¹ Akes to' Corderoma sello tawak aprihí, katí as chirí katin tish ki to' piriyama katí as chiiri toh ã ahra kirií. ² Akash kua ángeles tawak chã arí Patatishta awakiyá akrii, akuahna yó tawak kawishkrií. ³ Ángel akua as tehkí, incensario sa sewã ás sukuhí, altar a aña akrií. incienso weh kawishkrí arñe hi tihkakipirõ Patatishta a santó krihró toh altar sa sewã ñá achaha awakiñá. ⁴ To' incienso a ũma, to' Patatishta Santo arñe'leryó, tawẽhi to' Patatishta awãkiya to' ángel asa wãyá. ⁵ To' anaelma incensario sa sewã sukuhi toh altorma tehwã yó umusti. Akes a kukñá tuhí ehká akes wãwãké chiirí, ataluhrí, choih ehka terremoto as hí. ⁶ Ehka to' anaeles tawak kakachi irí toh akũah tawak kih ishkerwá pehlerpó. ⁷ To' ángel taweh asma akuah aranii, i'ka asó awawáh chiirí tewá uríyo ochõ tari. Kukñá katuhrií men tis ekama tasehpiro, pen men tis tasehri to' hierba krihro tasehí. ⁸ Ángel taweh pokma a kuahro araní, wãha a' ka as kenarii tenwá tish tishri asó takeya tuhii. To' asó takema ahraki uriketishki, ⁹ To' ahrakimen to' asó takema pesh wãkua anrii, to' purú men ma ĩ toh tishkrií. ¹⁰ Ángel men ma a kuahro arani, piriwa a' ka as taehí piriya chií, tishkií antorchaké, to' asô uya men hí manantial aso ké. ¹¹ Píríwa api'ma Ajenjori. To' aso men má asken tishkrí Ajenjo akes pesh wé onríí asken a'kame tishkrí. ¹² Ángel kahma a kuahro arani, to' ã men ma ataskií, yawi men rike, tisma piriwá men lerií. Akẽs ekayó tis sukuá tishkí; ã men rií a kakañama kamas akachitirí chitiri. ¹³ Chaãrií, águila as weshkarí, ishtakí weti piri ahrayá, arwani añah aka asyó, "Ay, ay, ay, toalera to' kukñá chilerí, a kuah rishkí pehlerá tis chilerá to' ángeles menma ké pehlerpiruwá".