¹ Akashkua ima ángeles kahche' ari kúk awetañá, yestiri kueioakrí to' kuk ompish kahyó ompish tisnani a u'tipiro a kukña, aso také pehyó chani. ² Ángel akua as chãari tawehiró, akachi toh sello as Patatishta chuí. Ekama wáhní añah a'ka asyo to'ángeles kahma tóhnalero tah kawishkri toh kúk i'ka take ullarí warkachelerpiro: ³ "To' kukma ma warkautihiwá, také ullarío penrí a sellos tu'bartaní toh untas Patatishta akatuishto amakyá". ⁴ Tasma weshkarí toh numero a tá taro sellado lerií: 144,000 a ta taro sellado leri toh tribu asasrí pueblo kãa de Israelka: ⁵ 12,000 to' tribu de Judas aken sellado lerii, 12,000 to' Rubén atriburií, 12,000 to' Gad a triburi. ⁶ 12,000 to' Aser atriburí, 12,000 to' Neftalí atriburi, 12,000 a tribu to' manasés. ⁷ 12,000 to' Simeón atriburí, 12,000 to' Leví atriburí, 12,000 to' Isacar atriburí, ⁸ 12,000 to' Zabulón atriburí, 12,000 to' José atriburí, 12,000 to' Benjamín a tribuma sellado lerií. ⁹ E'kakẽs ma ĩ yasleri tasma chãawa, i'ka pesh wriha ahkaas chãari aschanniyá aweshkertirí, to' nación krih yarí, tribu kãari auwarí, aakiró toh trono awakiñá i'ka Cordero awakiyá. E'kama kaowá kamãsayo aakrií e'ka palma ããsa kuaakrii pesawañá. ¹⁰ Elerma arñáhkapãishkrí wáh a'kayó: "¡To' salvaciónmá untas Patatishta eí, to'taró tranoya achihí to' Cordero wá!" ¹¹ To' ángeles krihrórí aakrií to' trono arwichinñá chuará arwichiñarí e'ka to' seres vivientes káhlerí e'ka chrē'enhrí chilerí taehrií awatapakñá trono awakiñá. E'kama Patatishtaro arñehirí, ¹² ñehlera: "¡Akenaí! ¡Areshkuarí, kaa ahrari, Eyrurì, kaparkuá, honor, artapun fortaleza tohkeí untas Patatishta tohkerí chii teshpé! ¡Akenaí!" ¹³ Akẽs choara asñá tarkapeí: "¿Ima talersa, akowa anúhri kamasalerí e'ka piyah chite'kersá? ¹⁴ Tasma ta'kaarí: "Señor, payá eiriyá e'ka ekama ti'takií: "Ima ina'lerwá to' tribulación a'kaya chi' apaskríí Ekama pesh kaowá sukrií e'ka kabisaki'rí Cordero a uriyó. ¹⁵ iñaríshki, Patatishta a trono awakiña aakrí arñehlerá kapahnirí kakañarí eka a temployá ataí tronoya achihi extende'kipé tienda ekalerñá. ¹⁶ Ekama wartapehí uwá kaki'tipé, wartapehí asó tokishchaní kaki'tipe, to' ãnma pataok kaki'tipé, pataok as chani. ¹⁷ Akẽs to' Corderoma trono ahrañá akí a pastor ripé, ekaya kakuwẽpe to' aso aú chuñá e'ka, Patatishtayá awatia kaũspé a saslerí".