Juan_HRomeroC-pay_mat_text

Kapashkuá 8

¹ Ke ahí Jesús wahaña chii chreima, pesh wris chilera karachiri. ² Ña bras as akachuwá te'ki, eka ñó añini ti'kii: "Señor pai ameshkima tar ush kupe". ³ Jesús asawá ishpaki penhí, ñehí: "Tasma ta ushkuwá". Waripe te'ki to bras akachuma taushki. ⁴ 4 Jesús ti'kii a ekaró: "Chãû ñahuro asnani ta'kakauru. Naû pi' ta' ké. Karchiwishkú to pareró, tõ'ña plato wishkupe to Moisés ñehiró ña eña ñehiró a ekaleró". ⁵ Ke ahí Jesús Capernaúmña to kuma, Centurion as chii arkapeĩ ti'kii, ⁶ ñehí: "Señor, ta arki karak ro arueska ishkuá to eka akaoña, tamini'tuwã to apa'na a'ka kiwaró". ⁷ Jesús ti'kakii: "Tasró napa, tasña aron en ka'pa". ⁸ To Centurión ma karkawarki ñehí: "Señor, tasma eñata'rawa taku o awa'ña inkashki tpkupirasa; Piña pero ñahú to arkima entishpé. ⁹ Toh ke taswa arwãrawá aña tapuro ti'takilerwa, asã wriha taka chulera kakuẽtawá. Tas ta'ka awa ima i'ró: Nau; ekama newá i akuama, "te'ku", i ekama te'kuá, i ta arkima: "ĩ'ro ishkú, i ekama ki' wá". ¹⁰ Ke Jesús ahí ke wesh weshkuma, arari aakuarurii i ti'kakii to ekaleró to arachineleró: "Yar ta'kaka awá asnani fe yo artapu" tawã i kaña uya Israel ña. ¹¹ Ta'kakaawá wé tis te'kerpe kuk pitentaña este ñarí i oeste ñari, to artesa Abrahamña ñulerpe, Isaac i Jacob, pirichatalerwá. ¹² Akashkuá piri ayerwa chatalerma kakas nelerpe to sukuaña ara'naña tohña a'kã'na wé chipe pesh ki'na serkilerpe". ¹³ Jesús Centuriónro ti'kii; "¡Tarteshnaû! i'ka akẽsh yar ñe hiya, tohke kilerpe pape e'ro". Ta arkima ke eñatishki to waripé. ¹⁴ Ke ahí ke Jesús Pedro a ka oña te'boni, Pedro a awará chẽuma apishkaishki asãnpã nayo. ¹⁵ Jesús asawaró penhí, to asã'pa'nama ke ateshki. Akashkua ekama ishtaki eka ki tishki kawishkuarurii. ¹⁶ Ke ahí ke ani tishkua to pesh wrihama walak kakachupero kawakri to Jesúsña. Ekaña kakaspaschei ña as pe yó karón kakacheí to kri achanawalerweí. ¹⁷ Inkén kii yar tishki to Isaías ñehike, to profetariro, ñehí: "EKAÑA PITACHANAMA PITA PA'NAMA EKAÑA PAKI". ¹⁸ Inkatama, akes Jesús má kacheí toh wriha aakrii Ekaña arwichihra, tihkakii take ateña nelerpiré toh galileaño. ¹⁹ Watapehi escriba ás te'boni Ekayo ti'kakii "Maestro, tasmá pirachahpá piá pianeima". ²⁰ Jesúsmá "ti' kakií wa'ma tapa' akachilerá, kuasmá piriyá Pesh okã kakachuwá, Eka ayerwãma apishka akachituwã asã tu'piyá". ²¹ Araba'ta akvalerma ti'kakii: "Señor, tis tawakú inkataripema ta tus ãshñaatani". ²² Akaró, Jesúsma ti'kakii: Tarachauwá. katu'na u wãwĩ to õnlerma ekapeka õshkerpe to ánleró". ²³ Ke ahí Jesús kauwetaña tawéhuma, araba'tama karachiri. ²⁴ Y ñama tõ'ña aki aso a'ka as ta ishkapi tokeña. I'ka tishkuama to kauwẽtama atabri' chẽi to aso ta ishpakuayo. ²⁵ To araba'tama Ekaró chẽri naa auturi, iñe'ri: "Pita warkú, Señor; ¡Ke onnapiruwãwĩ!" ²⁶ Jesús ti'kakii "¿Irish akatiiñawisá arwã Fe akinatis?" Waripe Ekama ta ishtaki ña' ti'kii to také ompishró. Tikama tis kati' tawarki. ²⁷ To arwãlerma arari tishkera ñe'ri: "¿Ima i arwã ãs sá, i ompish i takeri weshkuakenai?" ²⁸ Ke Jesús atenna nebo'nama kã a uya Gadarenosna aakuarurii, arwã pok walakña kakiwaruri tõ'na artapukri to ekayo. Ekalerma kansõh tis apaski te'kri i ma ña warki ishkeleruri, tõ'karo asnani to ta'ñama tu'tesh kershtururi. ²⁹ I ñama Ekalerma wa'lera ñe'ri: "¿Inkashki payoma chãamisa, Patatishta ayer wã? ¿Ña te'kia tohkaspashkupiro atewata ta etai?" ³⁰ Inkatama, wãri wê chiri tõ'ña tis erña ã ishkri eka a akriña. ³¹ To walak'lerma ñaha ishkri to Jesúsro ñe'ri: "Oô pama takaspaskima ara'naña, to wãri wris aakrina tõ'na tatúnhupiwá". ³² Jesús ti'kakii: "¡Nauwãwĩ!" To walakma tapaskri wãriña na tocherí. I'ka tõ'karó i wari wrishma welerma, waha a wake to takeña to asoña onchẽri. ³³ Wãri kachanalerma tro'teshkri. Y ahí ekalerma kã ã uya tokerma, ñe'ri kri'ró iro tesh kikena to walak leryo. ³⁴ I ñama, pesh wriha kã ã uya chatalerma Jesúsro. Artapu'neri ke chẽlerma, ekalerma ña tapuru ñe'ri akas teshpiro a kuk ró.