¹ Akẽs Jesús ma pesh wriha kachewamá wahaña tawehi, akẽs chrei achihi,ba'tamá te'kri Ekaña. ² Ekamá asapá aprihi kachawishpiró, Eka ñehi: ³ "Eñalerpé ta'akúansá aisilerwá, Ekemá pirichatalerwấ ⁴ Eñarerpé tohakaleri, Ekamá sukuhlerpé. ⁵ Eñalerpé tohmansos, leria Ekamá ku'sukulerpé. ⁶ Eñalerpé tohuwaikakiwá ã asó tohkishkakiwá aña ñatá, aekamá e'lerpé. ⁷ Eñalerpé toh misericordia, kakachvikachipe misericordia. ⁸ Eñalerpé toh aturusá, kabislerí tohmá Patatishta ayé chelermé. ⁹ Eñalerpé tohñañatá, aekemá Patatishta ayerwalerpé. ¹⁰ Eñalerpé tohkarachileri ama eña ishkeri Ekelerpé toh piriña cherpé. ¹¹ Eñalerpé pawai ta'peshña eña tasya newá paró tas rishka ¹² Regocijense ãrari we'tishkuãwĩ́ ta'ma a'karipé akachiwishpé piriñá. Akẽs peshmá karachiri a pretaró te'krikitri pawai. ¹³ Payalerwá ataké ku'ñá tohatakeró toshkuamá, ¿inkeraró takeké wartapehí kaapisá? tohma eñahi,tohmá akasnaalerá akapishkra peshñá. ¹⁴ Pamá kri' peshteriwalerá. Kaauyá as akimá waha arrañá tohma auntipé. ¹⁵ Tohkechani peshmá akamaspé tohtenwañá tukuamá awaké, aka'ña tu'kuamá akamaspé kaó krihró. ¹⁶ Tu'nauwamá akamaspiró peshwakiñá akrá chelermiró toh en ishkriró ayeshkuwá ã Patatishta piriña chui. ¹⁷ Ameshkutiwawĩ́ tastekai. arpeshpará tohle a profeta, tasmá ho' te'tawá arpeshparó te'kari a cunpliró. ¹⁸ Akesmá tohpakawawĩ́ ayarí ñahawá tohpiriña a ku'nari tu'teshpé, asnani jota,asnani tilde akenatahi tu'teshkerpé a la ley, atu kriro cosas wetishketania. ¹⁹ Akesmá taró toh mandamiento aye'ró weskuamá kahchawĩshkuamá akuaró, akén karwanpé ãkina tislerpé ã piriñá. Taró enkakiwamá kahchawĩskuamá ãkén karwanpé a'kalerá toh piriña. ²⁰ Akesma tasmá ta'kakawá akinaró ã Justicia toh escribamá Fariseóma, akenachaní toketipé ã piriñá. ²¹ Pawaí weshkiawĩ́ toh ki'kaki akuihriche. AMAASKUTI; Taró amaskuamá akatipár aa'pé de juicio. ²² Tasmá ti'kakaawá taró akaiwamá aarkiyó ekama akati'pa aa'pé de Juicio; Taro ñah ti'kiwama a arkiró: !pama pesh as intahriyá! ekama akati'par aa'pé toh yar akape'repi toh concilio; taro ñehwãmá: !I'ishkutui!; akati'pár aa'pé toh tewãñá ta oh tuyá. ²³ Akaro pe'kimá toh platohi altañá tuya te'kú pihtaakuamá toh pi arki ñah as akachui, ²⁴ tu'naú piplatohi toh altarña ekañata'naú ñah eña akauwá pi arkiyó, akés te'ku plató tukupiró. ²⁵ Tis amaeshkú toh warkuá pikiwaí toh tahña neimá, ekanei toh warkuá pika'tai pa'piwishpe toh tahña neimá, ekanei toh warkuá pika'tai pa'piwishpe toh Jezro, Itoh Juez piwishkai toh oficial ro; tohma piwakalera pikatishkerpiró. ²⁶ Yari ta'pika awá, ñá apaskutipí anatamihitani toh wiskipishchii. ²⁷ Pawai weshkiawĩ́ inké ñehi:NO COMETERAS ADULTERIO. ²⁸ Akẽsma tasmá ti'kakaawá krih kortá as chelermá sukuhishkiwamá, ki'artokuá adulterio aturusáiyo. ²⁹ Toh piwá ã eña yo taenhupipikiwamá, akaspaskú tuhu karáh aakuriña; akaro eñaí pipesh atespés nabonpiró,toh pipesh na bóntipiró tewã ta óhtuñá. ³⁰ Toh pisawá a eñayo ta enhupipikiwamá taski tuhú karah a akuriñá; akaró eñaí pi pesh atespes habohpiró;toh pi pesh krihro na bohtipiro tewã ta oh tuñá. ³¹ Inwã́ ñehi: TARO AKAWÁ,ÑAH AKUA TI'KIWAMÁ,AWIKAWÁ KORSKA AKASTECHKA WISKUAMÁ; ³² Tasmá ta'kaka awã taro awikawã akasteshka wishkuamá akawaró, onni taro awikawã akasteshka wishkuamá akawaró,onni tawarkai toh fornicación yo, imá adultera ki'wá, taro ekayo asawá sukuwamá akes akasteshki ĩn akasteshki adulterio ná artokuá. ³³ wartapehi, weshkiawĩ akẽn ñehri en tiempos antiguos: NO JURARAS KASAÑAHUTII AKẼS PATATISHTA AÑAHKAÚ. ³⁴ Akes tasma ti'kaka awá, ñah ñah huti; piriñá chani, akró Patatishta achahai; ³⁵ 35 kú'chani,akro aña atáh tukai,toh Jerusalén, chani toh KAÃMÁ PATATISHTA EI. ³⁶ Toh'kechani ñahñahúti toh,pisayo akesmá kautipé toh saús kamassachani somkuachani. ³⁷ 37 Akes tu'naú toh pikapash akén, Akén, akén, no, no. Krihro toh te'kuai warkuaña chite'kuá. ³⁸ Akes tasmá ta'kaka awá, weskutí ³⁹ toh warkua ishtá, akúña, pirkatehuamá pi watapa'ñá a eñake, akes arikarwarku áswá. ⁴⁰ Taró payo anu'pirishkuamá toh piká oba pirpeshkuamá tu'naú pikapa wá papiró. ⁴¹ Taro kuá ás pirtu'pirishkuamá táh karakeñanaú pokyó ⁴² Ká wiskú taro pika pe'wãma, pi su'wiskuti prestado piká pe'wãi. ⁴³ Weskiawĩ, ãké ñehi: AMARAS A TU VECINO Y ODIARAS A TU ENEMIGO. ⁴⁴ Akes tasma ti'ka awai,eña chaú toh warkuá pika'tai arña huwá toh pirachih leri, ⁴⁵ Akes atús aye'tishkepiro. Toh piriñá chui. Akes Ekaña ishkuá apaspiro toh an toh peshwarki'ñari pesh eña ñari I túhwã́ toh asai sobre los Justos y los injustos. ⁴⁶ Eña cheimá toh eña pichelerpiró, ¿Taróh toh aárki pero kaunñewama? ¿inkashkesa kresh toh akuayó? ⁴⁷ Tohkema ishketua toh pesh, ¿akuáreri toh karóh eña ishkua? ⁴⁸ Toh pitús telestial Eñá ishkuake.