¹ Akes i yas i, weshkarií arani as ñah a'kari pesh wriha a'ka as lerií ã piriña; ñehlerá:"Aleluya à salvación ma, tôh gloriari ãtapuk ri ama patatishta êrií. ² Eka ã juicioma yarhi ãke, i'ka ekama juzga kií toh prostitutaró ã warkua ishkuaruri i kúkña eka inmoralida sexual yó.Ekama akema tawarti ã uri katún pecheyo, ekaña ka awarki. ³ Ekalera kri'pok ñehrií; "¡Aleluya! à awas tawehí eka ẽi aken akanaripe." ⁴ A chuwara ukua kâ lerma i'ka to' kâ seres viviente akes achányope aâkri patatishta arñehña akri atâh achi'rií ã tronoña. ã asken, i'ka aye'ri a'kari. ⁵ Akaskua, Akes ñahas apaski tõh tronoña, ñehi: areshparwa unta patatishtaró, tôh katún ishta krihro, pawahi akatiñawi, ã asken, i'ka aye'ri a'kari. ⁶ Akashkua weshkarií ñahas aranake tapura pesh wriha lerke, aso aranaa'ka pe'kuake. i'ka wãwã tapura aranakeri, ñehlera:"¡Aleluya! Akes patatishtama reina ishkua, pata tishta krih goberna ishkuaya. ⁷ Ararih ââhprá, ararihri â gloria wishkapiro ekaro, i'ka ã celebración tôh asawa sukúkpií ã corderoí ké umusti tôh asén ma en ã akike". ⁸ Tôh ekama ke âiña kabisara arachahai i'ka to'kabisa lino iská"(akes to' lino iskama ama ã en ishkrií ã Justicia kaã santoí). ⁹ à ángelma ti'takií: "kakasku ihi: arari'leri ke karwanai tôh ê'lerpiña ã asawa sukúkpiya ã Corderoña."Ekawa ti'takií: "I ñama patatishta añahama yari" ¹⁰ Akes ta chanyone yuna eka ata'ña arñahparó, i'ka ekama ti'takií; "Itôhkema ishkuti! "Tasma siervo askenarawa palerke i'ka pi arkiké atâh kuai aâbari Jesús añah eñai, patatishtaro arñahú, akes Jesús añãh eñama i'ka akuasâ â profecia i." ¹¹ Akashkua, piriro chaãri aprihari chaari, i'ka tôhña aslák kamasa as chii.à aña achâhtama fiel rií i'ka yar rish.Ama justiciayo Ekama juzga ishkuá as anukua. ¹² Eka awama ténwakenai ititihri, akes eka asañama corona pei.Ekama api as kakoskai, asnani ari'lertui,Ekapero ari'wa. ¹³ Ekama anuhua tunu as uriyo makaró, Eka apima ti'kilerwa patatishta añahai. ¹⁴ Tôh ejercito piri chatalerma arbakkri oslák kamasayopé,iña arporka lino kenari, kamasa kabisarií. ¹⁵ Eka asapakema apaski espada êshkaro ake kaki'pe tôh kãha leri akes goberna kaki'kuakuanayó. Ekama kapapishki ñas kaki'pe akayi akâiwaras patatishta atapúk a'kayó. ¹⁶ Ekama kakoshkai eka añaña i'ka eka ã muslo ñari: Rey de reyes y Señor de señores." ¹⁷ Ángel as chaãrií ãâki. Wâhni tapura karwani tôh kuas tapêhrá weteri kari'ro."Te'kuwá, atawahu wãwĩ kari'ro te ãũpiwaro patatishtayó. ¹⁸ Te'kuwa, auwãwi reyes pesh yukulero, yuku asã aâhtaleró, yuku arwã â'ka pecheâ, yuku eslák keñawa linetes. i'ka yuku arwã kari'ró pecheró, askenwa libreri akes esclavos ri, ã aye'leri i'ka â'kawa." ¹⁹ Kachaãrii bestiari i'ka ã reyes kúk chataâ pesh ejercitoyó.Ekalerwa atawẽha ishkri ani anukerpiro ²⁰ Tôh bestiama sukúhri ekayo, ã profeta kasatama ã yas ishkuaruri eka chei aâkerña. I yas ishkuayo, ekama karkaseí atâh sukûhriwa aâkri ã bestia amakayo, ekama karkasei atâh arñêhriwa tôh pesh karwa. Eka poklerma kakis-barkri wakualeeri ã ténwã ititíh ki'waña ã azufre kartabrikuañañá. ²¹ I'ka akua tawarkrima karmaskri tôh espada pêhkií asapaña atâh aslák aâña â'chantai.kuásma kri'ró yuku ẽ'ri.