Juan_HRomeroC-pay_rev_text

Kapashká 21

¹ Akashkuá, chaarií piri wêhka as I'ka kúk wêhka as. akes tôh piri ki'rima i'ka ã kúk riwa teshkri,akes tôh takerima ãwã chitihi. ² chaãrií tôh kaha eñai, Jerusalem weika piriña chii charei, patatishtaña, awaki asenke arñehi ã arwã ekae'ke. ³ Weshkari ñah â'kaós tôh achaha ñehó: "¡chauwa! patatishta ã kaâma ña aâki pesh peshkera cherña ekama chipé ekaleryó.Ekalerma akahalerpé patatishta askén ekama chipé i'ka eka pesh patatishtaripé. ⁴ Ekama kasúkpe pesh wâ tiâ añama ke ôhma chitipé, i'ka âka' chani ekes apâhnuchani.Atâh yas ki'ri chiima ke chituwã. ⁵ Atâh achi'rií achahaña ñeri: "¡Chauwa! ke wêhka kaârií tôh yas kari'ró" Ekama ñehi: "kakosku ihi i ñâhma yarhi. ⁶ Ekama ti'takii: "!I yasma ke kaâi! tas rawa alfa omega, ata'túkwa i'ka anúktari.Atâh takishkiwa, tasña tõhna wishpa i aôhnú i asôi wahá wishparó. ⁷ Tare anúkta kiwama wishkerpé tôh yas i i'ka tama pi patatishtaropawáekes pama ta ye'ripiwá. ⁸ Atâh i ishkertuma, atâh fe kakachitui, ã warkualeri atâh pesh amastaleri, ã sexualmente inmoral leri, ish tishkeri, idolatras, atâh kasata kari'ro, ama ténwa akaña nelerpé azufre tâsh ki'waña. Añama õhna pókripe". ⁹ Tõh ángeles tawáklerima as te'ki tasña, atâh akachií tawak copas unmustaro ã tawak súk warkua akachií i'ka nehi:"tenku ñá.tasña achawishpa asén ã cordero akawai" ¹⁰ Akaskuá tawaki ta kuasari aniña wahá a'ka kaâhriri i'ka tachawishki kahá santa as, Jerusalén, piriña charei patatishta chuña. ¹¹ Jerusalénma patatishta â kãa pirii akaehií i'ka akamasha joya kenarií eña asri, sá jaspe ke kabisa baténke. ¹² I'ka akachií mura kaâhriri kusapá ukua pakyó, akes ukua pok ángelesyo ãkaósapa lerñamaâ. Â kaosapa kakoska lerií ukuá pok tribus Israelña. ¹³ Ã Este kema akachií kusapa mai,ã Nerte kewa kaosapor mai akachirií, ã Sur kewa koasapa mai akachií i'ka ã oeste kewa kusapa mai akachií. ¹⁴ Tôh muroma arwichihama ã kahaña cimiento ukva pok akachií, i'ka añama kakostarií ukua pok pesh pinró ã ana'ta ukuá pok leriro de cordero. ¹⁵ Atâh kapaskima tasyó akachií pen bêhtias aniyo kaâro sâ sewayó i'ka kaharo medi ki'piro ã kusapari akes ã mururi. ¹⁶ Tôh kãhama achi'rií cuadrado asña; ã bentima askena ã kapokyó. Ekama midi ki'i tôh kaharo, ã peh benti midi iskayo,12,000 akatesh behtiri (ã behtima, akapakma i'ka akaâma askena lerií). ¹⁷ Ekama murowa askenkií,144 akarriâ babúkri akes askenki arwãken(i'ka ángeles askenlerwá). ¹⁸ Ã muruma ishpakií aníyo jaspeyo i'ka ã kãhama sã sewa ekayo, akes kabisa baténke. ¹⁹ Akẽtôh muruma yas sâ eñayo arwachiharií.tawêh ki'ma jasperií, tawêh pokma zafiro, tawêh maima anirií agata, tawêh kâma esmeraldarií ²⁰ tawêh ankima anirií ánice, tawêh serama anirií sardio, tawêh tawâkma anirií crisólito, tawêh ôwama anirií berilio, tawêh tashma anirií topacio, tawêh ukuama crisoprasorií, tawêh ukua asma jacintorií, i'ka tawêh ukua pakma amatatistarii. ²¹ Ã kaosapa ukua pok lerima anilerií ukua pok perlas koasapa asâ sasma kaârii perla aspesyopé.Akes tâ uyama kaharima aniyo kaârií sâ sewa ekayó, batén a'sâwayoké. ²² Tasma kaê uyama i chanâharií kahá kereñamaâ,i'ka patatishta â'kara âs atapúkyo, akes ã corderori,ama kaô uyalerá. ²³ Ã kãhama akamaskuama akachitihi tôh ã chani i'ka yawĩ chani kamaspiro ekaña, añama patatishta â gloriaña kamaski, tôh corderoma lámpara i. ²⁴ Tôh kãhãlerma tã'teshkerpé ã kãhã kamaskuañá.Tôh reyes kúk chatalerma pê'kerpé ã kamaskuai ekaña. ²⁵ Ã kaosapalerma takatishtipé ãnharchema i'ka kakañama tishtipé. ²⁶ Ekalerma pêhkerpé akamaska i'ka honra ki'lera ã kãhãleri ekaña. ²⁷ I'ka sokuama totipe añamaâ.taro atáh yas warkua ishkeri ishri añama totipé, akes atâh kakorskalerpero pesh pin awikãwã chuña to' Corderoña.