¹ Jesúsma kaôñ aâkí apaskí nei ta'pé. Eka arbakta lerma abriña tishkera achawishkri toh kaô a'kaler rró. ² I'ka Ekama kakawarki ti'kakií: "¿Pawai сhaiñawĩ i yas kari'ro? Yarhí i ta'kakai tas sâ aschaní tawartipe i akerañama â'chelerpé. ³ Akashkua, akes neí achihí Olivos wahaña, arbakta lerma abriña nera arkapehrá ti'kirí: "Ta'patakau, ¿Ahí ripirasa i yas chamari? ¿Pia ripirasa toh yas chamarpia ã te'kiche i'ka toh kúk ae naboche?" ⁴ Jesúsma kakawarkí ti'kakií: "Ahírupiwa karkase lertipiro. ⁵ I'ka weh te'kerpé tapiyo. Ekama ñehlerpe: "Tasma Cristo rawa", akes weh kawakerpé karkasera. ⁶ Pawai weshkerpé toh anukerí i'ka karesh weshkupiwa toh anuker pií. Achauwa chẽh ameshkutipiwa, i yas weshkerí tohmo túkteshkerpé; i'ka atewata ae tanrrípé. , ⁷ Akashkua kaha uya taishtakerpe akawaruma aki'ra kahapé, i'ka reino akawaruma reinopé. Chipe uwarí apahrí kahá pitenta. ⁸ I'ma ata'túkperipé i apahna karihró. ⁹ Akashkua kawishkerpé paróhwa ôhsi kaki'ra karmas kerpé. I'ka chaen kakilertipe i kaha chata karihró tapí ôhrish. ¹⁰ Akashkua weh ekape en achelernipé anukera aekape, anukpe cherpe. ¹¹ Weh Profeta kasata taishtakerpé i'ka wehri kawakerpe karkaserá. ¹² Akashkua toh warkua ishkerma karesh tishpé, akes sen tishpe atáh chẽ achẽlerurí karihró. ¹³ Atá' taro tohña ââkuama anúhta, tohma salvo ripé. ¹⁴ I evangelio del reinoma tañahchewatani i kukña ama tohkenaripé î kaha karihró. I'ka akashkua ae tishpé. ¹⁵ Akes, i'ró chelerma pawai toh ABOMINACIÓN ASTIN TISHPIí, ata' Profeta Daniel ñehí, ã lugar santoña, (ata' aweshkuama en ari'pé), ¹⁶ Ata' Judeaña cherma trokuwãwĩ wahaké. ¹⁷ I'ka ata' cherma kaô asãraña, charautihiwãwĩ, pi kaôñama. ¹⁸ Ata' atúnña cherma wartapehí te'kutihiwãwĩ pi capa prohuwa. ¹⁹ I'ka, ¡ôhsi lera ata' ani apáhnayó cherma akes ata' aniyo cherwa lactando infantes tohche! ²⁰ Arñahuwãwĩ toh trokupiwachema asô ae'che tanrrípiró, i'ka krak pikiwa chewa tanrripiró. ²¹ I'ka ani weh chipe ôhsiâ toh chuke ata' tuke i kukña inkatatani, akes ima i chitipeke. ²² Akes tohchema aê chẽ chitipé, asnani tohchema Salvaaki lertipé . I'ka toh eña ishkrima ke karíhpe, akes tohkari aê chẽ chitipé. ²³ Akashkua asna ti'kakiwama parowá: "Chauwasá, ¡Ña aâki Cristoâ!' i'ka, "¡Tohña aâki Cristoâ!" tohma kasaí. ²⁴ I'ka kasatas Cristos akes kasatas Profetas te'kerpé señal ishkera eña ishkerpe, i'ke karkasalerpiró, akes ata' en ishkriwa ke kaprohalerwa. ²⁵ Chauwa, Tasña ta'pikaawãwĩ ke eiriñawĩ i aâchẽwa. ²⁶ Tohkarí, ti'pikilerma, "Chauwa, toh Cristoma ke kuk sennaña chuwa", apaskutihí. I, chau, Ekama kaò asaâña chuwa, i'ka pesh ña kaweshkutihiwa. ²⁷ I'ka ani choi kamaskuake pitenta akes aresh chehí pitenta, tohkena ripe tohchemaa ã arwã aye' te'kuachē. ²⁸ Pia chuasri toh ôhri, tohña atawẽhlerpe chuâ. ²⁹ Akes wäripé tohche ã ôhsi ripichẽ i'ka achẽma ânma sukua tishpe, akes yawĩma ke kamastipe, i'ka piriwama taehlerpe piriña chirá, akes toh atapuk â'kalerma piriña taminihchepé. ³⁰ Akashkua ã señal toh arwã ayea te'kuachẽ piriña chií, i'ka pesh akua karihro i kukña cherrí ôhsi leripé. Ekama chelerpe toh arwã ayeâ te'kuaí wanakkeraiña a piriña atapuk â'kayó ararih. ³¹ Ekama katunpe pesh ángeles leró ani akucha â'ka arahnayó, ekama kawẽhlera toh ke ââkriró akes toh pitenta cherri, piri pitenta atenkerí. ³² Arihuwãwĩ toh sasáke. Wãrpe ââsá wehka tishkua ââ busti, pawai arihiñwĩke ke kui bak tishkuama. ³³ Tohkena ripe, akashkua chaiñawima i yas karihró, pawaí arihurishkiwake ke eka bak tishkua, ã kusapaña. ³⁴ Toh karish ta'pikaawãwĩ, generación ma tukteshtipe, i'ka i yas karihro tukteshchewa tani. ³⁵ Akes i pirihrí ã kukwa tukteshkerpe, i'ka tañahma ña chipe ³⁶ I'ka aêma arihpartuwa ãchẽ, ángeles chani tu piriña cherri, ayerwã chani atuspero arihwa. ³⁷ Ani kenaripe āchẽmaa Noe chiwarurichẽ, toh kena ripe ã arwã aye' te'kuachẽ. ³⁸ I'ka akenaripe inkatawa toh ata'tuk rike ā diluviochẽ ekalerma a'pe chilera i'ka katokera, asawa asuku'rá aekapé ani tishkuatani ãchẽ toh Noé tokichẽ ã arkaña, ³⁹ i'ka i arihlertihi toh diluvio chẽma te'ki; kawachehí karihró, tohkena ripe toh arwã aye' te'kuacheí. ⁴⁰ Akashkua arwã pok aâkerpe katún ishkera, as pakerpe i'ka asma akasteshkerpe. ⁴¹ Korta pok ôha ishkerpe; as pakerpe i'ka asma akasteshkerpe. ⁴² Tohkari en ahiruwãwĩ, i'ka arihutuwãwĩ aikri te'piasrí Jesúska. ⁴³ Akes arihuwãwĩ ãhí, toh kaô aiwa arihima aikri te'piasri toh untróktaâ, ke awaki aâkishki totipiró a kaô asaâña. ⁴⁴ Tohkarí, pawai en aâkuwãwĩ awakuwa, i'ka toh arwã aye' te'kua pa chẽ eirutuchẽ. ⁴⁵ I'ka, ¿Tara ata katún ishta en ishkuama, ke arihwaí, ata aiwa akasteshki akachẽmiro a kaô, akes asirá pa akawishpiro tohchẽ? ⁴⁶ Eña akanepe toh katún ishta, i'ka toh aiwa te'kuachẽ te paskuama ishkia tohke. ⁴⁷ Yarhí Tasma ta'kakaâwa toh aiwama katúkpe en chelermiro a kari'ro chui. ⁴⁸ Taro atah katún ishta wakua ameskuama aturusãyo: "Tá amohma inkatapema te'tipé", ⁴⁹ I'ka karpishki toh eka a'walerô akes toki eí toh aikri mi sónta' leryó, ⁵⁰ toh amo katún ishta án asña te'pe ã awaktuña, toh aikri eka ari'tuña. ⁵¹ Eka ã amoña ñah ki'pé pi'che asrí, tohke kaki'pé â hipócrita' lerke, i'ka aka' wã chipiña aki'rí ara'piña.