¹ Akashkua piríh â reinoma anikena ukua ye'korta pesh areshka sukúhrá nera atapúhkrí pesh senyó. ² Ônkí necialerí i'ka toh akua ônki sabia lerma tohma yar en awaka ishkri. ³ Akes toh ônki ye'korta necia lerma nera sukuhri pesh areshkaâ, i'ka aceitema i sukuhlertihi eka lerma. ⁴ I'ka ata ye'korta sabia lerma, tohma yar kakachií acerteâ batényo i'ka asken pesh areshkayo. ⁵ Akes pesh senma wãpé te'tihí, i'ka akes karihro awakerpé ôish kakií akes ôkri. ⁶ Akashkua kakaña kakireí wa'na as chií "¡chauwãwĩ pi sewa! apaskuwa anuwa artapukuwãwĩ ekai". ⁷ Akashkua toh ye'korta karihro taishtakri pesh areshka en ki'rá. ⁸ 8 Akes toh necias lerma ti'ka ki'ri ã sabia lero: "Tish patahuma pi aceiteâ unta reshkaro taôha ishkua ke". ⁹ I'ka toh sabia lerma arkawarkera ti'kakiri: hôh, i'ka chẽ chituprá patasteri akes papewahia, nauwa kuhuwãwĩ toh uhchelerña pa perohwa. ¹⁰ Akes eka lerma nera kuhrrí, pesh senma te'ki, atá ke awaka ishkrima ekayo neri toh aôrria ishka ishkerña asawa asu kuklerpiña, akes kusapama taâkatishki. ¹¹ Wãripe, toh akua ye'korta lerma te'kera, ñehrí: "Kachawishta, kachawishta, aprihú. ¹² Akes EKama ti'kakií: Tohkari ta'kakaâwa, tasma karihtawãwĩ. ¹³ Ke awaka ishkuwãwĩ, pawai chẽ arihutuwãwĩ toh ân piche asri. ¹⁴ Anikena arwã as nepirishki kuk akuake. Ekema karwani pesh katún ishtaro kawishpiro ã eka yas akachií. ¹⁵ I'ka as ki'ma wishki ônki talentos, akes toh asma wishki talento aspes, Asasas kalwishki asken pichẽ ki'lerpi asrí, akes toh arwãma neí. ¹⁶ Waripe, ata ônki talento sukuhima nei kuhí; karesh weh kií toh ônki talento lero. ¹⁷ Akes aswa a ta sukuhi talentos pokchẽ kií karesh pokchẽ. ¹⁸ i'ka ata asrima arwarta sukuhi talento aspes nei kuk tapakkua as kií ôshki, akes uhí toh platô aiwa e'ró. ¹⁹ Akashkua tôsh nei wartapehí te'kí toh pesh aiwaí ã arwarta lerña te'boni karkapeí irô ishkri ekana. ²⁰ I'ka ata arwarta ônki talento sukuhima te'ki pe'ki artachã ônki talentos, eka ñehí: "Señor, pama tanhurí ônki talentos, Chausa, Tasma Karesh ônki talento ishkasi, ²¹ ã señorma ti'kií: "Eña kaurih, eña katún ishtaria!.Pama eña ishkurií katina tis kauririkiâ. Tasña pritukpa wehri yas. Toku ararih pi señorñá". ²² Atâ Katúk ishta talento pok sukuhima te'ki ñehí: "Señor, pama talento pok tanhurí. Chausa, tasma talento pok artachã kaasi. ²³ ã señorma akawarki: "¡Ena kauríh, eña katúk ishtariâl Pama eña ishkuri katuk ishtá katina kauririkí. Tasña pir túkpa wehri yas kaupiró Tokupé ararih toh aíwañá. ²⁴ Akashkua ata ka túh ishta talento aspes sukuhima te'ki ñehí: " Señor, tasma arihawa pama arwã eña as riâ. Paí tishkia i tishka tahñá, i'ka paskia i tishka tahña. ²⁵ Tasma akatiarií, akes naâ uharií , pi talento kuk asaâña, chausa, i'ka ña âaki toh papei ²⁶ I'ka tu señorma a kawarki, ti'kií: Pama katún ishta warkuariá, pama arihiá tasma tishkawa i tishka ta'ña en paskawa i tishka ta'ña. ²⁷ Akashkua pahí Kawishkurishkí toh platohá ã banquero leróh, i'ka wartapehí te'kachẽ te tawishkerma karesh artachā te'lerpiro ã platohá. ²⁸ AKes artesukuwãwĩ ã talentoâ: i'ka wishkuwãwĩ ata katún ishta akachui talentos ukua. ²⁹ i'ka taro akachuma, wehrí kawishkerpé karesh artachã kakichipe. I'ka ata' taro i akachituma, ackes, tohmo akinatish akachuriki ãró akartesu kerpé ³⁰ Ata' katún ishta warkihma arahna sukuaña akaspas,kuwãwĩ, ani ripiña aka' a'ka ishkerña pes ki ara'lerña". ³¹ Akashkua arwã aye' te'kuachẽ âêhché toh ángeles karihro Ekayó, akes Ekama achi'pe ã puruya araríh. ³² Eka âakiña kaā uya karihro atawehrra, Eka as as katukí pesh karihro, Pastor aske kauwehí pesh oveja ani cabra keraña. ³³ Eka katukí pesh oveja asawa eñake, i'ka toh cabra lerma ayarwike. ³⁴ Akashkua toh Reyma ñehpé atâ asawa a eñake ââkriro: "Te'kuwa, pawai en pikaneiwawi Ta Tus rish, chaupiwa i reino kakaâriña papehwaró ata'túk kaârichẽ ku'ka. ³⁵ I'ka uwa takií akes pañawa sira te'rri; akes tohkua tokish takií i'ka pañawa te'rrí tohparo; akes tarihutuwãwĩrike pawai en tacherih; ³⁶ Apeshpe ââkarih, pañawa iña tarache'rri; chanayo âakarichẽ en tachērih; kao asaâña taka tishkrihchema pañawa na tacherih. ³⁷ Akashkua toh pesh eña lerima akawarkera ñehri: "Señor, ¿Ahí pi chamarisa uwayo sira piwishpara? ¿I'ka asô tokish pikiwa piwishparisa? ³⁸ I'ka, ¿Ahí pichamarisa piripartihike akes en pichamará? ¿I'ka apeshpe âakuriche iña pirtukparisa? ³⁹ ¿I'ka ahí na pichamarisa chanayo, akes pi akatishki pisakrichehwa, ahí na pichamarisa? ⁴⁰ Akes toh Reyma Kakawarki ti'kakii: Tohkari Tasña ta'kakaâwa, ata' en ishkrima ta arki aye' keñayo iña, Tasro taki'ri. ⁴¹ Akashkua Ekama ti'kakipe toh asawa ayarwistake aâkri: "Tishteshkuwa tas aâkariña, pawai warkua lerá, tenwa kaârike naupiwa ani amaisara i'ka a angeles lerwa, ⁴² I'ka uwa takií akes sirâ tenlertihí pawai; Tasma tokishwa takií i'ka il te'lertihí tokachani, ⁴³ I'ka tarihlertihi akes pawai en tachẽlertihí; apeshpé aâkari i iña tachehlertihí; chanayari akes ta'katishkiri i en tachẽlertihi Tasro. ⁴⁴ AKashkua ekalerma akawarkri ñehrí: Señor, ¿ Ahí pi chamarisa uwayó, i'ka tokishyó, akes akuaké, i'ka apeshpé, akes chanayori, i'ka pikatishkricheri, akes i pirwarpartihí? ⁴⁵ Akashkua Ekaña akawarki ñehpé: "Yarro ta'kakaâwa, ata I ishkertihi ã aye'leryó, i'ka ishkrima tohke Tasro takihri". ⁴⁶ Akes ima nelerpé ôhsi akaña, i'ka ata' en ishkrihma chelerpiro en.