¹ Amaka a'ka as chãarií piriñá: Korta as ãn akaowayorií to yawí ata'ha awa'ña; corona as piriwa u kua pok yá asán aaya achihirií. ² Ekama bokinrií wã'ni aakirií apa''nayo, ameshkí a akirií arye' pirishki. ³ Akashkuá akuas as chẽí to piriñá: ¡chãuwá! dragón pawá a'ka as chii asãn tawa' akachirií a anhá ukuá akachururí y tawa' corona akachií asanñá. ⁴ Aparma kãrah pichrihí as maí ahrakí to piriwas piriña kukña katúnhi. To' dragónma korta awakiña ishtaki aaki ke aryepiishki, ke ahí ke aryewãma, aye'ró e'pirii. ⁵ Ekama yeas aryeí, arwã as, i'ñaí krih kããuyama pita sã'taripé bara as kuakuahnáyo. Ayerwãma Patatishtaña Pakií to' atronoña ⁶ to kortama kuk arshña troki, piã Patatishtaya tõ'ña as en kií to' ekae'ro, tõ'ña akén chẽlerpiró archa 1,260 ã wrish. ⁷ Inkatama, piriñama anu´ka ishkri. Miguel Pesh angelesrí dragónwa artapukera anu'krí; to' dragónma Pesh angelesma warkerá anu'rií. ⁸ Akarõ. to' dragonma ima chẽ artapún akachitirii ganaishpiró. I'ka aken ma, i'ka ke tõ'ña chaní to' piriñá kakachitirií eka pesh ángeleschaní. ⁹ To' dragón a'kama ã pirakata'ma kekerií ake arwahní apinma amaisaraí taro ku' chata krih arkasewa sa ima kuk awa'ña tunrí Pesh angelesyó ekayó awa'ña katunrí. ¹⁰ Akashkuá to' piriiñamá aña'ha ahtapunyo a'ka as wẽshkarii: "Inkatama salvacionro te'kuí to' Reino ahtapunyo Pitaste Patatishta Cristo, aña'ha a'kayó. Inkén to ña'tikiuma pita arkileró awa'ña túnrií taña ña'tikakiiró Patatishta kiawaki a har i kakaña'ri. ¹¹ Ekalera achẽkakirí to' cordero a urirish añaha a eñarií, inken ima chẽ ahra enkilertitii Pepeshkaoró, akén onlertãnia. ¹² I'ka akenma, ahrarí tishkuwa, piri pawalerí to' krí ekaña chilero. Akaro to' ameshma kuk rí a take uya, inkẽn to' amaisarama Paña'rowá chreí. I'ma akaiwaró musti aakuaí. Inken ekama ke ari'wá ke ã ãs akinatish akatawarkuá. ¹³ Akashkua to' dragónmá ke weshkuma kuk awa' tunrirí, ekama kortaró arachichí to aye arwã as aryeiró. ¹⁴ Akarõ to' kortama kuas, aguila awĩshró pok wĩshki, ima ishtaki ñepiró piã aenkakiriñá eka e'ro to kuk arsña. Ima ñaí tõ'ña chẽlerpiró ã asperó. Ã as araki ã asró ara'ña to' Pirakata'ma aruntuñá. ¹⁵ To' Pirakata'ma asoro boni asapaña apaskí aso uya kenarií, umustí ki'piró ekaró Pichihpiro. ¹⁶ Akarõ to kukma to' kortaró arwarki. To' kukma asaparó aprihí asó uyaró ato'cheí to' dragónma asapa asó pe'kiró. ¹⁷ Akashkuá, to' dragónma akai to kortayó ima tishtawarkeiyó anu'neí to korta Pesh inñá eka e'riró, tarõ talerma Patatishta aña'ha yar kakorskañehleró ima añaha kapashma Jesús ñehiró. ¹⁸ Akashkuá to' dragónma take ûûña abriña a akí.