Juan_HRomeroC-pay_rev_text

Kapashká 17

¹ Ángel as tawâk tôh kuêí aâkrií tawâk copas te'ki ti'takií: "Te'kú tasña pichowishpa tôh warkua akanepií ã â'kaí prostituta tôh achihií asó we'ña ã ake, ² ekarish tôhkari ã reyes lerma i kúkña ishkrií warkua sexual yo. Pesh tôhnayo warkua sexualií ã pesh kari'roma i kúkña mison cherií". ³ Akasah kua tôh ángelma towaki ta kuasãyo kúk arshña akes korta as chaarií achihí betia as aâña escorlata unmustaro api blasfemiarí bestia asã tawâk akchií ã ha ukua akachií. ⁴ Tôh korta aiñama warinarí escarlata arwachiharií sâ sewayó, sâ eñayó akes Perlarií. Ekama kwêí aâkrií asawaña copa sewa as unmustaró yas warkuaro tôh warkua ishkerá sexualyó. ⁵ Eka awatapákñama kakeskarií api asyó i ari'lertuke ñayó: "BABILONIA Â'KAI, AKAKI PROSTITUTA I'KA YAS WARKUI I KUKÑA". ⁶ Chaã̃rií tôh kortama misonirií ã̃̃ creyentes pesh uriyó i'ka tôh martires a uriyorí ã Jesús rish. Akes chaâma, cho'ti a'aka asyó tawarkarí. ⁷ Akes tôh ángelma ti'takií : "¿Irish chô'tisa? pi ishpa i ekama tôh kortaí i'ka tôh bestiama ã kuahna aâkrií, ã akachuí asã tawâk rí ahã ukua akachirií. ⁸ Tôh bestia chaurima chií, inkatama ke chituwa, i'ka ke asa âhrií apas pi ishkua, tôh kacharakaña akes teshki. Akes akaí neí warkua ka'cheí. Atâh kúkña chilerí, atâh pesh pi kakoska tanlerí to' awĩkawã chaâ teshkerpiña tôh kuk ata' túk kaâchẽ. Ekama chô'terpe toh bestiaro chelerma ã chiwarurí, iika inkitama chituwa, akes ke aê' te'piruí. ⁹ Ima ripé atâh asã maña ameshkua ari'piró tôh asã tawak lerma colinas lerá ã korta achihiña. ¹⁰ Eka lerma tawák reyes lerwa. Ónki reyes lera ta e'rií, asma chuwa i'ka a kua asma atewa te'tuwa. akshkua ke te 'kuama, ama katina tishpe chipe. ¹¹ Tôh bestia chiima, i'ka inkatama ke chituwa, tôhma owá rey i; akes ekama as rey tawâhrí i'ka warka' chehí. ¹² Tôh aánha ukua kachaurií, i'ka ukua rey lerá ke atewataa kawishtanhai pesh reinoâ, akes kawishkerpe pesh tapúk rey ke inkatama asken tôh bestiake. ¹³ Tôhma asken proposito, ekama kawishkerpe atapúk ã bestiaro. ¹⁴ Ekalerma anunkerpé tôh corderoyó. Ã corderoña vence ekaki'pé, ika Ekama Señor i Señores i akẽs Rey i Reyes- i i'ka Ekaña chuwa ã karwahnií, tôh akamanasro akes tôh Fiel lerema". ¹⁵ Tôh ángelma ti'takií; "Ã asô chaurií, tôh prostituta achihiña, i'ka kahalerwa, kaha wriha lerwa pesh ña ekaleryó. ¹⁶ Tôh aánha ukua chaurií ekalerí i'ka tôh bestirí ñas ti'kilerpe ã prostitutaro. Ekalerí apâhyori i'ka apeshpe krií, ã yukuma tistis ki'ro tewãyo átukerpe. ¹⁷ I'ka Patastishtama Pesh turusaña tuki tohke ki'lerpiro ã proposito akes ishkera pesh tapúkyo goberna ishkerpe ã bestiaro, i'ka pi chê' tishkua asri Patatishta añahá. ¹⁸ Tôh karta chaurima ama kaha uyaí tôh goberna ishpií ã reyes lerí i kúkña".