¹ Akashkua Jesúsma ti'kakií ã pesh wrihá Kari'ró i'ka eka arbakta lerí. ² Ekama ñehí: "Toh escribas lerí i'ka fariseosrí achi'rí catedra de Moisés ñá. ³ Inka yas ishkupiwaro ti'kakilerma parowa Kauwãwr, i'ka kauwa kachauwãsá. Akes eka ishkerma kautupiwa, toh eka yas ñehlerma, akashkua i ishkertuwã. ⁴ Ekalerma kuā atena aõhwarike atukerwa, akashkua Katukerwa arwã pesh Ko'maña. I'ka ekapelerike i pakertuwā pe sawa arayó i atukertuwã. ⁵ I'ka toh ishkerma, ki'lerwa pesh kachẽlerpiró. Akes ekalerma ishKerá yas ã'ka ki'ra pesh Kaôwaâ. ⁶ Ka'rrai kaha eñaró banquete ishkerpiró i'ka achihlerwa eña keñaña sinagogañá, ⁷ Akes Kaunñehlerwa âekapé toh ukche'lerña i´ka ti'kakilerpiró "Rabí" peshñaâ. ⁸ I'ka pamawa "Rabí" ti'kakilertspé, kachawishta aspes pikachuwãwĩ, akes kari'ró pawaí âarkíperiñawĩ. ⁹ Akashkua arwã as chani i kukña ta'kautipiwa tuske, i'ka pamawai pi tus aspes pikachuwãwĩ, akes Ékama piriña chuwa. ¹⁰ Tisnani "Kachawishta" ti'pikilertipiwa, i'ka kachawishta aspes pikachuwãwĩ, ekama Cristoí. ¹¹ Inka ata as a'kama pa karihroña iña tohma tas ripé. ¹² Tara as a'ka tishpirishkuama ekape tohma aye' kiklerpé, Tara aye' tishpirishkuama ekape tohma a'ka kierpé. ¹³ ¡Öhsi riawĩ pawaí, escribesri Fariseosrí, hipócrita riawĩ! Pawai akatishkera toh reino piri' en ishkutuwãwĩ pesh kerarí. I'ka pawaí tokertuwã papelerikiâ, tohkari ta'kawishkutuwãwĩ toh akua tokerpi ishkerike, ki'lerpi ishkerikiā. ¹⁴ ¡ôhsi riawĩ pawaí escribas fariseos, hipócritas! Pawai en kachautuwãwĩ ton korta aspe cherrí. ¹⁵ ¡Ahírupiwa pawaí escribas y fariseos, hipócritas riawĩ! Pawai nelerí takerí i'ka kukkeri atamake kilerpiro as. Akashkua atamake kilerma, kri'pok ki'lerá yeâ te'wã aka katúnlerá pawaí. ¹⁶ ôhsi riawĩ pawaí, pawai pakiñawĩ achaú tuwãrikiá pawaí inke ñahinawĩí: Taró arñehuama i kaôró, itanhí. I'ka taró arñah tikuama toh sâ sewa chui i kaôña, tohma tikaro chua ã arñehwãña" ¹⁷ Pawaí tontos i achautuwãwĩ, ¿Iro Karesh eña chaiñawĩsa, ã sâ sewa, i'ka toh kaô santifica ishkua ā sâ sewa? ¹⁸ I'ka, taro arñehwama i altar rró, i tanhi. Akes taro arñehuama ã platero toh chui ekaña, tohma atikua arñehí tohpero. ¹⁹ Achautuwãwĩ, ¿Iro a'kasa, toh platôâ i'ka altarka ã santifica'kileri toh platôâ? ²⁰ Tohkarí, ata' altar rio arñehuama, i'ka arñeh chewa kari'ro toh yas chui ekaña. ²¹ I'ka ata' arñehuama ā kaôro, arñehua toh ekarish i'ko toh churish ekaña. ²² I'ka ata' arñehuama ã pir'iró, tohma arñehua Patatishta achihiña akes Ekarish ekare achi'piro. ²³ ¡ôhsi riawĩ pawaí, escribas i'ka Fariseos, hipócritas! Akes pawaí diezma ishikerá menta, enaldo y comino, i'ka pirsh toshkiwãwĩ i ishkutuwãwĩ toh ñehua ā leyka: Justicia, misericordia y fe. I'ka iró ishkrishki, akes en ki'rishki akua lerwa. ²⁴ ¡Pawaí paker pirishkerá i achautuwãurrikia, pawaí toh úkpeshkeri sukú i'ka atokera ã Camelloí! ²⁵ ¡ôhsi riamĩ pawaí, escribas i'ka Fariseos, hipócritas! I'ka pawai kabis kriñawĩ ara'ñaké pi vaso i'ka akarí, akes asaâkema unmustiñawĩ kaishtishtake i'ka yasrí. ²⁶ Pawaí Fariseos achautuwãwĩi, asaâñata kabis kauwãwĩ pi vaso i'ka pi akarí, akes tohke ara'naker kabis ripiró. ²⁷ ¡ôhsi riawĩ pawai, escribas i'ka fariseos, hipócritas! I'ka pawaí anikena riawĩ kansók kamaské, akes ara'nakema eña chamarwá, i'ka asaâkema warkua unmustaro kakachuwa anihá apaña ôhnikeña akes yas warkuarí. ²⁸ Tohkena riñawĩ, pawai ara'nakewa eñake arwã pichẽlerwa, i'ka hipocresía unmustaro pikachuwãwĩ warkuari. ²⁹ ¡ôhsi riñawĩ pawaí, escribas i'ka fariseos hipócritas!. Akes pawai ishpakiñawĩ kansóke ã profetas i'ka arñahiñawĩ toh monumentos en ishkri'keñar. ³⁰ Pawai ñehiñawĩ: "i'ka chaparima ata' túk unta tus chirichẽ, untasma ishpartihishki toh ekalerike urí senna kaki'terií toh Profetas. ³¹ Tohkarish, pawai ñehlerá ti aki'ra yas pawapé untasma Profetas aye' barwa ñehlerá. ³² Pawai ke yák kauwãwĩ unmustuwa toh warkua ishkeríh pi tus ishkrike. ³³ Рiri akaták riñawĩ, generación ã ebis, ¿Inketrokupiwasa toh aê' tishkuachẽ te'wã aká? ³⁴ Tohkarí, chauwãwĩ, , Tasma tohkarí katúnhawa Profetas pañawa, arwã en ari'llerkeñaâ i'ka escribas. Akes tis paña karmaskri pehña kapehlera. I'ka akualerma karpishkera sinagoga asaâña akes karachihra kahá kaharí. ³⁵ AKes tonkenaripé pake te'piwa toh ôhleri pesh uri senna Kapaskuwa i kukña, toh ki'ri ôhriwa tanike Abel taní a uriri Zacarías Berequías ayea, ata' pañawa karmaskri santuario i'ka altar keraña. ³⁶ Tasmo yar rró ta'pikaâwãwĩ pawaí, i ñahí tohke tishpe kari'ró i generación wa. ³⁷ ¡Jerusalén, Jerusalén, pawai Profetas karmaskerí sâ kartúnlera ata' te'kerí pañahwa! ¡kri' pish araríh kaâwãhí katúk parishkarí, toh piye' lerí, ani totoni aye' kawẽhí kasakuake awish awake, i'ka pamawa unhú ñehleri! ³⁸ Cheiñawĩ, pi kaôma akasteshkaí. ³⁹ I Tasña ta'kakaârish, pawai i tachautipiwa in katama; i'ka ñehletama: "Bendito ata" te'kua Patatishta apiyó".