¹ Akashkua, ángel ás chã̃arií toh piriñá chih chreiró. Akachi irí toh abismo a lleve fin akachituí ehka cadena áhka ás akachi irí a sawañá. ² Toh ángelma sukúhakatishki a drogónrõ, toh pirikatak kekerí ama toh piamá maisaráí ehka istikií a kuí (ukuara). ³ Akes ekaró kastuhí toh abismo fin akachitu yá, akatíshkí éhka sella kií eka añá. ima toh eka a naciones tis naní kasetipirõ, ama toh kaí (ukuara) tuhteshkua taní. Akes tikí ima, ekama kã akinatís ña ártakeripẽ. ⁴ Akes tronos chã arií. tohñá achihriró atá taro artapun kawishk juzga ishkerpiró . Toh almas wá chã arií atá taro asa kataskalerií toh Jesús añaheñarísh ehka toh Patatishta añah rísh. Ekama arñata' ishkertirí a bestiarõ ehka peshkarwa chani ehka suku'lertirás awãspiska peshmakñá o asawañá. Ekama chirirí ehka Cristo yó reina ishkrí kui (ukuara). ⁵ Toh akua ohnilerma aû ũ krte'tirí ama toh kuí (ukuara) yáh tishkuatani. Ima wakuatish tawéh aski'í. ⁶ ¡Eñaarahrí toh santo asnakeler tis sukuhuama warkuatish ki'tawéh asñá! Ama a toh onna tawéh pokche'ma artapun akachituwa. Ekama Patatishta a parẽ'lerpé ehka a Cristo rí ehka eka yó reina ishkerpé kuí (ukuara) há. ⁷ Akáshkua kuí (ukuará) chã'ishkuama a maísarama toh akatishsakañá chih ártakaripẽ. ⁸ Ekama apas nei kasepé toh naciones ñaro ama to kuk aweta káhñá Gog éhka Magog rí ama esken tauluêhra pehkera to' anu'kerpira. Ekama a wehlerwá toh take ulla aũũkenalerá. ⁹ Ekama toh kuk kapokñará nerî ehka to' santos acompamentos arwichíhrí, to' kãa amadaí, akarikí tehwã piríñá chi'éhí akes karmascheí. ¹⁰ Toh maisara a tá karkasewarurií ekalero a lago tehwã ñá túhrií ehka azufrerí, toh piáh bestia éhka a profeta kasatarí tuhalerií. Ekama atormentado leripe ã harí ehka kakañarí akeri ehka akenarí akeripé. ¹¹ Ama akes trono kamasa a'kaas cha arí ehka A tá ahchirií ekañá, toh kúk a pirirí trokcherí to' pi presenciarish, akesama ekalerma lugar kakachitiri tohñama. ¹² Kacha arií to' ohnilerí to' a'kalerí ehka to' ayehrí, aakriró a trono awakihñá, ehka toh awikawãma apríhalerií. Ehkakes toh awikawã aswa apriharií toh awikawã a ũ rií. Toh ohnilerma juzgado lerií toh kokorskarõ akilerish to' awikawa ñá to'irõ tis ishkeruriekana. ¹³ Toh take ulla ma awishkí ato' ohnilerõ toh ekañá akirií; ohnima ehka to' Hadesña onnirõ kawishkri toh ekalerñá akirií; ehka toh ahnilerma juzgado lerií irõ ishkerwaakri ekana. ¹⁴ Toh onniri ehka Hades rí a lago tehwã ñá kastuharií. Ima onna tawéh pokñaí toh lago tenwã. ¹⁵ Toh asná apĩrõ kakorskarõ aktihima a toh awikawañá a ũ ñá, kastuharií toh lago tehwãñá.