¹ apaski nehikaha,arachirí ² kaha sábado wechkerá enkakihí¿en kanihi.ñehrrí pia paskuazá añaha? Toh asawáyá ishki? ³ penbesta ayé maria,a harki.jacob(Santiago),José, y Judas y Simón ¿ña akritih tah pakcha?Ekamá ñawarki tikakihi patatatichtá ayerwá. ⁴ Patatichta aye tehkí tihkihi: "Profeta akahaña eka ehá eka aka oñá". ⁵ Ekama kitipirichkí tohña, amehkí a sawá pihkí. ⁶ Tohma añawehtuwá ekama archiwichki nehi. toh kaha aye. ⁷ Ekamá kahwani as.kuarás tuhpiarías `pk pok; ekamá tapunkawihki ka arhkepiro pehwarkicheri, Toh walachá. ⁸ Ekamá tihkakihi inpakutipiwá intohkutíwá aha chari sirariná akaró platocharí. ⁹ Aya Tinká chaní patipiró Tah maka chari toh iña aspes anuhupiwá. ¹⁰ Eka tihkakihi, kao asaña nabone nabonutipiwá. ¹¹ Kahaña tokuá piñá weketuasre apaskua pitamá akaprushikú na hupirá. ¹² Ekamá añañerí nahuwá ñawarkí ishkuwáwi. ¹³ Kakapachería walacha kamuri, tok archana tok kachihi en tihkri. ¹⁴ Herodes patatichta aña wechki encherera hariri: ¨Juan kamuwahi toh oniña ishtaki toh karo yas yas ishkuá akarahas katuhkuas. ¹⁵ ¨Ekama ñeri Elíaz¨ pitakesh askenrí ¨Profeta akuá Profeta kekerí.¨ ¹⁶ Herodes wechkiha toh ichtakí asã tasparo Juan. ¹⁷ Herodes ekaña ñeki huarkí arwaní Juan ka o asaña tikihi (akawá a harkí felipe) Herodes kuntehkuá arkirí. ¹⁸ Juan tikihi Herodesrá hirich kun tehkurisa ahonhã toh piarkí. ¹⁹ Herodías amastipirichki, cortaña amas pirichki. ²⁰ Inkaró Herodes akatihisá Juan, arwá eña rih Juan, weshkí Herodes wechki eña chehí. ²¹ Akarikí ã oportunidad asña neboni a Herodes actuar ro: To' Herodes acumpleaños yama, ekama cena as ishkí a oficiales e rõ, ama asãhtarí, éhka toh Galilea a líderes chatarí. ²² Herodes ayéhkartaa tehkí ehka ekarõ wihti ekama complace kií a Herodes rõ ehka a invitados rí a toh cena yá a rey ma yeh korta rõ tikií: A yasrí kapau pikeña rõ taí pĩ wishpa ekandi". ²³ Taspero takapehima tasma pamá kuh avakih. ²⁴ Tok korta netikíhí a kakirá ira kapaha tok akakima Juan asá ro akapehí. ²⁵ Wãripe tikihi tok korta takapekú tok Juan asá akáya sira ahaña. ²⁶ Hasaã amechki, ema tokro kao wetamá intikakitihí. ²⁷ Toh chana asãró tikihi Juan asãró takapehkuwih asá taskí kao asañá. ²⁸ Ekamá asaró pehkí toh ahká aye korta, wishkí ima aye kortamá akakiró wishkí. ²⁹ Weskrí toh, patatishtá bahtá toh tokerá a peshkaoró. ³⁰ Juan iró inkenkená patatistá, abahtá tãwẽrí y tichkirí te kashiwiskí, kihrí. ³¹ Tishtechkuwá; ñaakuri nelerá y tehkrí, y ehlertii. ³² Nacheriná arwá wrís akerá káa uyá ekanerina. ³³ Tish arwá wris tawarkera kacherina ohlerá a tahrí. Kaauyá kriró, nebonẽrãte bohtútewá. ³⁴ Te bohlermá toh abriña, Patatishtá ye erwá kacheí oisilerwa, aiwa kah achitukená ekaña karschiwiskina yas ³⁵ ké ani,tishnei toh patatishta karachahtayo:tehkri arka arkapelerpiró.tihkakii:Ima kaãuya.aspei ke anaishkuá. ³⁶ Iris katunutuwasa,nelerpiró toh erña iris nelertusá né kuhtehkerpiró. ³⁷ Akarike eka ma karkawar pishkí ehka tií: "Pama tisná wishkuwá i roh ehpiráh. Ekama ti kihrí: ¿Untas nabarpiti ehka ukua ukua pok ukua a denario yó pan kuhipirõ ehka wishkapirõ a eka ehlerpirõ?" ³⁸ Eka ma tihkakií: "¿Pã pish pen kakachusa? Ehka na cha ũwá". Akes eka tihweshkerma nehrí: "Anki panes leró ehka wichã pokcherí". ³⁹ "pitasma aã onki pitakachuá i wichã pok rí". ⁴⁰ Ekaña katúnhi, wris tentawá,Na achauwawi toh tiwi sahkaña. krá kakirí onkí ukua,as kua as ⁴¹ . Akashkuá Ekaña toh aã anki wichãpok.sukuhí piriña wahchei i a tusró arkapeí.karpinhi.toh arachatá a wakiñá, krá kii, krihró . ⁴² tohmá kriro ãhcheri, aya eñatawarkri. ⁴³ toh ahpara wrihamá, ká ishpahcheri toh tawarkiró,ukua pok toh wichã Akakiró tawarki. ⁴⁴ Tohña arwã wris akri.tãró ehrikena.Acherina tichkaki. ⁴⁵ Waripé tichkakií Tohbarwawi toh kaũwetaña, átenñanaprá eka netutewá toh Betsaida ekaña añehinei. ⁴⁶ Ahi nachelermá. Ekama arkapepiro toh waháña tawehi. ⁴⁷ Kakaña tehbani,toh kauweta take ara aki.Ekaperá kukña aki. ⁴⁸ Ekama cheí toh artapuhn ishkiakrii toh remas yó, akes a onpishma archena akrií eka yó. Toh inke vigilia káh kakañá Jesús ma eka ná tehkí, take añá tarteshkí ehka pukpeshpirishki a karahñá. ⁴⁹ Akes eka chelerma tarteshkuaro takẽ añá, ameshkerma iña warkua ke cherí akes wáhrí, ⁵⁰ akes ekama krihro cherí ekama choh yó akrií. Akariki Ekama waripé karkapashki ehka tihkakií "¡Valiente ishkuwa!" ¡Tasraí! akati utii wá" ⁵¹ Ekamá atewhí tóh ompishmá sẽn tawarkí, eká chelermá chohtrí tawarkrí. ⁵² Ekamas ariritirií, toh aã ró toh pisã mañama che arilertirií. ⁵³ Ahí ekamá tuhteshkema, tehkrí toh kukña Genesaret kabiskiri toh kauwetá. ⁵⁴ Toh kauweta tapaskermá, toh pesh wrihá ñẽrí tohma Patatishtaí. ⁵⁵ Toh pesh wriha ohrí kawehcheri toh chana kahachumá piãh piãh tehkriekamá tehkí. ⁵⁶ Piãh piãh tokuamá, kaã uyá, katuishkañarí katuhkawakrí, toh chana kakachumá, toh iña uh chelermá, tãro ta kaowá penhumá, toh chanamá, eña tiskí ke kachitipé.