¹ Akashkí, ángel ás chã̃arií toh piriñá chih chreiró. Akachi irí toh abismo a lleve ha fin akachitú ehka cadena áhka ás akachi irí a sawañá. ² Toh ángelma añastoki a drogón rõ, toh pirikatak kekerí ama toh maisaráma, maisaraí ehka istikií a kuí (ukuara). ³ Akes ekaró tuhí toh abismo fin akachitu yá, akatíshkí éhka sella kií eka añá. ima toh karísh eka a naciones tis naní kasetipirõ, ama toh kaí (ukuara) tuhteshkua taní. Akes tikí ima, ekama kã akinatís ña ártakeripẽ. ⁴ Akes tronos chã arií. A'chihilerirõ ekañá atá toro tapun kawishkei wakrií juzga ishkerpiró . Toh almas wá chã arií atá taro asa kataskelerií Jesús aña heñaí rísh ehka Patatishta añah rísh. Ekama arñata' ishkertirí a bestiarõ ehka peshkarwa chani ehka suku'lertirás awãská sãawakiké o asawayari. Ekama a û chiririí ehka toh Cristo yó reina ishkrí kui (ukuara) há. ⁵ Toh akua ohnilerma warki ũ chilertirí ama toh kuí (ukuara) ríh yáh tishkuatanirí. Ima toh resurección inta ĩ. ⁶ ¡Ikaparka wêí ehká santo toh asnakeler resurrección! Inta ñá sukú'wama. Ama a pok ohnañama tapún alachituwá. Ekama Patatishta a parẽ lerpé ehka a Cristo rí ehka eka yó reina ishkerpé kuí (ukuara) há. ⁷ Akáshkua kuí (ukuará) cumpli akiwama a mensarama toh prisón yá chih ártalaripẽ. ⁸ Ekama apas nei kasepé a naciones ñarõ toh kah aweta akrí a kukñá Gog éhka Magog rí esken pehkerpirâh a toh batallá ñá. Ekama a wehlerwá toh ũ ũ take ullaké. ⁹ Ekama toh superficie kúk añá nerí ehka tho santos acompamentos arwichíhrí, a kaha keishka, akarikí tehwã piríñá chih chreí akes karmascheí. ¹⁰ Toh mensara ma a tá ekaro karkasewarurií a lago tehwã ña túhi rií ehka azufrerí, toh bestia éhka a profeto kasato piáh tuhalerií. Ekama atormentodo leripe ã harí ehka lalaña rí akeri ehka akeripé. ¹¹ Ama akes trono kamasa as cha arí ehka A tá ahchirií añá, toh kúk a pirirí awarkiñá trokcherí, akes ekama lugar kakachitiri tohñama. ¹² Kacha arií ohnilerí ama ahkarí ehka ayehrí, aakriró a trono awakihñá, ehka toh awikawãmo apríharií. Akes toh awikawã aswa apriharií toh awikawã a ũ rií. Toh ohnileririma jusgado lerií toh kokorskorõ akirísh awikawa ñá toh katuishkriras. ¹³ Toh take ulla ma kawishkí a ohnilerõ toh ekañá akrií; ohnirí ehka Hades rí kawishkri a ohnilerõ toh ekañá akrií; ehka toh ahnilerma jusgado lerií irõ ishkerwaakri ekana. ¹⁴ Toh óhnari ehka Hades rí a lago tehwã ñá kataharií. Ima ohna a pokñaí toh lago tehwãñá. ¹⁵ Toh asná apĩrõ kakorskõ aktihima a toh awikawañá a ũ ñá, katuharií toh lago tehwãñá.