¹ Akashkuá, ańgel artapun akua chãarií, Piriñá chi' chrei. Eka ábrikarí to' wañah as yo i'ka ukaka' as chií asãn aañá. Awatapa' ma. ãn kenarií i'ka toh ata'ma columnas tenwãkenarií. ² Ekama wartruha ayeas kuaakuár to' asawama apriharíke, eka ataheñaró take ullayá tukí i'ka ata' yarwima kukña. ³ Akashkuá eka tapura wáhní to' ú'pawã arñéwaké, i'ka akes wáhnama to' tawak truenoma aranaro tunrí. ⁴ Akashkua toh tawa' trueno aranaro emiti ishkema, tasma kakorspata ishkarí, akarikí ñahas wẽshkarí piriña chi'nehí: Auharó kuakuwá to' tawak trueno néhriró. Kakorskuti''. ⁵ Akashkuá to' ángel chaarí take ullañá aakiro i'ka kukñarí asawá ẽ'ñaro ishpakí piriké. ⁶ I'ka juraishki to' a tá chi' chui akennaí i'akenai Ata i'ka to' krihrori ekaya akí a kukñarí to' krih ekayá akrií to' take ulla i'ka toh kri'ro ekaña akrií: ''Kã awa'ma kechitipé ⁷ Akariki to' achẽma akashkua to' ángel tawak arwa' pempita ishkua. Ekakes to', Patatishta a misterio chã'ripeké toh aken Eka ti'kakawá akatuishtara profetalerí''. ⁸ To' añáh piri weshkarí wartapehí ti'takií: ''Naú wartruhar aprihaí nasukuhú to asawaña ángel aakí asawaña take ulla i'ka kukñarí''. ⁹ Akashkuá, toh ángel ña ta' kaarí to wartruha aye' ta tempiriró, Ekama ti'takii; ''to' wartruhama sukuhú i'ka a'ũ. pi aya asa añama akameripé, akariki pisapañama pre'waripe to' aseké''. ¹⁰ Tasma a to' wartruha ayeí sukuharií to ángel asawaña i'ka a'arí. Ima pariwarií to ase tasapañá', akariki to' ehkakes a'arí, taya asaama akame tishki. ¹¹ Akashkuá, asna ya ti' takií: ''Pama aña, hupé warkiã pesh wartapehi profetizaaishku to' wrisñá, naciones, aawarí, i'ka reyesri".