¹ Chãa chãarí to' corderoró monte Sión ña aakaishki. To' Ekayó aakrí 144.000 pesh pin kakachiri atús apinrí ama'ña kakorskarií. ² Añahas wẽshkarii to' piriña aso wê arannipekuakenarii aran na a'kaasrí. To' aran nama wẽshkama tõ'wá arwa ken narií to' arwá penlera. ³ Eyeshká wehka as eyeshkais to' tron awkiñá pesh wakuá káhlerñá to' chuara. Asnani archiwĩskertirií toh eyẽshkama to' excepciónama to' 144.000 tõ'ma tolerma kukña redimidolerií. ⁴ Ima ña lerwá Kortayoma artokertirií. Ima enkaishkrí kabisleri. Ima ña lerwá corderoro archilerí to' eka piã nelerma tõ'ña nelerwá. Ima redimidolerwá to' pesh wrihalerñá ima primicias patatishta e' lerwa to' cordero e'lerí. ⁵ Pesapoñama asnani arka'ma paskertírii, akẽsh toh e kalerma ima in kakachitirií Patatishta awakiñá. ⁶ Ángel akia as chãarí kaanña ishtaki weti, to' kakouskama akachií kãrii to' eña weika arñelerpiro tãro kuklñá chilerma. kããsuya asas triburí, auwá akuarí peswriharí. ⁷ Ekama aña'tapuro yó ñehi: "Patatishtaro akatiuwãwĩ gloria wishkuwãwĩ inka akẽs to' ae'ma ke te'bona arñahuwã wĩ a Ekaró to' pririkiikó kukrí to' take ullá to' asowãhá". ⁸ Ángel asma to' ángel pokama neí ñehí: "Taenhí, taenhí, a'ká Babilinaró, taña kãã uya kri'ró te vino tokerpiró to pasión inmoralidadró. ⁹ Ángel asma -to' ángel maima- aarachihi añaha a'kas ñehi: "Asnama to' bestiaró arñe'lerma i akarwarí karmakepe ama i asawana sukuhuma, ¹⁰ Patatishta vino akaiwa eka e'ró tokerpé, i vino ma uncho'tarii to' copa akaiwa te'pii to' arwã tokuma ima tenwã i azufreri akasnakipé santos ángeles cordero awkiñá. ¹¹ To' awãshma akasnakakiuma ima tawêhi; ima akén ima te'tipé i ekalerma tesh a akertipé ãhãr i kakañarí - i'lerma to bestiaró i akarwarí eyẽshkerpé, to' kri talerma ima karmakepii pesh pinró suku'lerpé. ¹² Ña'ma ña as chuwá to' katiriró to' santosleró ima wê' chilerpé talerma Patatishta fe Jesús yó kakorskama añawẽshkerwá". ¹³ Piriña añaha as wẽshkarí ñehí: I'rõ kakorskú: "benditos lerwa i onlerima Señorñá onlerwá". "Oo", akuansa ñe'wã. "inkén to' ekalerma ke katunishkerñama, akẽsh pesh katurma karachilerpe". ¹⁴ Chãama to'ña wãnã' kamasa as achihirí to' wanã'ñama arwã ayerwãken as achi'warurí. To' ekama corona sa sewakén akachirí asanñá hoz akĩ'wa as kuãaki asawañá. ¹⁵ Akãshkuá, ángel asma kaoñá apaski arwãni año a'ka tapún yo to' wanã'ñá achihiró "Hoz sukuhú ke tishkú. Akẽsh ke ã te'kuama ke tishma ke te'boni, ke tishma to ku'ña ke ta'titishkua". ¹⁶ Akãshkuá, tarõ achihima to wanã'ña achihiri to' hozma pe'hí ku' a aya, to' kukma tishkriña'ma pas cherí. ¹⁷ Ángel asma, kao ara'nañó apaskí to' piriñá; to' ekawá hoz aki'wã as akachiirí. ¹⁸ Akãshkuá, ángel asma aakañá chii apaski to' inciensoñá, tarõ atapún akachirri to' tenwã aayá. Aña tapunyó ti'kii to' ángelro to' hoz aki'wã kuãakuaró "Hoz aki'wã sukuhú kauw‌ãchehú to' uvas sor a'kaleró to' viñas to' ku'ñá, i'ka to pesh uvasma ke ta'tilerwá". ¹⁹ To' ángelma to' hozró pe'hí to' ku'ñá tishkriró kauwẽhí to' uvas to' ku'ñá paskerñá, tunhí asaaña to' tawishti a'kaña to' vino Patastishta akaiwaró. ²⁰ To' lagarma ke ata' tukrí kããuya ara'nañá to uriró to ekañá apaski aslak pesapa, kais te'keró archá 1.600 estadios.