Juan_HRomeroC-pay_rom_text

Capítulo 3

¹ ¿Irõ akachuti akẽsh i Judioma? ¿Toh intanma irõ pitawishkuasá? ² Wẽi, i kri'roma. Kí, yartishkima, ima Patatishta akapashma Patatishta esperií. ³ ¿Akãro ke'ma, asna te'kí ña warkua ishkrurii? ¿Toh ñawarkua ishkrima ima su'peshkiri Patatishta artoka eñaró? ⁴ Ima akenatãripé. Ki'chema Patatishta garipiwá: "TÃRO ARWÃ KRI ARKASA'TOMA, TOHKE ACHIHÍ KAKORSKAMA IMA TO AKAPASHMA YAR TISHPIRÓ TOHCHE KAUPÉ APISTI TI'PIKILERCHẼ". ⁵ I ñawarkí pitaste nastineuma Patatishta yar ekae'ró, ¿Irõ ña'pra? Ima yartishkuatí i Patatishta pitaspishpiró, (Arwã kén kapashkawá). ⁶ ¡Ima asnani akuakén! Ka'prá, ¿inkén ti' kipirasa' i kuk chaparña? ⁷ ¿Akãro ta arkasa'ma inkashki toh yarma te'kí musti tishki to gloria tishpiró, ¿tõhkaro akashkua ña'titakilerwá ñawarkirá? ⁸ ¿Inkén ñabartusa, inkashki ti'pitakilersá, inkenkaú to akualerma, ima ñawarki te'kuama yarí, ima pitasma ñaparwá: "Ña warki ishparwá eña te'piró? ⁹ ¿Inkashkí? ¿Pitasma eñarabartí to ekalerkén? Ima akénnatahí. Akãro ke ta'kakabrí to Judioró i gentilesrí, to kri'roma ñawarkí awa'ña akerwá. ¹⁰ Akenma to'ken kakorskaí: "EÑAMA CHILERTUWÃ, AS CHANÍ". ¹¹ AS CHANÍ ARILERTUWÃ. AS CHANÍ CHITUWÃ PATATISHTA PRO'TURÓ. ¹² KRI'RO AKUAKÉN NACHELERPE, AKUÁ WARKUÁ KEN TISHKRÍ. AS CHANÍ EÑAMA CHITUWÃ EÑA ISHPIRÓ, AS CHANÍ KENMA CHITUWÃ. ¹³ KANSOHMA PITAKATU'TAKÉN APRIHAÍ, PI UWAYÓ ARKASENLERWÃ, ASO TOKAMA AKAMEMA PISAPAÑA AWA'ÑA KAKACHUWÁ. ¹⁴ PISAPAMA ÑAWARKIPERO MUSTÍ AKAMERÕ AKACHUWÁ. ¹⁵ PITA'MA WARIPE NEWA URÍ AKASNEPIRÓ. ¹⁶ KRAHAÑAMATOH TA'ÑAMA CHUWÁ. ¹⁷ IMA ARILERTIRII TOH TA'MAA EÑARÓ. ¹⁸ PATATISHTAÑARO AWÁÑARO AKATILERTUWÃ. ¹⁹ Akãro, ke ariparwa toh ley ñe'waró, ima ti'kakiwa toh ley awa' akeró. Asapa kri'ro takatishpiró i chaparña Patatishta awa'ña tawarpiró. ²⁰ Toh ley akatun yoma aswã as naní tõ'kema ta'kaataí Eka awakiñá. A ley ara ña achihí asã ameshkuma tõ'ro ñawarkii. ²¹ Akarõ inkatama, tõh ley atẽshkema, tõ'ro tishpirii Patatishta ñe wáro, ley ñe híro profetaleriro, ²² Patatishta ñehiró fe arañariró to Jesucristoyó, kri'ro toh yar ñeleró toh ekaña akuama chituwã. ²³ Akashkuá to kri'roma ñawarki ishkri ima tiskakasneím Patatishta to gloria chuñá. ²⁴ Kakií yarñehí kawishkí toh kapariró, awakí toh Cristo Jesús kartabrikií. ²⁵ Patatishtaña tukí to propiación rii aurí fe kii, tohkén tishpirii toh justiciariró toh rishki aayá tuk teshkí tõh ñawarkiriró, toh chẽ õhtañá ñawarkima tukteshkrí ²⁶ achãayo ñe'pirii i a an chaparñá to eka justiciaró, tõchema toh ekama yar eñaripé tãro ñehuma toh ekama fe Jesús yo newã. ²⁷ ¿Piãchusa toh akẽsh toh ñawa'kiwá? Ara'na tawarkuá. ¿Ley pia'sá? 'Ima toh katúnhí? Ho, akãro toh fe'ma toh ley yo ripé. ²⁸ Inchẽripe, akãro, toh arwãma justificadoripe toh leyyo. ²⁹ ¿Patatishta ekaripe toh Patatishtamaa toh Judíoñá? ¿Tõhwã tãhí Patatishta gentiles pesheá? Yartishkí gentiles pesh eí. ³⁰ Akãro Patatishtamá aspeí elaña justificaki'pé. ³¹ ¿Waripe toh fe'yo õhbri toh ley maa? ¡Ima inkenatãhĩ! Akãro toh, ley ma tõ'kén ñewá.