¹ E'kakes ĩ yas tu' teshkuakri, chãari, ãkens kosapa apriha as chaari piriyá. Ña' as ki weshkarí, ta kapashkii to' kuehké, ñehí: "Ña tawehú, picha wishpa to' tu' teshpii ĩ yas tu''teshpii. ² Uwãripé tasma akuansayó a akari, chã ari acha as achihiri piriyá, eka asyo achihiri. ³ To' achihima chamari to jaspeke cornarlinake pira katas as aakri arwi chiharó acharó. To' pira kata'ma esmeralda kenta rii. ⁴ To' achaha arwichihi achima ukua pok ka chiri achihrii, to'achaha achihiyama chuwá pok kah achihrii aka owá anuhrima kamasalerii, asãñama asantuka sa sewalerii. ⁵ To' achahayama ara'na apaskrii, apaskeruri wãwã añahri: Tawah kamaskrima sahá ishkrii achaha awakiyá; tawah kamaskrima Patatishta akuansaleri. ⁶ To' trona awakiñama asó take ulla as achihri, Achaha akerayama Pesh kah aakrii awá mustileri awakikeri asukeri. ⁷ A tahtu' chii Ú,pawã kenarii, tawe' pok chiima peshwakua kenari, tawe' mei chiwama arwã awatapak kenarii, ke kah pakuama aguila kenari akapeshtinewãi. ⁸ To' Pesh kah lerima awish será kakachirii awa mostilerii ta'wakerí okakerpi. Kapahnirí kakãñari tisnani teshki aakerturii ñehlera: "SANTO, SANTO, SANTO, To' Señorma ta pun waí, tõ'ñaí añari enka ata' te'pii". ⁹ Akãnskua to' pesh chileri kaã píri ñehlerwa, honor hí kaparkerwá to' achahaña achiró, añai chií chií teshkuai, aken akennaró. ¹⁰ To' chuwa ukua pok kah awakiña achihlerwá to' achahaya achiró arñehlerwá ã chií teshkuaró. E'kama asã tukaró ara'terá achaha awakiya, ñehí ñe'lerá: ¹¹ "Digno riyá, Señor patatishta riya, kaã piri suku' hurii to' honrra tapunri, ankro paí to´krih yas achihiró kauri, pa en kauriró, chilera, nelera ki'rii chuí pa voluntad rishki ima chilerwá".