¹ Ahirao, toh ishkií eñai pesh keraña i'ka eka pichelermá, akashkua pi tus peh tipiwa a ôhá piriña aâki. ² I'ka paña wishkima limosnaâ,akuhá pahútipiwá toh hipócrita ishkerke sinagogaña i'ka ta' ayañari, tohke kawishkerpiró areshkerá peshñaâ. Tohkari ta'pikaâwa, ekama ke sukúhri a ôhá. ³ Akashkua paña wishkima limosnaâ, pi sawa ayarwama ari'tipé toh pi sawa a eña ishkuá, ⁴ pi limosnama katira wishkú. Akashkua pi tus katira chẽwãma aôh en penpé. ⁵ I'ka arñahima anikashkuti hipócritaké,tohkaró kahrai ekama aâkera arñehlera sinagogañá i'ka ta'ayá asuntahñari, akashkua pesh kachelerá.tohkari ta'pikaâwá ekama ke sukúhri aôhá. ⁶ Akaskua pa arñahima,pi kaô asaâña tokú, kusapa atishku,pi tus arñahú katirá aâkiñá. Akaskua pi tus pichẽi katirá aôh en penpe pai. ⁷ Akaskua arñahima,pi ñah wéh ñahutí toh ani Gentiles ishkerské, i'ka eka ameshkersmá weshkerké chelerá peshña awashta ñehlersmá. ⁸ Akaskua, i'ka eka lerkena rauti,pi tusma ke arihwá toh iró arkapeima. ⁹ Akaskua, arñahú inké: "Ta tus untas piriña, pipi santificado, pi reino te'ki. ¹⁰ Pi voluntad kaú, in kukña i'ka piriñaké. ¹¹ Untatahú inkatá toh pan kapah kapah. ¹² Perdona pata kaú unta deuda,toh untas ishbarké perdona ishbará toh untas deudores. ¹³ I'ka unta'takuti âhãtipiró kasañá, akashkua en patakaú warkuaña. ¹⁴ Akaskua pa perdona ishkima toh en tah kautirî pesh ká, pi tuswa en perdona pikihpé. ¹⁵ Akashkua pa perdona ishkutumá toh eñatán ñahuri, i'ka pi tuswa perdona pikihtipé toh eñatán ñahiî. ¹⁶ Akashkua pá ayuna ishkima,pi watapák amesh kauti,ani hipocrita ishkerské, i'ka ekama pesh watapák acha wishkerá pesh kerañá toh ayuna ishkeri, tohkari tohpikaâwãwĩ, i'ka ekama ke sukuhri a ôhá. ¹⁷ Pama,akashkua ayuna ishkima, pi sâri i'ka pi watapakri muhú. ¹⁸ Tohké ishkima peshma arih lertipé ayuna ishkiĩ, pi tus peró arih pe katirá.i'ka pi tus katirá pichewá en a ôh penpé. ¹⁹ In kukñama en kauti pi tonná, i'ka múkta artohtuyá, akashkua pesh warkua untróhkerñá. ²⁰ I'ka wéh awahú tonná piriñá, akashkua mukta chituña, i'ka pesh warki untróhtuña. ²¹ I'ka pi tonná chuñá, pi turusawá tohña chewã. ²² I'ka awama pesh akaô kamashkai.Akaskua,pi wá eñama, pi pesh akaô karihró kamaskua. ²³ I'ka pi wá warkuama, pi pesh akaô karihró sukuai.Akashkua, toh kamaskua payá sukuama, ¿Âhkai toh sukui? ²⁴ Asnani Katún pok ishtipé asah nañá,i'ka aspes chemé î asma hôh, akaskua aspés en chemé i'ka asma en chenimé, pama tohkemá en katún ishkutipé Patatishtari î tonnari. ²⁵ Akaskua tahpikaâwá, ameskuti toh wakuari, i'ka toh sirari î tohnari pi pesh bakñá a iñari, ¿Ikró toh wakiri â sirari,i'ka toh apesh wéh a iñá? ²⁶ Cheiâ toh kuash piriña. Ekama tishkerstuwa. i'ka awehlertuwa, ani awahañá peh wá, akashkua pitusña kawishkua sirá ¿I'ka parowá karesh eña riñawĩ? ²⁷ ¿Piaró pai eña untúkó ãn âs wakuari ahrañá? ²⁸ ¿Irish pawai ararih pi iñarish? Ameshkuwãwĩ toh katún keraña, peh awá en tawehletri. Ekama katún ishkertuwa,pesh iña chani ishkertuwá. ²⁹ Akari tahpikawa, tani chani salomonka a kowa eña anuhtiri î aské. ³⁰ I'ka Patatishta a kowa artukuama toh pehá katun keraña, inkata chui î chamá tehwa achehlerá, ¿Inke kiî pawai tohke iña pirachehpiwasa pesh fe akina pikachui? ³¹ Akaskua ararih aakuwa ñehlerá: ¿Iró ahprá? i'ka, ¿Iróö tohprá? i'ka,¿iyó anuhprá? ³² Akaskua î karihró prohlerá Gentiles ñaâ; i'ka pi tusma que arihwá irá pitachitu asri. ³³ i'ka Patatishta a reina tá prohú a eñari akashkua tohké penpe pa peró yás. ³⁴ Tohkari chẽ ararih aâkuti chaké, i'ka toh chama ararih aâkuti pa âhrari. Kapah kapahma eñatán akachuwá ahiké.