¹ Toh chema Juan Bautistamá arñehí tehkí kuk senná Judea ña ñehí: ² "Arrepientanse, Patatishta a pirí baktishki tehkua. ³ Profeta Isaías ñehí, inke: "AÑO ÂS WAHNA KUK SENNAÑA PI TA EN KAÔWÂWĨ PATATISHTAYO PI TAHA YESHTI KAUWAWĨ". ⁴ Juan a iñama camello ÂusriÎ, krih aratheshima aya tikama akawãriĩ. A sirama tikishri ihka ase awaharari. ⁵ Akashukua Jerusalén, krih judeari, ihka región krikrá arwachinrá asowá Jordánña nerí ekaña. ⁶ Ekalerma na tamukrí asowá Jordánña, ihka pesh ñahyá ñehrí toh warkua kakachií. ⁷ Ihka ekama wéh kacheí â fariseos îsaduceosrí naborî ekaña tamuklerpiró, ekama tihkakĩ́ "Pawaî ibis wrihá kena riawĩ, ¿Taya kaishkuaré trokupiwaró âê tishkuachẽ? ⁸ Wanuwa en ishkuwãwĩ peh waké. ⁹ Ihka ameshkutiiwa ñehlerpii pawa yowai: Huntasma Abrahamró patakachuwa. Unta tuské ihka tah pikaâwãwî Patatishtama ishpakua Abraham â yeâ î sâ chuña. ¹⁰ Ihka sorwama ke tuhkaí â peh asâ pisña. Ihka peh krihró awa eña achehtuma, ihma tás karipé akes tunlerpé tehwaña. ¹¹ Tasma asôyó kamukhawá en tishkupiwarowá akes asuk tehkuama tehma karesh atapuhwaí tasken tanhí tasma atahteshka chani akapatawã. Toh Ekama kamukpé a kuasa Akusã Eña tehwa yorí. ¹² Ihka â aventadorma â sawaña kueí en uspiró aêche asaâña ihka arehhi tukuá tibiwá acheháña Ekama peh ââamí tehwayo atukpé". ¹³ Akes Jesúsma Galileaya chih tehkí asowá Jordánke nei na tamuk piró Juanya. ¹⁴ Ihka Juanma teshkí aakí ñehí: "Tasma paya tamuhurishkí, ¿Pamas tasña tehkiá?" ¹⁵ Jesúsama ñehí tihkiĩ: "En tahtahú inkatá akes ima patasrá î eñaí kaapiró eña krihró". Akes Juanma tah en wishkí. ¹⁶ Tikí Eka tamukhichema, Jesúsama wapé chií apaskí asôsaâyá ihká, ayama piri taprihi. Ekama chei Patatishta Akusã chreí boraké Eka â akiñá. ¹⁷ Ayama, añahas tehboní piriña chií. "Imatayerwa cha en kaañaí akarí Ekayo ararih aakarí"