Juan_HRomeroC-pay_rom_text

Capítulo 1

¹ Pablo, Jesucristo araba'taha, apinma apóstol rii, Patatishta añahará tish teshkuarurí. ² Ekaña tis ñehí kekerí profetaleri eña kakorskariró. ³ Pesh yerwãró, pitaste Señor Jesucristoró, ima linaje David e'rii apesh kennarii. ⁴ Ima neí Patatishta ayerwã tishkí, atapunyó, akuansa kennaríi, eñaperíi, ima wakua tishki onni apishkerñá. ⁵ Toh ña a kapar kapa'pawá toh apostoladoró toh aña' weshkapiró to fé'ró toh kãã uya kri'leró apin ara enkaaró. ⁶ Toh kri ekaña kra akerñama pawa aakurii, pirwalerwa pipinyo Jesucristoró. ⁷ Kri Roma a akriró, Patatishta eña kakiwaró, santos karwalerpiró. Paz kaparkawa pitasró, Patatishta a tús toh Señor Jesucristoró. ⁸ Kí kapar enkaawá ta Patatishtaró Jesucristori, raska pitaste e'riro pitaste fé e'ma ña wẽ'chẽlerpiró i kuk kri chaparña. ⁹ Akarõ to Patatishtama taña ñe'pe, tõ'ro akatún ta kuansayó eña ishkawá ayerwãriró, akarõ tasma kanta ña'ñaawá atewata ña kapash kawá. ¹⁰ Ña' a'ka ti'kilera tõ'chẽripíró Patatishta aña eñariró, ta eña pikanepiró pitas yo wá. ¹¹ Pichã ishtakiwãwĩ aoria as kapashparó akuansayo, tõchẽ ña enñelerpiró. ¹² Ima ii, askenka'pa ta'kaapiró to fe ró yar ripiró pitasñá. ¹³ Akarõ tasma taratakituwã, arkiwás, tasma tis naparishkari pañawá (inkatatani tasma ña enishtawã), pañawá awá as takachipiró, to akuá gentiles ké. ¹⁴ Toh griegosleri griegos tãlerí, sawatalerí i toh suwatalerwá tasma wishpashuwá. ¹⁵ Tõ'kema, tasñama, ke ña'paruwãwĩ toh evangelioró tohwã pamowá Romaña aakriras. ¹⁶ Tasma tohkarõ akati'tawã i evangeliorá, akarõ Patatishta atapumraska i chaparró pitatenhíraská to tãro kri'ro yar ñe'híró, kí Judíorí, tóhwá griegorí. ¹⁷ I akarõ evangelioma Patatishta tohchẽ'ki'pe fe ña chaenki'pé, tõhké kakorskaí: "TOH EÑA WÊ ISHKUMA FE RISHKI CHIPÉ". ¹⁸ Akarõ Patatishta akaiwa te'kuachẽ piriña chii kachẽí toh kri ña warki ishker'ro ñawarkí arwã pesh e'ró ña eña yar ro karpinlerwá. ¹⁹ Tõkaró Patatishta arí' ler'ro tõ'ña kakipé, akarõ Patatishtaña kakii. ²⁰ Akarõ toh yas ekae'ro chabartuma wê kãra atapún chii, ima chã enka'pra chaamé toh kuk kiichẽ, ameshki yas kii, ima te'ki warki akape'tipé. ²¹ Akésh Patatishta arilerá, ima Patatishtaró chẽ ara enkiler tirii kaparchãni akape'lertirii akarõ ima tõh kinerí ekapeameshkerma. Pesh turusama tami ni chelerma. ²² Suwata ke krẽsh ima aka'pa'ta tishkrí. ²³ Ima atamakén ki'rí i gloriamaa Patatishta õskatã hí i pitaskén askén arwãma õskaí kuás ka lerwá e bis ainlerí. ²⁴ Akarõ Patatishtama ña warkiro kawishki, pesh turusa a ekape ameshkeró, akashkuá aronkakiler tirii kri papewá apesh kao ekae'lerperó. ²⁵ Akashkuá Patatishta yar eñaró arkasaharo atamakén ki'rí, atauwẽ'lera Patatishta akuaró arñelerurí Patatishta te'tutewá, akésh kauñehí akenaí kuí kãra kii. ²⁶ Akarõ Patatishtama ña warki akuaró eñatahi ishkrí, akashkuá to kortalerma irõ ishkrima atamaken ki'rí. ²⁷ Askén to arwãlerwá atamaken ki'rí, kortalerma pesh ariama ke tu'nerí, ima tenwãken kresh a ekape tishkrí ñawarkipero wê ishkerá akati'par ishkri a arwã pé arwãpé, ima aekapé suku'lerá piténtaken nerí. ²⁸ Akashkuá toh ekalerma in akamaskertirii Patatishta chani, Patatishtaña pesh sãma tish akuakakii, ñawarki eña ishkertipiró ima ishkrí. ²⁹ Ima to'perishkerá achilerurí, asawasukerlerturí, ñawarkuarí, ñawarkua kachãarí ñawarkuarí, musti wê akachuiskiwarí, karmaskerí, anu'keri, arkasa'rí warkuarí. ³⁰ Ña'ti'kiwarí, warkuaka'tarí Patatishta kaõshkerí. Akaiwalerí, akaiwa a'kalerí, ñawarki pastarí pesh tus ñaweshketurí. ³¹ Kapa'tarí akualerí; ichaparma kakachituwã, karpesh kaaketurí oisi kakilertuwã. ³² Taña arilerma Patatishta apistiche, taña warkuá onnaiskeró, ima ishkechema ishkertuwã akarõ tohwa akén kilerwá.