¹ To' angel kakorskií iglesia Sardisña: Ĩ ñahma toyaí a kuaãkí kuansa tawaklero Patatishta hi piriwa tawaklerwa. "Tas ma' arihawá pa ishkuriró. Pai pipinas pikachuwá wakua wetupiró, akarõ ke onnurií ² Chãiakú toh pehwãí tishkua to' tawarkuaya', akẽsh onnu piruwá ke', akãro Pastahari to' chẽ ishkuriró Patatishta awakiya'. ³ Akanskuá ata aku', to' weshku sukuhiro'. Weshkurií ke ishkutiké, ankaro awakú, to' kaishtishtake tehpa, pama arihutipé ã Íkri te' pa ekana. ⁴ Akariké arwã tis chilerwã to' sardisña. pesh kaowa makertirirí akens ekama tasyo tarteshkerpé to' kaowá kamasaleri ãkarõ e'kama eñalerwa. ⁵ A ta' kauri, ama akaowá Kamasaripé, apinma tisnani peshtapa to' awikawã kakorskariña chih teshkuai tasma apinro ñahpa tatus awakiña to' Angeles awakiyaña'. ⁶ Taró asuntapá akachuma, weshpé to' iglesia, akuansa ñehwai". ⁷ Tó angelro kakorskú to' iglesia filadelfia ñá, "I añahma ñayai to' santo yarhi E'kaya kuãakua David llavehá, Ekaña aprihuma asnani akatishtipé akens asnaniyá aprihtipé. ⁸ Tasma pirkatunma ari'hawá. Chãawá, tasma tukarií pi awakiña to kaosapa asñá, asnani akatistahipé. Tasma Arihawá pita punma akina pikachui, e'ka taña'yo weskurií tapin ho' ta' kautirií. ⁹ ¡Chaúh! Tasña ka' pa to' Maisara Sinagogaña chileri, to' ekaperish ñehleri judios í akarike, ama tõ'ñatalerwá akarõ kaselerwá, ama kaka' pa te ayu'lerpiró ta tahña , arihlerpiró tasñá cha en kaka aí. ¹⁰ Akens pishki en kaorisa tas ñahari chilerpiro to arechanawai, tas wá en pika' pa ate' kuai to' kuk krihro te' kuaro', ama karkamaspa to' ku'ñá chileró. ¹¹ Tasma ke te' paruwá. En kuã kú to' kuã akuriró asnani pi pirte sukertipiró pi coronaró. ¹² Taro pitenta ki'wama tasma eña as wishpa Patatishta achi'wish kaoñá. To' ya tisnani apastipe akens (kakorskari Patatishta apinyo, Patatishta apin kãauya (Jerusalén wika, Patatishta achihiña chii chreí), ta pin we'kaña. ¹³ Taro asuntapa' akachuma weshki to' iglesia akuansa ñehwai". ¹⁴ To' Iglesia angelró kakorskú to' LaodiceaI: I añahma iñalerwa' ã kenai, to' arihwai ama ñehwama yar hi, to' sã a' tama Patatishta kiiké. ¹⁵ Tasma to' pirkatún arihawa', pama seh tahriya, pata okua chani, iAkema chrima Pata okuai! ¹⁶ Akens, Irish seh risa Pata okua chani seh chanii tas ma tasapaké pi kas pasparishkawá. ¹⁷ Pa ñahiké:"Tasmas nonrawá, yas takachuwá tisnani tasma kapaã wetawã", Akarõ pama arihutuwã pa Ĩ pikachituí Ĩ tahriyá oisí achautuwã a peshpé wetiyá. ¹⁸ Weshkú ta nahá: Kuhú sá sewá ishkú non tishkupiro, a kaowa kamasa yar kiwaké pama en anuhupiro kahcháwishtipiro ã ish kiwaí to' a peshpe wetutipiró, bálsamomá pi waya akarkerpiro chẽ achaũpiro. ¹⁹ Krihró kachaií tapuri ta' kakaá oisí kakaawá. E'kakes ké warkuá a'ká ishkutí. ²⁰ Chaú, tasma kaosapa aaka penhawa.Taro tañah weshkuama kaosapa aprihpa, Tasma a kao asaañá tokpa akes̃ sirá ekayó ã'pá́ eka tasyorí. ²¹ Taro to' eniti'kakiwama, tasmá yahro wishpá tasyo achihpiro ta achahañá, tas ta'kakaarikẽ ta tusyó achaharí eka achahañá. ²² Taró asuntapak akachuma weshpé to' iglesia a kuansa nehwaí".