¹ Eka wartapehí kachawishkí, asó atauwẽhi atẽnñá Pehn wriha a'ka as atauwẽhrí Eka abriña, akashkuá yawehi take puro as ñá ná a chichí. Akẽs krihró pesh wrihama asõtake abriña a akrí. ² Ekama yas kachawĩshkuarurí akayayó, eka ñehí tah kachawíshkamá. ³ "Weshkumá, tîshtama apaskî tishpiró. ⁴ Akẽs tishkuamá, tisma pehnwâma taenrí tahñá, ĩ akẽs kuas te´kera ã´cherí. ⁵ Pehn wâ tisma, kuk sâpeñá taenrí, tóh yâma, kuk chẽ́ chitiî. Aró pehn wâma wãripé tawehrí, akashkuá kukmá uruhtuhí. ⁶ Akẽs ãn apaskuamá, ekalermá taséhrí, apisró kakachitiî, arú articherí. ⁷ Pehn wâ, tisma taenrí pehn sikí akerañá. Pehn wâmá tawéhra asôto´krí. Awâma ĩh wấhtiî asnachani. ⁸ Pehn wâ tisma, taenrí a kuk eña ná, akẽs tawéhra awâh wâhnirí, akãshkuá toh awáma mai ukuá wâní, asma wâní sera ukuá, akẽs tisma wâní ukuá tóh tishkarî. ⁹ Eka ñehí: "Taró a súb tapak, akachumá, weshpiró, weshkí" ¹⁰ Aró Jesús aspé aakichêma, tóh aâkri Eka abriñá akẽs ukua pokyorí, arkaperí toh akayarish. ¹¹ Ekama ti´kakií: "Pawaí panhawãwî toh paarihlentuí patatishta a kuká. akashkuá toh arâhná achîlermá krihró akayayó ta´kakaawá. ¹² AKARO EKAWÁ CHẼLERPIMA, EKA CHẼLERMÁ, ĨHKA CHẼLERTUWÁ, AKARÓ WESHKERPIMA, EKAWÁ WESHKERPÉ ĨHKA SHẼ WẼSHKERTUWÁ, AKRÓ AKUAN ÑANPARIMA EKAWÁ TAMANKEN TISHKERMÁ, ARÓ PATATISHTA KAPESHKUÁ. ¹³ Eka ñehí: "¿Pawaí akayayoma chẽ arihutuwãwĩ?¿Inken arihupiwasa akaya akuaí? ¹⁴ Tishtama tishkuá Pehn wâ, to´ma a taí ta ñaha tishkuá. ¹⁵ Tisma asken taenrí táhyá, to´ña añahama tishkarí, ĩ akẽs eka weshkermá, akró Maisará te´ki, wãripé ka añaha ka artesukuá ekañá ¹⁶ Tisma tishkalerá kuksâakerañá ĩhka taró weshkermá añaha,wãripé sukuhrí ahrarí ¹⁷ Ekama apis kakachitawã a ekapé,akẽs atapurá tishkerwá aê asnayó; akẽs waripe amesh a'ka as ĩhka pibakerá añaha perish,Ekama na atukerwá wãripé. ¹⁸ Akaró tish tishkaruri siki akeraña.ĩhma añaha weshkerwá, ¹⁹ akró toh ahrakiwã ĩ kukñá nonma arkasai,yas churás ahrai,tókera añahará amaskrí ,akaro unwanatan tawarkí ²⁰ Akẽs cherwã toh akut eña ña tikaleri,ekalerá añaha weshkera sukuri añaha akẽs awâma wâni,tisasnama mai ukua wâani ĩ akró akuá ukuá wâni toh tishkariî ²¹ Jesús ti'kakiî ; "¿pawai pe'kerpiti kaoasaña areshka as, pishkerpiró, arkaskáh abake o wasã abakẽ?pawai pe'kuwá ²² ĩhka tukuwá candeleroña asñá Ĩhka ĩ auhalahi, toh auhama chaamé, akró toh auhirima apaspé. ²³ Asná as asúhtapak akachumá weshpiro, weshki". ²⁴ Ekama ti'kakî:"katirawâĩhka weshkuwá tohñehleri pawai inké kilermâ aken piwishkerpé; ĩhka weshkuwá toh ñehleri pawai inkén kilermâ aken piwishkerpé:ĩhka ákró karesha sukulerpé wehri ²⁵ akashkuá taró akachumá,akró akachituriké artesuhkerpé" ²⁶ ahrá Eka ñehi : Papatishta akakima arwãkenai toh tishki awâ kukña. ²⁷ Ekakakaña okuá ĩhka taishtakuá kapanipé ĩhka awâma apaski tawêhuá,ĩhka eka arihtuma inkena asri. ²⁸ kukmá awâ en un aãhná ekapé, atahtu'ma tawehuá a aã,akes apehnsãri akró wãripé awâta'taá a pehn saña. ²⁹ Akés awâ ta'tima Ekama wãripe te'kiukasurnsta as askua ĩhka awâ aê te'boni akró achatai aipâ," ³⁰ Eka ñehi; ¿Inyó asken ka'prá Patatishta akuki â ĩhka akaya â piaró sukûhpra kachawĩshkapiró? ³¹ Katrú awâ kenai,ĩhka tishbarchemá awâ krichurás tohpero awãsta ayei tishkaykukña. ³² Akashkuá, tatishkuachema huertaña tawehi a'káah tishkuá,pehn wrina akerañá, ãasa a'asa a'káh tishkúa, pehn wriha akeñá ãasa a'káh tishkú aña piri kuaskama kilerwá a oká,pehn awa'ná". ³³ Akró akayamaâwé chuwa inken,Eka kapashkuarurí añahayó a ekalerí akẽs,ekawá weshen kilerpiró. ³⁴ ahró Ekama akayayó ñehtumá ñéturi.Akẽs Ekama tóh baktayó aûhi kacha wĩshkuaruri krihró. ³⁵ Toh shẽma,ani neboniakí Eka ti'kakií: "Naparwãwĩ a tẽnñá". ³⁶ Akashkuá peshwrihama kakasteshkera ekarlermá Jesúsrá pakri aró Ekama Takepuro ña achîhi, takespuro akuamá Ekayó a akrí. ³⁷ aña asô a û akayite'kí ompishyó,ĩhka asâ akaií pe'kuá wakiken ki'waruri, takepuro â akẽs take puroma asô mushẽi. ³⁸ Ekalerma na utu'ri inken ti'kiri: "kachawĩshta,aôhua piki'tuwãke ke onnapirui? ³⁹ Ekama wâki akẽsh ompishró a ashri akró ti'kiî asô takeí: "karira aakú "ĩhka ampisma katirá tawarki,akró kotirá tawarehehi. ⁴⁰ Ekama ti'kakiî:¿ĩrish akati'ñawĩ?¿Pawai a tewatá fe kakachituwã? ⁴¹ Ekaleri akati'yó a akri ĩhka inké ñehleruri ekape:"Tasá Ĩhĩ,akró ampishmá takeasori en weshkerwá.