¹ Ekama te'krii toh asá atenña, ã región toh Gadarenosña. ² Uwaripé te'krii Jesúska puruña chrei arwá kuansa warkuá as te'ki Ekaña toh koonshkeruriña. ³ Toh arwama kaonshkerña chiwarurii, tisnani suku'lertururii, istikayó chani. ⁴ Tohya aakuaakrii kresh we0ri aakuaakri istikayó. Ekama istikaró massukuarurii, toh istikama ita'rii. Tisnani tapún kakachitiri ã suku'lerpiró. ⁵ Kakañari arahkiwari toh onshkerña ã wãhayawá Ekama wahnarurii ataskuama ekapé sâ aki'wayó. ⁶ Ekakes ekama chei karã aaki, ohinei ekaña tishkii achanyapé Eka awakiña. ⁷ Ekama añaha a0kayó wahni: "¿Iro ishpasa tassi payó, Jesús, Patatishta a¿ka ayerwariyá? Parishta'pikaawã Patatishta, warkuaña tachahutihi". ⁸ Toh Jesúsro ti'kiaki: "Apasku toh arwãña, kuansa warkuá". ⁹ Ekama arkapei: "¿Pipi tasa?" Ekama ti'kii: "Ta pima legión i, akro untasma we'bará". ¹⁰ Ekama ti'kiaakuaruri wartapehia kutuntipiró toh región arahnaña. ¹¹ Akanskua wãri wriha tis aakrii to'ñaha sira e'lerai toh colinaña. ¹² Ekama ti'kelerurii, ñehlera: "Untatuhu wãri asaaña aki; ta' untawishku tokapiró ekayó". ¹³ Ekaya ta' wishki, toh kuansa warkuama apaskera netokrii a wariña, ekama ohineri chô okaké toh aso takeña, ama wãri po-pok ukualeri toh asa takeña atakrii. ¹⁴ Ekakes wari asira wishkeruri trokera ne ñehrii toh kaauña ishkii toh campañari. Akuanskua pesh wriha tis apaskri chelerpiró toh tuhteshkiwaakrõ. ¹⁵ Jesúsña te'krii, e'kakes toh arwãña te'krii a walashña ki'waakrii legíonró akachi, achiwaruriri, akowáma ĩ akachituma a Juicioña akati'rii. ¹⁶ Toh ahleri cheriwaakrii toh arwa ki'waakrii toh walashña kii, ñehri a kiwaakrii akuaró ti'kakiri toh eka ki'waakrii ekakes ñehrii ã wãri wahá. ¹⁷ Ekama Jesúsró ti'kiri nepiró toh región rish. ¹⁸ Ekakes eka puruña tawehwama, toh arwã ki'waakri te'kii Jesúsña, toh arwaña ti'kiwarurii tah wishki ekayo nepiró. ¹⁹ Jesúsma toh wishtii, akariki ti'kii: "Pipesh wrihayó naú pikaoña, tahkau toh Señor ishki payó, toh oysi piwishkii". ²⁰ Akanskua toh arwama nei ñahñehi toh yas a'kai Jesús ishkii ekayó a ka palisña. Krihró arari tishkrii. ²¹ Ekakes Jesús wartapehi tu'teshkuama toh puruyó ateña, pesh wriha tis arwichi'rii Ekama také oso ateña aakrii. ²² Sinagoga katu ishtatis, api Jairorii te'ki chei Jesúsró, atahña ta ehi. ²³ Wartapehi ñehi ti'kii: "Ta'yehkorta aye'ma onna abriña chuwá, ta'pikaawá te'ku pisawá tukupiró a eñaña ke i aakachitipiró ama chipiwá". ²⁴ Akanskua ekama nei ekayó pesh wriha tis arachi, arwichi'ra bitihlerurii. ²⁵ tohña kartá as chihí oisí tishkuarurî toh kuî ukua pok aurí pakuarurí. ²⁶ Ekamá wẽ oisí akiwã aakirí toh chaná enkátá peshsawaña platóhonchaí inká entishpirishkumá i kresh tishkuarurí. ²⁷ Ekamá weskua akirí toh Jesús akcishkí ekamá asuhyá arashchií neí tóh tahteshkí neiñá penhí pesh arraña toh akaowá. ²⁸ Ekamá ñehiras ¨katintish panhayope akaowa, tasma eña tishpa.¨ ²⁹ Inká eká napenwãmá, aurimá teshchakí, apechen tishki toh ameshkuarurí. ³⁰ Waripe Jesúsmá arihí toh ekaña atapun aposkí. Ekama wahkacheí krihró kakapei: ¨¿Tañá penwãcheré takaowá?¨ ³¹ Aparabakta tikirí: ¨kacheíña in unta bitihí aakrí tohrá ñehiña ¨¿taña tapenwãsa?¨ ³² Akashkuá Jesúsmá wakachancheí toh taña kiikena. ³³ Koetamá arihií tóhkíhí ahoktí akatí eka tehkí Jesús abriña yarró tahkacheí. ³⁴ Eka tihki ¨Kortá pi féña pikiwá naú en paz toh en tishkuri pichanayó.¨ ³⁵ Inka kapashkí áakuama, peshtís tehkrí asacita akoña chirá, tihkirí: piyé kortaró onní írish tahkañawisá achawishtá peró¨ ³⁶ Akes Jesús weshkuama tóh ñehí aakriró, Jesús tihkí sinagoga, asa ahtardi ¨chhoktutí weshpé wesku.¨ ³⁷ Ekamá asnaní kawatí nelertipiró, yar Pedro, Jacobo i Juan, aarkí toh Jacobo. ³⁸ Ekamá tehkrí asaahta akaoña Jesús kacheí ¿Toh amesh, achihrá akahna ishkrí? ³⁹ Eka akao ya tokí tihkakí: ¨¿irish amesh aaki akahniawisá? tóh yémá ontí, opé okua¨ ⁴⁰ Ekama arkakonrí ekaró íeka kakaspashcheí krihkró tóh ayé atus akakirí kasukuhí i tu eka akri tokri akaosaña túhyé apishkiriña eka. ⁴¹ Ekamá tohyé asawaña sukuhí, tihkí: ¨Talita cumi,¨ tuhmá inke ñehwa. ¨Yé ayé tahpika awá ishtaku¨ ⁴² In waripé yémá ishtakí tarteshkí (kuí uhuapok akachií). I ekama chohtawarcherí. ⁴³ I ekatihkakí ñahakayo asnaní ertipiró tohkí i tihkakií asirá wishkerpiró.