Juan_HRomeroC-pay_rev_text

Kapashká 16

¹ Weshkarí ñaha a'ka as toh santuario ña'ti' kakií ã tawak ángeles leró: "Nauwá awarkuwá tôh tawak copalerí ã Patatishta akaiwayó". ² To' ángel ki'ma asma neí awartuki ã copaí tôh kúk aañá; i'ka eñatá apâhnu kakií chana úlserayo ã pesh cherña tôh kakachií bestia ama' keryó atâh akarwa arñerí. ³ To' ángel pokma neí awartuki ã copaí take ulla aaña. Ima wartape'hi pesh auri onnaken tishki kari'ró wakua lerma tôh ẽ'ka to' kri yasma wakua chirima to' take uyaña õncherí. ⁴ To' ángel mai ma awartuki ã copaí ásô ullayá asó wahaken i'ká urikén tishcheri. ⁵ Weshkarií tôh Ángel ã ásôrí ñehiâ: "Pama eñariâ --to' añaí i'ka añarí, To' Santorí i'ka Pama pehkuri i juicioí. ⁶ I'ka ekalerma awãrkri profetas i'ka creyentes pesh uriró, kawishkurí aurí tokerpiro, ekalerma ake kakaâwa." ⁷ Weshkarií tôh altar ña kakawarkera: "Akenaí, Patatishta atapun naí â'karií, goberna ishki kri aañá, pi juicioma yarhi i'ka eñaí". ⁸ To' ángel kâhma awartuki ã copaí ãn aaña i'ka to' peshwriharó to' tenwãyó tah kawishki tasa'chelerpiró. ⁹ Ekalerma tasâhcherií ã patanôkuarish, Patatishta apinró warkua ti'kirií, tôh atapuk akachuwa i plagaña. i'ka eña prôhlertihí i'ka gloria chani ñehlertihí. ¹⁰ To' ángel onkima copaiwartuki bestia a chahaña, i'ka sók tish ticheií armu'chei to' reinoró. Ekarma a uwa asa'kreri to' apanurish. ¹¹ Ñahwarki ti'kiri Patatishtaró toh piriña chui ã apâhnu kakiwarish toh chaná úlserayo i'ka akairí ameshkertirí pesh turuzayo to' ishkriro". ¹² To' ángel serama awatuki copaí tôh to' aso ulla Eufrates a'ka aaña. To' asoma ara'cheí i'ka túkteshkerpiro ta'kiro tôh reyes leri to' esteña chi' te' kerí. ¹³ Kachaârií kuama warkua mai anikena lerií takas takaske apaskerá to' dragon asapañá, bestia ñari i'ka ñah kasata profeta ñarí. ¹⁴ Ima kuaanza walashkelera milagro yas ishkerurí. Ekelerma apaskri reyes kari'roña i kúkña tôh ke kawêhlerpiro kari'ro toh anukerpiche achẽ a Patatishta tapúnna a'ka chẽ. ¹⁵ ("¡Chãuwa! ¡I Tasma kaishtishtaké te'kawá! Bendito ata' awaka ishkerá, pesh iña atukera, i'ka apeshpema pema apaskutipiwa akẽs tôhkema ishripiwa.") ¹⁶ Askén kawakri tôh api ti'kilerña en hebreo, Armagedón. ¹⁷ Akasha kua tôh Ángel tawakma awartuki â copaí kaã̃hrí. Wãripe ñahas apaski ã kaô trono achahaña ñehi: "¡Ima kaaike!". ¹⁸ I'ka chií chôhwa, ara'narí, wãhwãri akes apanri, apan âhka ás i tukteshtukeña ki'ri chirikeñá pesh cher rí atâhtúk i kúkña, tohke to' apanma a'karií. ¹⁹ Tôh kãaña uyama krâ mai tishki, akẽshtoh kaha lerma colapsa ishkri. Akẽs Patatishtama â'ta akí ã Babilonia âhkaró, i'ka wishki tôh kãhãro ã copa uhmustaro vinoâ kaaro eka akaiyó. ²⁰ Isla kari'roma tõsh cheri i'ka wahari akes to' wã'kama ké chitirií. ²¹ Asowá sá a'ka talento atenake akachiri, piriña chi taenri pesh pesh aña. Ekelerma warkua ñehrií Patatishtaro ti'kirá tôh plaga asowa rish, i'ka tôh plaga asowa rish, ik'a tôh plagaña ñas kakií.