¹ Jesús wartapehí parábolayo, ti'kakií: ² "toh pirí a reinoma anikena atah rey ani âs ishkí fiesta asawa sukúk keñaâ ayerwã êhrá. ³ Arahnake katúnhí, toh arwarta lero na kawahlerpiro atah ti'kakiwa aâkri te'kerpiro ã fiesta sawa sukukña, i'ka ekalerma te'kertipirishkrí. ⁴ Akashkua wartapehí toh ãsâ ââtama túnhí eka arwarta akuaró, ti'kií: "ta'kakú ke karwaka ishkawa: "sira kakaâchi aní. Walash tamukti amaska, toh yas kari'ró ke, yáhkaâsí. Te'kuwãwĩ i fiesta sawa sukukña" ⁵ Inka ata' peshlerma weshkertuke ishkrÍ toh ñah karkatúnhí, i'ka tishma wartapehra neri pesh katúnke, akes akuama neríh pesh kúk cherké toh u'cherlerña. ⁶ Akashkua akualerma toh ñah pataleró kasuku'ra ñas kaki'ra karmaskri. ⁷ Akashkua ã asã a'tama akaií, i'ka Ekama asãró katúnhí, karmaskri toh pesh karmastalero, akes pesh kaharí katukkri. ⁸ Akashkua ti'kakií eka arwarta leró: "ke sawa sukúkma ke eñaí, i'ka ata' na ti'kakirima te'kerpiró tohma en kachamornipé.. ⁹ I'ka nauwāwĩ ta' ta'teshkerña akes ta'kakaôwãwi to tukteshkerí i fiesta sawa sukukña a kari'ro kacherma te'kerpiro. ¹⁰ Akes toh arwartalerma ta'ke nelera pesh wriha kapaskera kaowẽhlera karihró pesh eñaleri i'ka warkualerwa. Akes toh kaoma sawa sukuk ishkerñama taumuscherí pesh wriharó. ¹¹ i'ka akes toh asã aa'ta te'kachewãma ã pesh wrihaleró, arwã as cheí aniro atachitihí sawa sukuk añakeñaâ. ¹² Akes toh asã aa'taña ti'kií: "korê, ¿inkash tokichere ñá pi iña sawa sukuha keña pikachitoí?" Akes toh arwãma kapashtu tawarki. ¹³ Akashkua toh asā aa'tama ti'kakií eka arwartaleró: "tikuwãwĩ i arwãi asawari inka ata'ñarí, i'ka túnhuwãrĩ ara'na sukuaña, ani chuña aka'lera wô ki'lerña pesh ki' ¹⁴ I'ka weh lerwa toh karwãnaí, akes katina tish pesh lerwa a kaprohama". ¹⁵ Akashkua toh fariseos lerma nerí ekapeh atawẽhlera inke akií sukuklerpiasrí Jesúsro toh eka kapashkuaña. ¹⁶ Akashkua eka arbaktalerña túnrrí, asken toh Herodiano leryó. Ekelerma ti´kiri Jesúsro: "kachawishtá, ari'parwake paña ka'chawishkií Patatishta ata'ha yaryó. Pama pesh ña chẽ' kaweshkutuwa akuã ñehlerí, i'ka chẽ' kaâtuwa pesh peshkeraña. ¹⁷ Akes ti'patakaú, ¿Iró ameshkiá? ¿I taisá tami'há platô toh Cesar i?" ¹⁸ I'ka Jesúsma ari'hi ke warkua ameshkri akes ti'kakií: "Irish tohke takilesa, hipócritas? ¹⁹ Tachawĩshkuwãwĩ moneda as" Akashkua denario as akapehkrí. ²⁰ Jesúsma ti'kakií: ¿ta e'sa i awatapaki ã pirí?" ²¹ Ekalermo akawarkí: tohma Cesar eí", Akashkua Jesús ti'kakií: akashkua toh yas Cesar e'ma ekaro wishkuwãwĩ i'ka Patatishta e'lerma yas Patatishtaro wishkuwãwĩ". ²² Akashkua weshkera araríh tawarkrí. Akashkua ekalerma akash teshkera neríh. ²³ Ánchepe Saduceos tish te'kera Ekaña, atá ñehlerí wartapehí wakua tishkertuwā. Ekalerña arkapehrí, ²⁴ "Kachawishta, Moisés ñehí: Arwã as ôhnama, yea akachitu, eka a arki asawa sukuklerpe akawa riyó i'ka yé akachipe a arki e'ró. ²⁵ Tohñama chií a arkipero tawak lerí. i'ka as ki'rima sawa asukuhi ôhní, yé asnani akasteshtihi. Ekama akawa akakasteshkí a arkiró. ²⁶ Akashkua a arki aswa tohke akatishki, i'ka a arkí as mairí, akes tohke kakanei pesh arki. karihró tawak lerií ²⁷ I'ka akes í karihro ekalerma, toh kortama ôhní. ²⁸ Akes toh ôhni wakatishkerÍ, ¿Ta e'sa toh akawa ã tawak arkilerÍ? I'ka kri'kaña sukuklerí". ²⁹ I'ka Jesúsma kakawarki; "Pamawa i e'rutuwãwĩ Patatishta awĩkawã chani arihutuwãwĩ, Patatishta ata púk chaní. ³⁰ I'ka toh ôhni wakatishkerma wartapehí asawa asukuklertipé, tohma angeles kena lerpé piriña. ³¹ I ôhni waka tishkerkeñama, ¿akes i aweshku tuwãwĩsa toh ti'pikiwãwĩI parowa Patatishta, ñehí: ³² TASMA PATATISHTA DE ABRAHAM RAWA, PATATISHTA DE ISAAC I'KA PATATISHTA DE JACOB?" Patatishtama ôhni keña tahní, i´ka wkua keñaí". ³³ Akashkua toh pesh karihro weshkerma toi, tawarkri ameshkeraā inke kachawish kuarish. ³⁴ I'ka akashkua toh Fariseos weshkera ã Jesús inke kapashtu kakasteski toh Saduceos leró, akes atawẽhlerí. ³⁵ As ekaleri, ari'wakeña ley, ñahas arkapeí, ani probahki'piró: ³⁶ s"kachawishta ¿pi mandamiento a kasa à leyñá?" ³⁷ Jesúsma ti'kií: "PATATISHTA EN CHAUME, PI TURUZAYÓ PI KUASÁ YORI I'KA PI SÃ AMESHKAYORI ³⁸ I'ka ñaro mandamiento a'ka así. ³⁹ Akes toh mandamiento taweh pokmo askenaí EN KACHAUME PIHWA PA INKENA RIASRí". ⁴⁰ I'ka i pok mandamiento lerma ã ley kenaí toh profeta lerí". ⁴¹ Akashkua toh fariseos atewata atawehlera ââkrivi Jesús ñahas karkapeí. ⁴² "¿inke pawaí ameshkersa atah Cristo ñehlerí? ¿Ta ayerwasa?" Ekalerma ti'kirí "David eí". ⁴³ Akashkua Jesús ti'kakií: "¿Inke David ñehuake â kuasayó arwaní, Patatishta, 44) ⁴⁴ PATATISHTA ÑEHUA TAS I PATATISHTA: "ACACHAHÚ TA SAWA A EÑAKE, ANI TUKA TANI TOH WARKUA PIKAHTA PI TA' AWAKE?" ⁴⁵ Akashkua David arwanama ã Cristo â "Señor? ¿inke David ayehripisa? ⁴⁶ Asnani akawarker tihÍ ñahas chani, i'ka asnani ke i arkapehlertihí toh chẽpé.