Juan_HRomeroC-pay_mat_text

Kapashkuá 7

¹ Ña'ta'aka utiliwãwĩ pamawá inti' pikilertipiwá. ² Akarõ apiskichema ña ñeleryó, ña tikakilerpiwá askén kileryó tohyo askén kakilerpe. ³ ¿Inkiõ awá akrú chẽlerso akua pesh e'ro a arki e'ña, akará ekama awá ekapesh e'ña achẽlertusa? ⁴ ¿Inkashki ti'kilerpisa pesh a arkiró, tis ta'wakua pi w'a kru ró pir paspa: Atewatá kakruma kua akiñawĩ piwañawá? ⁵ ¡Hipocritas! Kĩ tishkuwá piwá krú paskuwãwĩ to kashkima piwã enchãumiwá awá pi arki e'ró. ⁶ Kawishkutu uwãwĩ to santo e'ró paku'ró perlasma tunhutiwãwĩ tõ' wãri akriña, i'ka akẽsh arkapishkerma pesta awa'ña waripe te'kerá tashchẽlerpe. ⁷ Akapauwãwĩ piwishpawá, prohuwá, prohúpiwa; pã'huwãwĩ apri'piwa. ⁸ Akarõ taro akapeuma wishkerwá tarõ prohuma paskuá tarõ penhuma aprilerwá. ⁹ ¿Tarõ arwã as chii piye pan akina tish pika peuma, saró ho wiskupirani? ¹⁰ ¿O wichãro kapeima, ewis ro pipenlerpe? ¹¹ Akashkuá, arwã warkileraska inken eña kawishkutupisa, pesh ye'ro, ¿Akarõ pi tusma piri chuwá yas eña kawishpiró? ¹² Akarõ yas akuá irish kipira'sa akua ishkerró paro wáro akashkua pawahá askén ishkupiwá to ekaleryo, ima ñai i leymaá i profetas ri. ¹³ Tokuwãwĩ kaosapa ayes'ña akarõ kapa' i to kaosapa, a'kai toh ta' newãma karmas chẽ lerpe wé tu'teshkera tohkẽ. ¹⁴ Akashkua to kaosapa puustii ima chaparma to ta' neuma puustiti akina tis lerwa to ta' prolermaa. ¹⁵ Achãuwãwĩ to profetaleró, tãro te'kera pesh kaowama ovejas kẽsh krẽsh lerwá, akarõ pakú awahara ke krẽsh lerwá. ¹⁶ Pen wá ke arihupiwá, ¿Akẽsh tishki pen as uvas ishpakupiwá asunlerí toh cardos leri kri'koa. ¹⁷ Pen wá as eña asma awa ma eña'ta'pero achẽ tuprá. ¹⁸ Pen wá asnani awa achẽ uma awá eña pero achẽ'wá. ¹⁹ Pen kri'roma awa achẽ'tuma taskerpe tenwáña atu'kerpe. ²⁰ Akashkuá, pen wa rishki karilerpé. ²¹ Tarõ kriro ti' takilertama: "Patatishta, Patatishta" tokertipé to piriña, akaró eña ishkuaperó tõ'ro to kerpe to ta tus piri chuña. ²² Toh apishtichema wé tish te'kerá ti'takilerpe: Patatishta, Patatishta, ¿Ña ta'kakabri piña' yó pipinyo to walach ma ara'na kakaspaspri pipinyo kaka'bri. ²³ Akashkua ti'karipe: "¡Piri'tawãwĩ!" ¡Tishteshkuwá tasñaña warki istawa! ²⁴ Akẽsh tishkí, tarõ kri taña weshkuma eñakiwá arwã kenaripe asãmana suwatakenaripe to kaoma ekae'ma sá aya kii. ²⁵ Aso pe'kuama enhí, auya a'kama te'boni to ompishma manaskii karpishkri to kaoró; akashkuá to kaoma to en tii, akaro sá aaña ki'ri. ²⁶ Tarõ kri taña weshkuma y yar ñehuma, arwã warkuakenaripe to kaoma uûña kii. ²⁷ Asoma enhĩ aso a'ka te'kí manaskii to kaoma warka'chẽí, to kaoma ta en hĩma a'karii". ²⁸ Ke teshkuma Jesús kapash yakiuma i kapashró to pesh wrihama chokta ishka ish kri e iro ñe'wakena. ²⁹ To ekama kashiwishkuma añaha atapun yo ishkuma tõ'ma escribas ken tã lerii.