¹ Akashkua, toh ángel onkima toh arwáha penhí. píriwa as chãarí piriña toh kukñá chre'tokua akri. Toh tapakua a llave piriwaro wishk. arí to' abismo toh chẽ'tan. ² Ekama toh tapakua abismo tohchẽ'tan e'ka columna awãschí tis tawehi a tapakuañá toh awãs horna a'kakenari toh ãnma e'ka onpishri suuktishki to awãs atapakuañá chi' apaskururi rish. ³ To awãsñama tikishkenapaskrí to kukñá e'ka artapunna kawishkri toh parsiki kuk chata lerkén. ⁴ Ti'kakirí toh tiwima warkacheler tipiró toh kukñá toh katru sa'ka aschaní a penrí, akema peshpero Patatishta a sello kakachituperó toh amakñá. ⁵ Ima tá kawishkertirií to peshleri karmaskertipiró, akema yawi onkí torturar kakilerpiro. Toh apáhnuma parsikí apar anu'yo porkuakenaí pesh asro porkuama. ⁶ A tá toh ã che'lerí, toh peshma a ónaro prólerpé akariki paskertipé. Onnish kakipé, akariki toh onnama ekaleryá, tro'péh. ⁷ Toh tikish lerma ohlah kenalerií toh chã'ishkaroke anu'kerpií. Pesã ñama asna kakachií coronas sásewaké e'ka awtapak ma pesh awatapa' kenalerií. ⁸ Asãus kakachií korta pesh sãúskenarí e'ka ki'ma û'pawã aki' kenalerí. ⁹ Corazas kakachrí toh corazas de hierroké pesh wĩsh e'ka toh awish aranama ima ohloh kauwẽta wê arana kenalerií anu' áhranelerké. ¹⁰ Aparma anúh kakachií , toh parsikinke; toh peshparyama artapún kakachií pesh ñás kakilerpiró yawí anki rí. ¹¹ Ama rey ken kakuakrí toh ángel del abismorá. Apinen hebreoma bandon rí i e'ka en griego apĩma Apoliónrí. ¹² To' ay atahtu'asma tu'teshki. ¡Chãũwá! Ehkake tikama ayes pokche'te'kuaí. ¹³ To' ángel sera tawehma arwaha araní e'ka añahas wshkairií to' aãha sa sewa altarña chitehki toh Patatishta awakiná. ¹⁴ Añahasma ti'kii toh ángel sera taweh arwaha kuaakirí: "kartakuwãwĩ toh ángeles kachẽ' kaistikaro ankrí to' aulla Eúfrates a'kañá". ¹⁵ To ángeles kahchẽ' chã'leriiké to' hora achẽ' ã chẽ'rí, a yawichē' e'ka a kuíchẽ', kartakalerií to' taweh maichẽ tis karmaskerpiro toh peshka. ¹⁶ To' número asã ohlayólerma ima 200.000.0000 lerií. Tasma weshka a número ha. ¹⁷ To' akená ohláh ta ónrí kachãarí e'ka atalerí tawé aaña karchilerurií: Pesh corazama pawã lerí tenwãkén, wrahna sukuarí e'ka azufre sewáké. To' ohlah pesan ma ũ'pawã asañ kenalerií. Eka pesapañama tenwãken apaskuaruri awãs e'ka azufrerí. ¹⁸ Taweh maitis toh peshma onrií ama plagos maí tis rishkí a tenwã, toh awãs e'ka azufrerí pesañá apaskuakurí. ¹⁹ Ama akes ohlah peshartapunnama pesañarí kuakrí peshparma pirikata'kenalerí, i'ka ekama pesãn kakachií to'yo pesh kartaskilerurii. ²⁰ Pesh wriha tis tawarkrima, a tá onler tirima ama ĩ plagarish, ameseña akilertirima peshkatun eka ishkerwaakri e'ka tisnaní arñéleruri to' walashró akasteshkertiri idolos sasewa, plata, bronce, sa'rí e'ka penrí ayas chẽlerturí wesh tarteshchaní. ²¹ Akariki achani ekalerma amẽsh eña ishkertirí toh amaskeruri, hechicerías, inmoralidad sexualka kaishtishkerí.