¹ Akes to' Cordero sello tawak apríwama, astínas chií to' piriyato' hora ahrache'ké. ² Akash kua ángeles tawak ka chãarí Patatishta awakiyá aakrií kawishkarií to' arwá akuahna tawak. ³ Ángel akua as ri tehkí, sukuhí incensario sa sewã ás, altar a aña akrií. Aakiro kawishki incienso wehrí ti arñé wishkerpiró Patatishta a santó krihró toh altar sa sewã ñá trono awakiñá. ⁴ To' incienso awãsma Patatishta a Santos arñe'leryó, tawẽhi Patatishta awãkiya to' ángel asa wãyá. ⁵ To' angelma incensario sa sewã sukuhi i'ka toh altarma tenwã yó umusti. Akashkua eka a kukñá tuhí ehká akes wãwãké chiirí, ataluhrí, choih ehka apãhapaas í. ⁶ To' angeles tawak kakachi irí toh arwáha tawak rí chã'aki'rí péhlerpiró. ⁷ To' ángel taweh asma arwaha araní, i'ka asó awawáh chii tenwã unchokta toh unyó. Kukñá kara'trií to' taweh maí tis tasehpiro, to' taweh maí tis tasehri to' katru sa'ka krihro tasehí. ⁸ Ángel taweh pokma arwáha araní, e'ka toh wáha a'ka asná aktenwaké ara'tarii to' take ullayá. To' taweh maí take alla tisma urikentishkí, ⁹ Taweh mái seres vivientes tisma anrií to' take allañá, i'ka taweh maí puruh tisma warka'chehí. ¹⁰ To' angel taweh may ma arwáha arani, e'ka piriwa a' ka as piriñá chi' taehí okhrí to' artorchake, taweh maí aullatisrí e'ka to' asó até'kua chuñarí. ¹¹ Píríwa apĩma Ajenjo. To' taweh may aso' tisma ajenjo tishkí akes pesh weh tisma onríí toh oso' a'kame tishkrirásh. ¹² To' angel kahma arwáha arani, to' taweh máí ãn tisma warkií to' taweh máí yawitisrí e'ka taweh máí piríwa tisrí. Aken taweh máí tis ekalerñá suúkuatishki; taweh maí áhartisrí e'ka taweh máí kakañá tisrí akamas akachitihí. ¹³ Chaãrií, i'ka angeles weshkarí, akepeshtiro weti piri ahrayá, arwani wáh a'ka asyó, "Ay, ay, ay, a tá to' kukñá chilerí, to' arwaha penleruririshka a tis chuí, ama penlerpita ishkerí to' angeles maíyaa".