¹ Akashi Jesúsmá Akusã Eña pakri tóhakun sehnaña tóh ameisara arkasei. ² I tis asira ehtu ãn ukua kak I kakañá u'kuá kak araworkiî. ³ Aña'kasatamá te'boni ti'kî: "Para Patatishta ayerwãrimá in sã ta'kau pan tispiró". ⁴ Akashki Jesús akawarpishki "kakoskaró aaki, SIRAYOPE CHITIPÉ ARWAMÁ, TOH KRI PATATISHTA AÑAH APASKUAI EKA ASAPAÑAH". ⁵ Akashki ameisara paki kaa uyai eña asña.paki sikinkao kaan anu'ña saki, ⁶ ti'ki: "Paró Patatishta ayerwarima nastú kuhké, i táh kakoskaró aaki: EKAMA TI'KAKI'PE ASUK ACHANTARÓ PICHEREMIRO; I, AKASHKI EKAÑA PIRISHPAKERPIRÓ PESH SAWAYO, TIS IN AKAUTIPIRÓ PITAHA TÓH SAYO". ⁷ Jesús ma ti'kií: "Wartapehí toh kakoskaña: PATATISHTAMA Í AKAMAKUTIPIWA". ⁸ Wartapehi amaisara paki kuh kaan asña achiwishki kuh pitentá chatá krihró asken toh eña chamaryó ⁹ Eka ti'ki: "In krihró chamari panchepá pichanyape tishku tasró adará taki ima". ¹⁰ Akashki Jesús ti'ki: "¡Tisteshkú inñá amais ará! Inké kakoskaró aaki: ADORARÁS AL SEÑOR PI PATASTISHTA, TOH EKA CHAUME" ¹¹ Akashki amaisará tuhná,akashki angeles te'krá eña cheri. ¹² Akashki Jesús weshkuama tóh Juan sukulerwa aakiri, nastrachii te'ki Galileaké. ¹³ Ekama apaski toh Nasaret tohrá nachiî kapernaúmña, ama Mar de Galilea kis aaki, toh Zabulón peshkuhña y de Neftalí. ¹⁴ Tohké tuhteshki toh kotishpirirá taña nehiké toh profeta Isaías: ¹⁵ "¡ZABULÓN PESHKUHMA NEFTALI PESHKUHRI, PESHTÁ TAKEKEI, JORDÁN, TIS ATESRI, GALILEA DE LOS GENTILES! ¹⁶ TOH KAÁ ACHIHI SUKUAÑA CHERI TOH A'KA KAMASKI, TARÓ TOH ABRIYA CHIRIMA AKUASA ONREPIRI, EKAÑA KARKAMASKI". ¹⁷ Aché Jesús aña paki kachiwishki ñehi: "Tapuróhwá, prohuwá ki pirihmá kiski te'kua". ¹⁸ Inká Eka tarteshki wetamá také Galileaña,chei aarki pok, Simón apinmá Pedro, toh aarki Andrés, araró tunhá ki'ra aso takeña, ekama wichá pastareri. ¹⁹ Jesús ti'kua: "tarachahuwá, tasma wichá arwá pasta kaka'pawá". ²⁰ Waripe ekamá araramá akasteshkra arach'ri. ²¹ Inká Jesús ki apaski newamá aarki akua pok chei, Jacobo Zebedeo ayerwa, ihka aarki Juan. Ekamá puruña achiriri peshtus abriña, Zebedeomá; araró enka aki. Eka karwani, ²² inká waripé purahri peshtusri akasteshkra arachihri. ²³ Jesús nei krih Galileaña, kachiwishki toh kaó kachiwishkaña, kapashki nehi gevangelio del reino, toh archaná warkua akuá krih enkakilia i krih apahnú akuá kaki'iî peshró. ²⁴ Toh añahmá nabohchei krih siria toh, inka peshma krihró akape'kri taró archanawarima, toh yas kakachiî toh apahnó kaki'waruri walash warkvaró, y los epilépticos y paraliticos,Jesús enkakiî. ²⁵ Wrih ahka arachihreruri galilea chatayas, Decápolis, Jerusalén, Judea, tis ates Jordán chatari.