¹ Éhka kes chãarí asawá eñayama a tá trono yá achihirií, wartruha kakorskaas toh a wakiké ehka toh asukerí selladorõ toh sello tawak yó. ² Ehka chaarií ángel artapunhna as añah tapurá proclama ishkí "¿Taro dignosa toh wartruha aprihpií éhka a sellos kaswakpiro?" ³ Aschani a piríñá a toh kúk ñawá o kúk awakéwá capas tahrií a toh wartruha aprihpirií o aweshpi rãh. ⁴ Tasma ákamerí akáhnari toh asnaní digno paskertirirish ri toh wartruha aprihpirõ o aweshipirõ. ⁵ Akariki to' chuara asña tih takií: "Akáhnutí ¡Chaú! Toh Úh atribu de Judárá, a toh Divid apíshka, vence ishki ké. Ekama capaz hi toh wartruha aprihpií éhka toh sellos tawak rí". ⁶ Cordero as chã arí aákirõ toh trono ahrãñá éhka toh kahseres vivientes ñá i'kateh chuara ahrãñahá, ima taska kenarií. Ekama a aánha tawak akachi éhka awã tawakrí; Ima Patatishta akuansã tawaklerá túhalero a kúk krihañárã. ⁷ Ekama neí ehka toh wartruha sukuhí asawa eña ya a toh trono yá achihirií. ⁸ Ehka kes Eka toh wartruha sukuh wama, toh seres vivientes kahma éhka toh pok ukua kahchuarama a kuk ñá yũnríh toh Cordero awakihñá. Ama toh ekalerí arpas asas kaka chii éhka copa sasewa así incienso umustaró, toh santos arñewalerã. ⁹ Ekama canción wehka ás ayeshkerurií "Pama digno riáh toh wartruha sukupií ehka a sellos aprihupií. Para aké amaskrií akes pĩ uriyó to' peshká kakuhurií a Patatishta erõ toh tribu krihrá, auwãrí, kãa éhka nación rí. ¹⁰ Pama ekayá reino ás ishkurií éhka parẽ Patatishta akatun ishkaro, ekama asahtaleripé a kúkñá". ¹¹ E'karõ chã arí éhka weshkarií ah áranaró to' wéh ángeles ké to' trono arwichih ña éhka seres vivientes i'katoh chuara rí. Toh eka a númeroma miríadas de miríadaslerií éhka millares de millares. ¹² Eka ma añáh ahka' yo tirĩ: "To' cordero ma dignohí amaskarirõ artapunhna sukuhpirãh, nonrí, kaarií rí, fuerza rí, honrarí, kaá ahrarí ehka alabanza". ¹³ Tasma weshkarií toh krih yas kaarií a piri yá akirií ehka kúk yarí, a kúk awakerí éhka takeulla yarí toh krih ekañá lerí tih ñehra: A toh trono yá achi'waí ehká a cordero ake alabanza rií, honor, kaa ahrarí ehka artapun ake asahta leripiro akenari akanaí. ¹⁴ Toh seres vivientes ñehrí, "¡Aké!" ehka toh chuara , ma yunrií ehka kes arñerií.