¹ Toh Fariseosri escribastisri toh Jerusalenña te' kriwaakri arwichi'hiakrii Ekaña. ² Ekama cherii asu'natatis pan e'lerurií asawá warkuariké, ima suká ta'rii. ³ (Inkró toh Fariseoleri toh Judios kri'rowá, e'lertusa pesawá sukertumá che'ri; ekama kuakerwá toh ishkerí awa'waró. ⁴ Ekakes ta' Fariseo ku'netehkerma, elertuwá asukertumá. Ama tis chilerwá toh ñehlerí aohwai asken tukera asukai tasasri, seriri, vasijasri ñe'warima kaishtuka e'lerwá). ⁵ Toh Fariseoswá escribasri arkape'leruri Jesúsró: "Inkró toh pisu'natai ché en chilertusa toh chuwa ishkeri, akaró ekaró ekama e'lerwá toh panhi asawá sukertú? ⁶ Ekama ñehi: "Isaíasma en ti'kakii pawai toh hipócritas. Ekama kakaski: "TOH PECHMA ÑE'LERWA PESAPAYÓ, PESH TURUSAMA KARA' CHILERWÁ TASRISH. ⁷ TI'TAKIRA ARÑAHAS IAKACHITÚ, TOH ARWÃ ÑEHILERKE TOH ACHIWISHKERKE". ⁸ Pama tunnerlerwa toh Patatishta ñe'wai tapura suku'lerwa toh arwa ishkeri. ⁹ Ekama ti'kakii: "¡Akaro papewa sukulertuwá Patatishta añaha cheĩ kaakerpiró toh ishkeri! ¹⁰ Ekakes Moisesma ñehi: "PITUS ANAH WESHKÚ PIKAKIRI, TARÓ WARKUÁ YE'WAMA TOH PESH TUSKA AKAKIRI, YA'RIMA ONPÉ. ¹¹ Akaró pama ñahñawí: Arwã as tikiwama atusro a kakiwá, tis arwarkurima kau sukuhuri tasyó toh Corbánhi (Patatishtaró, ñehpirishkuá) ¹² Akashkua pama toh wishkertuwã tisnani ki'tuwã a tusrish toh akakiri. ¹³ Pama ki'lertipirishkera toh Patatishta ñah ñehwaí ã ishkero tuhlerurií. Amá yas we' ki'lerwá toh a'ká iñaro". ¹⁴ Ekama wartapehí karwahni toh pesh wriha i ti'kakií: "Weshkuwawĩ krihromá weshkuwá. ¹⁵ Tis naní chituwã arahnañá toh peshyó warkuá ki'piro akaro a ekayó. Toh karo apaskuaro toh peshmá warkuá ki'piro. ¹⁶ Ekakes arwã suntapak akachuma weshpiro, tohmá weshpé". ¹⁷ Ekakes Jesús tunnei toh pesh wrihai akaoña tokii, toh suknatama kape'rii toh parabolaró: ¹⁸ Jesúsmá ñehi: "¿Akariké nelerwá weshkerturikia? ¿Akariké chelertuwá ara'nañachani chituwá toh arwaña nei tokpiro ekaña ama ne warkuakipiró. ¹⁹ Inkró aturusaña totusa, akema ahraña tokua wartapehi uwãri apaskuá toh innodoro i?" toh yar neñehiró Jesúsma ũski kii toh krihró a'brí. ²⁰ Ekamá ñehí: "Toh peshña apaskuaró to'ña warkua ki'pé. ²¹ Akanskua to'pesh asaña achihiró, aturusaña, chii pesãmañayó ameshkerwá toh warkuai, toh eñatahi sexual, kaishtishtawa, pesh amatari, ²² arwá akuayo ishta, korta pehisnka'to, warkua ishta, ñahkasata, ekae tichiskahta, ahrra eñatahi, ñahñahta, a'katichiskiwá, asã warwichin ka'ta. ²³ Toh warkua krihrowá asaña chi'te'kerwá, toh yalerwá toh pesh warkua kiwai". ²⁴ Ekama tohña chii taishtakii nei toh regionña Tiro y Sidón. kaoasña tokii ñehii tisnani weshkertipiró tohña achihii, Ekama auhtiri. ²⁵ Akanskua uwãripé korta ayeas ye'kortaos kuansa warkuaas akachirii. Eka abriña aaki weshkí, te'ki ta ehii ata'ña. ²⁶ Ekakes toh kortama Griegorii, ekama ye' tunnei Sirofeniciaña. Ekama ti'kii arahnaña akaspaspiró aye'korta warkuá akachirii. ²⁷ Ekama ñehi: "Toh ye'tatike tunnau e'lerpiró. Ama toh kenatahi toh pan sukuhlerí ayei pakuró wishkerpiró". ²⁸ Ekakes ekama ñehi ti'kii: "Ãkei, Señor, akaró pakuchaanii e'lertuwá Mesa awa'kiá ayeh sira akrutistunnerikei". ²⁹ Ekama ñehi: "Irish ñehisa ĩi, pama ĩ pikachituwá naupiró. Ãwalashma apaskii piye'kortaña". ³⁰ Ekama wartapehí te'ki akaoña toh ye'ro nepaskii awãsaña apishkri toh walashma apaskuaakrii. ³¹ Akuanskuá ekama apaskii toh regiónña Tiro te'kii ã Sidónña toh Galilea asó takeña ã región Decápolisña. ³² Ekama akape'krii weshtu ás akachirii ama che' awartutururii ã ñe'wai ama ti'kirii asawá tu'piró ekaña. ³³ Ekama akuaña sukuhi ã peshwrihaña, eylertuña, asawá anu'ró tukii asuntapah asaña, wartapehí archuni, ekama auwãró pehii. ³⁴ Ekama piriña chei, aupei ti'kii: "¡Effatá!" ama iró ñe'pirishkuasa "¡Kasahtisku!" ³⁵ Uwãripé asuntapahma atoprihii toh auwá istikarima ĩ tunnetirii, ekama en ñehwarurii. ³⁶ Ekama ti'kakii ñehlertipiró asna chanii. Ekakes ekama ti'kakiwarurii kati'tishkerpiró, ã ekama ñehlerurii ã yarhi. ³⁷ Ekama achi'rii toh yar ñehwai toh ishkriró, ñehlera: "Ekama en ishkuai toh kaki'wá toh weshtui ã kapashkertukeii kapashkerá.