¹ E'kakes ãche' ángeles kah ch'e ari kúk awetañá, yestiri kueioakrí to' kuk ompish kahyó ompish tisnani a u'tipiro a kukña, aso také pehyó chani. ² Ángel akua as chãari tawehiró, akachi sello as. Ekama añah a'ka asyo wahni to'ángeles kah ró to' ñahleri tah kawishkri ne warkua ki' lepiró asó také ku'ri: ³ "Kuk ma warkua kauti iwá, také pehri pi wakiña tu'batani sello i Patatishta katu ishtai". ⁴ Tasma to' número ró weshkari a to toro sellado lerií a: 144,000 añaleri sellado kaki'rii tribu pueblo a Israel rí: ⁵ 12,000 to' Judas atriburó sellado lerii, 12,000 Rubén atriburií, 12,000 Gad a triburi. ⁶ 12,000 Aser atriburí, 12,000 Neftalí atriburi, 12,000 a tribu manasés rí. ⁷ 12,000 Simeón atriburí, 12,000 Leví atriburí, 12,000 Isacar atriburí, ⁸ 12,000 Zabulón atriburí, 12,000 José atriburí, 12,000 Benjamín a tribuma sellado lerií. ⁹ E'kakẽs tasma ĩ yas chãari, pesh wriha ás chãari tisnaniya kaweshkertipé, to' nación krih ro, tribu kãari auwarí, achona awikiya aakritoh Cordero awakiyá. E'kama kaowá kamãsaro anu ha ishkri asawayama palma aãsa kuã a akrii. ¹⁰ Ekama arñahaishkrí añah a'kayó: "¡To' salvaciónmá Patatishta eí, añaí achahaya achihí to' Cordero wá!" ¹¹ To' ángeles krihróma aaka ishkrí arwichinrí achahayá chuará a'kawa arwichinrií to' pesh kah chilerí taehrií awatapakñá achaha awakiñá. E'kama Patatishtaro arñehí, ¹² ñehí: "¡Akenaí! ¡Areshkuarí, gloriarí, sabiduríawá, kaparkuá, honor, fortaleza kauwá Patatishtaro akẽ chii teshpé! ¡Akenaí!" ¹³ Akẽsma choara as a'ka asya kapeĩ: "¿Talersa ihí akowa bektí kamasalerí piyah chite'kersá? ¹⁴ Tasma ta'kaarí: "Señor, pama eiriyá ekama ti'takií: "Ima toh yalerwá to' tribulaciónya chií apaskríí. Ekama pesh kaowá sukrií kamosa ki´rií Cordero a uriyó. ¹⁵ Irish, Patatishta awakiña achihrií arñehlerá kapahnirí kakañarí eka a temployá añaí achahaya achihi a'ka kipe tienda eka achihriyá. ¹⁶ Ekama wartapehí uwá kaki'tipé, tisnani wartapehí asó tokish kaki'tipe, ã má pataok kaki'tipé, pataok tisani. ¹⁷ Akẽs to' Corderoma achaha kerayá pastor ripé, ekama kawapé fuentes asó chiwayá, Patatishtama ũspé awá asas akahleró".