Juan_HRomeroC-pay_rom_text

Capítulo 4

¹ Inkén, ¿akashkuá, ñahapisá Abraham iró prohisá, pitatus taé apesh tõhkén? ² Akãro to Abrahamma justificadorií toh akatunriró, gloria tishpirii, akãro Patatishtayoma há. ³ Akãró ¿Irõ ñewasa toh kakorska? Abraham yar ñehí Patatishtaró, ima tõkãro aweshkrií. ⁴ Akãró toh katunishkuma, to artamihama aweshkama kaparkakén, to atamiler tukén. ⁵ Wê tãró akatunhishtuma, tãro yar ñe'tuma to yar ñehiró warkuaishkuaró, to fe awẽshkaí toh eñaishkuaró. ⁶ Tõken David ñehiro to arwã eña ishkiró Patatishtama atribuyikakiwá katún ishturikia. ⁷ Ñe'hí: "EÑA ISHKIRÓ TO EKALERÓ TO WARKUÁ ISHKRIRO PERDONAKAKII, TO WARKUÁ ARMUKERÁ. ⁸ TÃRO EÑAISHKUMA TO ARWÃ TO PATATISHTAMA IMA INÑE'TUWÃ TOH WARKUARÓ". ⁹ Akaro, ¿ima akenai, in eñama impeí toh circuncisiónñarii a tõ'wã toh circuncisiónro? Akãro ñaparwá: "TO ABRAHAMMA AWẼSHKARII TO FE JUSTICIARIRÓ". ¹⁰ Inkénkaa, ¿awẽshkrisá? ¿Circuncisiónnaró aakrií a toh circuncisiónña? Circuncisión ñarii, tõkén circuncisiónñaró. ¹¹ Circuncisiónro sukuhí awãs astuki, awãs justiciariró fe akachuriró circuncisoriró. Ima atusripiro toh araba'ta wrihaleró, circuncidado aakertipira akẽsh ekawã to fe awẽshkaripe justiciariró. ¹² Circuncisión atusrii, ima circuncisión e'rii, akãro tõ'wã ata'teshro arachi'wa Abrahanma fe akachiiró circuncisadoro te'tutewá. ¹³ Ley rishki kawishkri toh Abraham ayewrihaleraska tãro iro tu'neima wishpirii i kuk chaparña, akãro justiciari to fe'ro. ¹⁴ Akãro toh ley pesh e'ma ima tõ'ña e'ka e'lerpe, intaripe to fe'maa ka õshkerpe to ñehíró. ¹⁵ Akãro toh leyma akaiwá te'kua, akashkua tõ'ñaro ley chituwa, akãro ñawarki chuwá. ¹⁶ Akashkua feripe, kapartishpirá, apishtitishkí toh ñehima yasti tishpiró toh chilerpiro, ima leyma eka e'tãrii tõ'wá toh kenarii fe Abrahan e'rike, akarõ toh Abraham kri pitatusi. ¹⁷ Inkén kakurskanena: "PI TUSKEN PIRTUKARII PESH WRIHALERÓ". Abraham, Patatishta awakiña, taña yar ñehiró, tõhkaro ekaña toh annilerma wakuá kawishkuá, i yasma karwalertuwã tõkenalerkén. ¹⁸ Ekama yarñehí awakupe tõhken awakupe, toh pesh wriha pesh tus tishkapiró, tohkén ñehíke: "TÕHKENALERPE". ¹⁹ Ima maimeima tishtii toh fe ñaró, tohkenkii to apeshkaoró, ima ke onnikenarií, (kuí awa asrií) Sara aya ye'su ku'turii. ²⁰ Atewatá amesh en ishtii, Patatishta ñehíma, in ñe'tii, fe'ñaró a'katishki Patatishta gloria wishki. ²¹ Tõkenalerii tõhwá atapúm kri'ro ishpiriró. ²² Tõkãró tõhwã to fe'ro aweshkarii justiciaró. ²³ Ima ekape ekarishki kakorski nera awẽshkarii. ²⁴ Ima ekape pitaswã tõhñara ñelerpiró, ima ii, ima yar ñabaró to ishtakiró to onni apishkeró to Jesúsró Señor pitaste e'ro. ²⁵ Akãro ima kawishkrí pitas warkua ishbriró i wakuatishki pitas eña tishpiró.