¹ I yas tikima, chârií ángel akua as chreíró piriña chií. I'ka atapúk wêh akachií akes i kukma kamachehi a gloriayó. ² Ekama wâ'ni atapúk âkayo, nehi: "Taenhi, taenhi Babiloniaâ tôh â'kai! Ekama tishki wálásh akaô, ã aúlerña kuanza warkua kari'ró i'ka ani aúlerñari kuas as as warkuá aryokatari. ³ Akẽshtõh kaha kari'ro lerma misón cherií tôh vino toka inmoralyó.Ã reyes lerma i kúkña ê'rií inmoralida ekaleryó. Tôh ú'châhta lerma i kúkña i'ka tishkrií plato nónleri eka pesh tapúkyo ki'rií eka cherké". ⁴ Akaskua, weshkarií ñah as piriña ñehi: "Apaskú ekaña, kahá tastei, i'ka warkua ishkutipiwaro akes plaga asnani ñaspiki'tipiró. ⁵ Eka warkua ishkrií ke unmustri pirichẽ akes patatishtama â'taaki tôh warkua ishkrií. ⁶ Atamihuwãwĩ eka katamihike ã akualeri i'ka atamihuwãwĩ karesh eka ake ishkíke;eka toh copa únchuwâktike tôhnaro, akes únchuwâktu kri'pok kau eka ê'ró. ⁷ Tôh eka kãopirii akiike chuwaruri en wishku tôhke tiku ish ki'piro.I'ka aturuzaña'ma ñe'wã "Tasma achahari reina aske; Tasma viuda as ratawã, akes luto asnani chanama'. ⁸ I'ka akes, án as chepé ã plagaña armúkchelerpé; õhri, lutori, i'ka uwaêri. Eka tasâ'chepe ténwãña, akes patatishtama atapún Juezi i." ⁹ Tôh reyes i kúkchata ã ê'rií inmoralidad sexual i i'ka tõsh krií ekayó akâ'lerpé yorôh ishkerá ekaña akashkua chelermaâ ténwã awasyopé. ¹⁰ Ekalerma karã'ri tisteshkerpé, akati'lera ôhsirish, ñehlerá:"¡Ay, ay tôh kaha â'kai, Babilonia, ã kaha atapúk pei! I'ka án as pechẽ ñaskakipe." ¹¹ Tôh ú'châhtalerma i kúkña ama akâ'lera ñehlerpe ekarish, i'ka asnani kakuklertipira ã ú'chêhleri - ¹² ú'chaha sâ sewa, sâ kamasari, sâ eña keñari, perlas keñari, iña âêkari, purpurari, sedari, escarlata i'ka peh yas kari'ro wis ki'wakeñari, akes seri de marfilwa i'ka seri kari'ro kaâi eñari pehyó,bronceri, hierrori, marmolri. ¹³ canelas ri, wiski'leri, insiensori, mirrari, i'ka insienso pôhproki'leri, vinori, aseri, harina êkari, trigori, kairi akes avejari, oslakri carrori esclavori i'ka pesh almari. ¹⁴ Tôh awa en pirrarima kari'ro pi tapukyo ke ikai pañama nei. Ã eña kari'roma tôh kamas chamarima ke tôshehei, I'ka ke chautipiwa wartapehi. ¹⁵ Tôh unchâhta lerma yasleri i'ka tõhna tishkrií ekarish akẽshtishteshkerpé karâ'ri ekarish toh yas ki'lerish, aka'lera ñehlera tapuro akanlerpé. ¹⁶ Ekalerma ñehlerpé:"Ay, ay tõh Kaha â'kai ã iña â êkayó, purpurayo, I'ka escarlatari, akes eña ki'rií sâ sewayó, joyas eña keñayori i'ka perlasri¡ ¹⁷ I'ka án aspeche tôh yas eña kari'roma kamák tishchei"Ã capitan purú patama, arwã kari'ro takeri, marinero i'ka kari'ro atah take chataleri, akes tishteshkri karâ'ñá. ¹⁸ Ekalerma wâlerií tôh awaska tasehi ekaro.ñehrií."¿I kahasa i â'kai kaha?" ¹⁹ Ekalerma achehrií polvo â pesh sâña i'ka wâhlera, aka'lera ñehlerá:"Ay, ay tõh â'kai kahá ã kakachii kari'ro naves takeña i'ka plato tôhna tishkrií.Akes án aspeña war tichehi." ²⁰ "¡Ararih aâkuwãwĩ ekarish, piriri, palerwa creyentes, apóstoles i'ka profetas ri, Akes patatishtama juicio pêhki parishwá!" ²¹ Ángel atapúkyó as sukuhi sâ ás, i'ka sâ ôh á â'ka aské akes takeullaña tunhi, ñehi: "Inkenarash, Babilonia, ã kahá ayai, i'ka túnlerpe okaké tapúk â'kayó akes ke chẽlertipé. ²² Tõh arâ'lerma arpas,areshka, arwari i'ka akuâhari ama ke weshkertipé.Akes artesano asnani chautipé pai. I'ka ahá ara'chani weshkutipe pai. ²³ Tôh lampara akamasma ke kamastipe pañamaâ. pesh sê añahma ke kaweshkutipe ke pai, i'ka pi ú'chahtalerma ama principé i kúk chatalerií, akes kaha kari'rolerma karkaseurií pi hechiceriayó. ²⁴ Ekalerñama paskri urí profetas pacheâ i'ka creyentesri akes kari'ro uri pecheâ atah karmacherií i kukña."