Juan_HRomeroC-pay_rev_text

Kapashká 13

¹ Akuãskuá bestia as chãari takeñá apaskiró te'ki. Aanhá ukuá akachirii î asãn tawak ri. Ukua akachii pesãñama apin kakachii Patatishtaró ñawarkiri. ² I bestia chãarima leopardo kenenarii. Toh ta'ma oso ata'ken narii ehka asapamo león asapa kenari. To' dragónma atapun wĩshki ehka a trono ma artopuhna ahka as asa'ta ashpiró. ³ Bestia asan asma ataska onnakenarií. Akarõ toh ataskama mortalma aronnarií toh krih kukma arari tishkrí a bestiaro arachi'ri. ⁴ Ekalerma tõ'wá a dragón ro arñechrí, inkén ekama atapúnna añaha a'ka wĩshkií toh bestia arñehrí ñe'ri: "¿Tarõ a bestia kenma?" ehka "¿Taro anuhpisa eka yó?". ⁵ To' bestia ma asapa as wishkarií kapashpiró orgullosasma ana'warki ñe'piró. Ata' tawishkri ima atapunyó ukua kah pok yawĩ. ⁶ Akenmalerma, toh bestiama asaparó aprihí ñawarki ñe'piró artapún Patatishtayó apin ñawarki ñe'piró, tõ'ña Eka chuwañá ehka tarõ talerma piriña'ró chilermaa. ⁷ Toh bestiama ata'wishkri anu'piró creyenteleryó ehka karmachepiró. To'wá atapun kawishkri to' asas tribulerí pesh wrihalerí, pesh uwá wrihaleri ehka kã ãuyarí. ⁸ Krih kuk chatalerma arñeleró toh kri tarõ apin kakorska aktirima i kuk chaparma eka kiiró, to awikãwãña wakuañama, cordero ekae'í, ima amaskrí. ⁹ Tarõ asuntapa' akachuma weshpirá. Asná sukuhí pakerma, sukulerma ekama nepe. ¹⁰ Asna amaskerma toh espadayó espada asyó ekawá amaskerpé. Ña apim as chuwá tartesh katirá ehka fe tõ'wá tarõ santolerma. ¹¹ Akãshkán bestia as akuaró chãarii kukñá apastehkuaró. A anha pok akachii cordero as yó dragón as ke kapashkururí. ¹² I bestia atapún kri ekapeká akachii to ki bestia kariro kakii to kuk pesh wriha chulerñá bestia ki'riro arñe'rí kerpiró- to' ataskama onnama ima arónnirii. ¹³ To' bestiama yas atapún milagroso ishkuarurí, piriña tenwã kii taenwãrurii pesh wriha awakiñá. ¹⁴ Yas ishkuaró ata' wrishkri, ekama karka se'waleruri to' chileruri kukñá, ti'kakii pesh karwa as kaki'piro to' bestia e'ripiró to espadayó taskreriró, akarõ ima chii. ¹⁵ To' ekarõ aû ata'wĩshkri bestia akarwaró i'ka tu akarwama kapashpiró tarõ ña' bestiaró askase' e yeskertuma ima amaskerpe. ¹⁶ Tõ'wá kri'ró ña'tapuró ti'kakii arñe'lertuma a'kalerí, nónlerí i õ hsilerí, atayo' weterí esclavoslerí, syku'lera pesawañá eñañá karmakerpé o ama'ñá. ¹⁷ Ima aôwarí kuharó i u'chahari tarõ karmaka kakachiima to bestia ima ñaí, to' awẽshkama apinma ñaí. ¹⁸ Ima sabiduría karwãna. Asna asãn as akachuma ameshkuma, tistu'nauwa to' bestia awẽshkaró, inkén ima arwã awẽshkaí 666 (será, será, será).