Juan_HRomeroC-pay_rom_text

Capítulo 2

¹ Tõ'karo pama chẽ akapaãtaí, oh arwã, Pamatorisa iró ñehikena, akãro ña ti'kiima akuaró, papeka armaska ishkaishkiyá. Pa ñehiro pawa akenishkiyá. ² Wê ariparwá ke Patatishta apishti te' kuachẽma tãro ñawarki yas ishkeró ima yarti. ³ Ima ameshkerti i'ro oh arwã, pama ña ti'kakiiya irõ ishkerkena askén ishkerwá, ¿Pama Patatishta ña aûhúpiti? ⁴ ¿O inonkutuwã to non ró eñariró, tar tesh tariri i atapúnri eñarí, arãskera to eñariró ta' eña eña piwishkerpiró? ⁵ Akashkuá pi turusãro pape pi turusãro chẽ aneshkertuwã, akaiwapero sukuhu ishpikiwãwĩ akaiwá te'kuaperó ima on chẽlerna Patatishta{a apistichẽ kiwatãni. ⁶ Akarõ Patatishtama inkén katún ishkrima akén kartami'pé: ⁷ Wê chaparma tõró, Eña weterñá eñaishkuwá, ima gloria onlero prolerwá. ⁸ Akashkuá a'kaakaí akaiwa te'kuarí tãró akaipaskerí añaweshkertuwã toh yaró, ima akén ña warkiro krésh sukulerwá. ⁹ Ameshka a'ka te'kuama toh arwã ña warkí aaña ishkerma, kí Judío leró griego lerwá. ¹⁰ Akarõ gloria ararí paz tãro kri eña ishkuaró, ki Judíorá griego lerwá. ¹¹ Tõ'karó askén in chituwã Patatishtayó. ¹² Tõ'karo toh kri'roma toh ley yoma warkuaiskriyó, tõ'wã leyma tõcheripé, i to kris ley awa' warkuaishkrima, toh ley yo ti'kakipé. ¹³ Tõ'karo in weshkerma eña akerwá toh ley Patatishtayó, akarõ toh ki'reri toh leyma tohkenaripe. ¹⁴ Tõ'karo to gentiles in kakachitai ley i leyma aoria kén kresh ishkerwá i'rerí, inkakorschi turikén to ley. ¹⁵ Toh ley takatún karchiwishka ishkama pesh turusãña kakorskaí, taña'hama tahra eñaí, tohñalerima o karwarkrima iró ameshkrima. ¹⁶ Ãachẽ'ma Patatishta ti'kipé Jesucristo toh arwã katiralerí, eñaakari ta evangelioyó. ¹⁷ E inkatoma, pipinma Judío aaya apishki, toh ley ya asukuhi yá, Patatishta ararí'tishkiyá. ¹⁸ Arihi yá ĩrõ ishkuakena, ley toh pitachiwishkuma toh eña achiwishka. ¹⁹ Tõ'ñape toh awá achẽlertuña naishpikiwá, kabis toh su' aakerña. ²⁰ Kacháwishta toh ka'chawishtararí, yé kachiwishtas, ¿toh ley pikachuí toh ameshkerme yar kenarí? ²¹ Pa akẽshma, akua achiwishki akuaró, ¿Papé' achiwishkii? Pa akapashkii untrokuró, ¿Untrokiyá? ²² Pama ñehima ñawarkiró ishkiyá. ¿Ñawarkiras? Pama ñawarkí ishkii toh in taminilertuí ¿Warkuá ishkiya? ²³ Pama toh ley papeí, ¿Pa ameshkima papekenchẽiyá, toh ley ña toh Patatishtayoma warkuaí? ²⁴ Akarõ TOHKẼ KAKORKAÍ, TOH PATATISHTA APINENA TOG GENTILESMA", ña warki ñelerwá untasña. ²⁵ I'ka akẽsh toh eñama suku'para toh ley inkiima, tohkaró toh ley ma warkuaí, irõ ishkuama i te'kuama intã hí. ²⁶ I'ka akẽsh intanma enka'pa toh ley enkaapiró, ¿Ima intanma inkenma warkuaí? ²⁷ ¿Toh chamarí intanhí, akarõ i ley ma eña enkiwá?, ¡Paró pirmaspé to kakors kama toh ley warkuariyá! ²⁸ I'ka akẽsh ima Judío tãhí ima ara'na akuañá. ima ña'tãnhí to tishkuaí unta pesh kaoñá. ²⁹ Judío akennatama ima ña'ripe to asãañá, i intanma a turuzon e í, akuan saken, kakorskatanhí, i ayeshkama a arwã ña te'tuwã akarõ Patatishtaña te'kua.