrihalerí. ²¹ Ima tohkenarií to'kén inken to ñawarkima onnaña'pero chii, to'kenarii, to kaparma araña achihí to justiciaró wê chaapiró Jesucristo Señor pitaste e'ña.