¹ Akasdkua, toh ángel onkima toh arwáro penhí. poriwa as piriña chã̃arí kukñá taenhírii. Toh kukma apriharó wishki. Toh chok chreuma tõ'chẽ. ² Ekama toh tapach tizama chok chreuma awãsh tis a'ka tishki tawẽ hi tohtiza atapach chreuma horno awas kenarii toh ãhma onpishri sa'tishkrí to awãsh rish apaskuaró tó tiza chok chre'wãña. ³ To awãsñama tikishkenapaskrí to kikñá toh atapúnro kawishkri toh aparsikikñén kuk chata lerkén. ⁴ Ti'kakirí tho tiwima workacheler tipiró toh kukñá pen wakuachaní , i'ka pesh wriha sello kakachitiirí patatishta kamáh kertirií to pesh ma'ña. ⁵ Ima tá kawishkertirií to psehe wriha karmaskertipiró, akenma karpishkaperó yawi onki. Toh onnma parsikin sa'kra aken naripiri pesh as sukuhuma. ⁶ Toh ã as ñuma te' kuachema, to pesh wrihama ohnaro prolerpé . Onnish kakipé, akarõ toh on hama, tro'péh. ⁷ Toh tikish lerma ohlah kenalerií toh anu'kerpike. Pesã ñama sá sewá coronas kenarií pesh wtapak ma pesh watapa' kenalerií. ⁸ Sãusma korta pesh sãúskenarí pesh ki'ma û'pawã kenalerí. ⁹ Kuẽ'ni kakachrí pesh wĩsh ara'nama ima kauwẽta wê kenalerií ohlah ohí tape'lerké. ¹⁰ Aparma apã'na kakachií , toh parsikinken; toh pesh parma atapúm kakachií pesh wrihalerma ñawarkí kakilerpiró yawí anki weterpiró. ¹¹ To' rey ken kakuakrí toh ángel ró to chol chre'wañá to'chẽí. Apinma hebreoí ima a bandoñ rí i griegoma apinakachiima Apolioñrí. ¹² I ki hay ke tu'teshki. ¡Chãũwá! tika tish te'kuma ñawarki pok te'piwñá. ¹³ I será ángel pénhuamá añahas wshkairií tehkuaké tã'wã sá sewá chií Patatishta awakiñá. ¹⁴ I aña'ma será ángel ma ti'kií: "Ká ángelro kartakuwãwĩ toh asó ujáña askikaró a akriró toh aso Eúfratesña." ¹⁵ To ángeles kah chema to' karõ̃ kakirí toh te'kuachẽ to'chemá, toh yawichema to' kuichema, nera karta'cherí karmaskerpiró mai arakí to' pesh wrihachileró. ¹⁶ To' asañ wrihalerma ohlah yolerma ima 200.000.0000. Tasma aweshkama a nũmero ha. ¹⁷ To' ken kachaarí toh ohlah lerkén taña kakuẽterma: Pesh kakuãnama pawã lerí tenwãkén, wrahna sukuarí azufre sewákén. To' pẽsan ma ũ'pawã asoñ kenalerií. Pesapañama tenwãken apaskuaruri awãs azufrekén. ¹⁸ Pesh wriha as araken lerma ima onrí pesh wakuá mai te'kerió tenwãri azufrerí pesañá apaskuakurí. ¹⁹ To' ohlah peshta punhma pesañarí kakachirí pesh parñarií i'ka akẽsh pesh parma ebish kernalerií, ekalerma asánkakachirí to'ken pesh wrihalerma kartaskrerurí. ²⁰ Pesh wriha tis tawarkrima, tarõ onler tirima i pesh wakuarish warkuariró irõ ishkrikena, atewata ima arña'ma walash chani tu'nelertirií pesh karwá sá sewáken. Platachaní, broncechani sarí penrí i yasma chẽlertuma weshani tarteshchaní. ²¹ Achani ekalerma amẽshkertirií toh amaskerma, waleshishkerma ñawarkí ishkerma inkenalerma untrokerí.