Juan_HRomeroC-pay_mat_text

Kapashkuá 27

¹ Akashkua kapahní kíí. Toh asã aâhta karihró parên lerí ã wãwãrĩ toh kaha cherña karêhma aâña nerí Jesúsro ani amaskerpiró. ² Ekaña tikera, pakera wishkr Palatoró toh gobernador. ³ Akashkua toh Judasma, ã kawishkua aâkri, cheí Jesúsro toh amaska ki'lerpirií, âkes ameshkí wartapehi kawishki ã plata ukua mai lerií toh asã aâhta leriró ã parehá i'ka wãwã leriwa, ⁴ Akes ñehí: "Tasma warkuaro ishkarí kawishka urí sennató". I'ka ekama ñehrí "¿Ira'sa toí untasrró? Tohma Papeí". ⁵ Akashkua ekama túnhí kukña ã plataí kaô asaâña, ¡'ka apaskí ara' naña atawa atikí. ⁶ Toh asã aâhtá parêhlerií sucúhrí a plataró i'ka ñehrí "Ima chẽ eñatanhí tukapiró ã plató achahaña, tohma ke tamihaí uriró". ⁷ Ekalerma aekape akapashkera as ken ã platorish akes akes cú'rrí kuk as de Alfarero ani õshkaro pesh akuaro tohña. ⁸ Toh karish ã kukma ti'kilerá arihleras: "Urih kúk' kaâ" inkatawa. ⁹ Akashkua tohke tishki ã ñehí toh Profeta Jeremías, yar tishkí ã ñehi: "EKAÑA SUKUHRI Ã MAI UKUA MONEDA DE PLATA, AÔH KE TUKARIÍ EKAÑA Ã ISRAELITA LERISH ¹⁰ AKES KAWISHKRI TOH KUK ALFARERO LERÑA, TOH ANI TI'KI IKE SEÑORKA". ¹¹ Inkatama Jesúsma ke aâkri ke asã aâhta awaki'ña i'ka arkapehlerá: "¿Paria toh rey de los Judios?" Jesúsma kakawarkí: "Paña ñehí aké". ¹² Akashkua Ekama warkuayo acusa ki'rí asã aâhta parehlerñaâ i'ka wãwa lerwa, akes i nehtihí. ¹³ Akashkua Pilatoña ti'kií: "¿Weshkiâ i ti'pikileri paró ti'pikira?" ¹⁴ I'ka Ekama ñahas chani kakawartihí, akes toh asã aâhtema cheií i ti'kitihí ã iñehturísh. ¹⁵ Akes toh aôrría chẽ' pema ã asã aâhtaí ani arriokerurií aspes toh tikaro cherurií kaô asaaña i'ka pesh wrihaña ñehleruri toro arriekerpiasrí. ¹⁶ Tohchēma tikaro chiwaruria as cheh ari'lera tanike apiâ Barrabaské. ¹⁷ Akashkua eka karri'ró atawẽhlera, Pilato ti'kakií: "Pa chaiñawĩ taró arriôká? ¿Barrabasró o Jesúsro, atâh tani ti'kilerih Cristoâ？) ¹⁸ I'ka ekama ke ari'hí toh eka kri'kaña wishkerwa âkrí warkua chẽlerpiró. ¹⁹ Eka tohña achihirí achahaña ani juicio ishkerña, eka akawaña ñahas túnhi ti'kií: "Tohñama artoki ã arwã sennayamaã; i'ka inkata ôhsi raruchi wêhri taônpishkí Ekarish". ²⁰ I'ka toh asã aâhta pareh lerí akes wãwãlerí kakapehrí ã pesh wrihá kari'ró kapêh lerpiró Barrabasró i'ka Jesúsma amaska ki'lerpiró. ²¹ Eka asã aâhtaña karkapeí:"¿I pok lerí taró arrioka?" Ekalerma ñehrí: "Barrabasró". ²² Pilatoma ti'kakií: ¿Irô ishka toh Jesús apía Cristo?" kari'ró ñehrí: "Crucificah Kaâkilera". ²³ I'ka ekama ñehí "¿Inke, i warkuaró ishkisa? akes kari'ró tapura ñehrí: "Crucificah kaôwa". ²⁴ Akes Pilato tohke chẽi i ishtihí, ika abriña motín as aâkrí, asô sukuhí asawa asuki ã kari'ro aâkriña i'ka ñehí: "Tasma senna rawa i uriyó i arwã sennayó; pariñawi". ²⁵ I'ka toh pesh kari'ró ñehrí: "Toh Eka a urima patasteí i'ka unta ye'lerwahá". ²⁶ Akashkua ekama arriokí Barrabasró, Jesúsma arpishki kawishki crucificah killerpiró. ²⁷ Akashkua toh asã lerí asã aôhta pechea pakrí Jesúsró akeraña i'ka asã karri'ró kawẽhchelerí. ²⁸ Eka lerña añi arpeshkrí i'ka arachehrí tunu purpura Ekaró. ²⁹ Akashkua ki'ri sikí corona as, akes artukrí Eka asaña, i'ka asawa a eñañama artukrí bastón as, acha'yope aâkera Eka awaki'ke yas ti'kira Ekaro ñehra: "¡Chíí toh Rey Judio pecheâ!" ³⁰ Archulera bastón sukuhrá asãña arpishkerá. ³¹ Akashki yas ti'kira Ekaró, a tunu arpeshkera, artukera wartapehí a iñaro akes pakera na crucificah ki'lerpiro. ³² Akashkua apaskera, arwã as artapukera Cirene chata as apima Simón, akes pakrí Eka leryo peh prákpish atuki papiró. ³³ Eka lerma na borih oniña Gólgota, ani ti'kilerña: "El Lugar de la Calavera". ³⁴ Aniro wishkri vino aniyó hiel unchôltaro tohpiró. Akes Eka akamaskuama tohtihí. ³⁵ Akashkua ke pehña prakpishkerma, akaôba tish tish ki'rá anushtrí tohyó; ³⁶ achi'lera chera aâkrí. ³⁷ Eka asã aâña tukri kakoshkera aweshkera: IMA JESÚS, Ã REY DE LOS JUDÍOS PECHEA". ³⁸ Untrôhta pokwa asken kapehra katuhkri Ekayó, as Eka asawa eñake i'ka asma Eka asawa ayarwike. ³⁹ Atah tukteshkerma ñah warkí yas ti'kira, pe sã apehra ⁴⁰ I ñehlera: "Paí warkua ishku kaôña i'ka en kau ãn mai pesyó, papé eña tishkú. Paró Patatishta Aye'rima, papé charau toh peh prakpishkaña". ⁴¹ Tohkenarí toh asã aâta parêh lerma yas ti'kilerí Ekaró, asken escribas leryó i'ka wẫwã lerí, akes ñehlerá: ⁴² Ekama en kakií akuayar, i'ka Ekapema en i akituwa. Ekama yar í Rey de Israel: ekape chereí toh peh prahpishkaña tonkema yar añah weshkapé Ekaró. ⁴³ Ekama en akanewa Patatishtayó. Patatishtaña arwarki tohkenama, i'ka Ekaña ñehiras: "Tasma Patatishta aye" rawá". ⁴⁴ I'ka atah untróhta lerwa pehña prák pish katúhkrí Ekayó, akes tohlerwa yas ti'kiri. ⁴⁵ I'ka akes ke serâ katash pakua kakañake tawarki i kúk karihró i'ka tash tishkuatani. ⁴⁶ Akes ke toweh tash bak tishkuaha ke i'ka Jesúsma arñehí añâh a'kakií ñejí: "ELI, ELI, ¿LAMA SABACTANI?" ima ñehpirishki: "PATATISHTA TASTE RRIÁ, PATATISHTA TASTE RRIA, IRISH TASPE TAKAS TESHKURISÁ?" ⁴⁷ Akashkua tis aâkri tohña weshkerma, ñehrí: Ekama Elíasro arwahna". ⁴⁸ Waripé as neí sukuhí esponja as, aniyó muhí vino taskeñayó akes tukí tohpiró. ⁴⁹ Akes toh akua lerma ñehrí: "Aspe akasteshkú; chaâ te'kuama Elías te' arwarpiró". ⁵⁰ Akashkua Jesúsma wartapehí arñehí karesh i'ka weshki Eka Akuasá. ⁵¹ Akashkuá, toh kaô a kartinama tapinhí pok tishkí ta'wãkeri i'ka okakewa. Akes kukma taminihí i'ka sâ karihroma tapíhcherií. ⁵² Akes toh kansók karihroma taprincherií, i'ka atáh pesh êña ônrikeñama wartapehí wakatishkrí. ⁵³ Eka lerma kansókña chira apaskrí akes waka tishkerwaha ke Jesús ka, tokrí kaha eñaña akes arapaskri wéhrí. ⁵⁴ Akes toh centuriónma cheí a karihro toh Jesúsro cheí aôkí chachehí toh apanhá i'ka a yas chacheí, eka lerma karihró atati'cherí akes ñehrí: "Inkatama yar ima Patatishta Aye" rií ⁵⁵ korta wriha baki nerí Jesúsro Galinea chira chelermiro, tohña aâkera karahrí cherá. ⁵⁶ Akera taniwa aâkri Maria Magdalena, Maria tani akaki Jacobo inka Joséri, akes tani pesh kakiri zebedeoa. ⁵⁷ Akes ke kakañari, arwã platô tónna as te'kí Arimatea chií, apima José, tohwa Jesús arbaktarii. ⁵⁸ Ekama nei Pilatoña Jesús a Pesh kaôro kapeh piro. Akashkua Pilatoma ta' kawishki a pesh kaô pakerpiro. ⁵⁹ Jesé sukuhi apesh kaôro, i'ka tunu kabisayó unmuki, ⁶⁰ Akes pishki ekañaâ ã sâ tapakuaña, ekaña wehkaro kiwa aâkri sâ taskua aâkiyo. Akashkua sâ â'ka as warpishkí ã tapakua abriña akatishki akashkí neí. ⁶¹ María Magdalenama i'ka María asrí tohña aâkrí chera ã sâ tapakuaró. ⁶² Ã asrí paki ké, ã chakeri aniro ki'lera, toh asã aâtá lerí Parêh lerí i'ka Fariseoswa atawẽhlera tanira Pilatoyó askén. ⁶³ Ekama ti'kirih: "Señor, untasma untaakua toh arwã kasata ñehwarurií wakuarí, Ekama ñehí: Ãn mai pakarike ôhnaripé wartapehí wakatishpa. ⁶⁴ Nauwá akatish en kanwãwĩ toh sâ tapakuai ãn mai kauwa: tohke kautuwãwĩma Eka arbakta jerií te untrokí pakerpé i'ka pesh na kaishkerpiró: "Ekama wortapehí wakatishkí toh ôhni apishkiña" Tohma kasa a'ka artachã ripe inkatama". ⁶⁵ Pilatoma ti'kakií: "Chana âs pakuwawi. Nauwawi akatichẽn kauwa". ⁶⁶ Akes ekalerma neri na akatichẽn ki'lerpiro toh sâ tapakuaro, akatichẽn ki'lerpiro toh sâ tapakuaro, akatichẽn ki'lera toh sâña i´ka chana as tukera.