¹ Akashkua Jesús akes arbaktaleri aâkri baktishkera Jesúsalenña i'ka na bori Betfagéña, Wahá Olivo a briña, akashkua Jesús katunhí pok eka arbaktaleró, ² Ñehí: "Nauwa kahá atestaña baktishki wãripe prohúwa sunhís mak tikaro aâks aye así ekañó. Arriôkuwa taka pe'kuwa. ³ taro ti'kakiwama i ôhrró, paña i'ke ta'kaupiwa, "Eka Jesúsña kape'wã" akes toh peshña wãripe túnpe palerñá". ⁴ ma inke tishki toh Profeta ñehiké aêh tishpé Ekaña ñehí: ⁵ "TA'KAÚ A YE' KORTA DE STÓN: CHAÚ, PI REY KA TE'KUA PAÑA, HUMILDE SÚNHIS MAKÑA TAWEH ACHIHI, AYE ASYO. ⁶ Akashkua ã arbakta lerma nera ishkri toh Jesús ti'kaki ike. ⁷ I'ka pe'kri toh súnhismak pa'cha âye'yo, aparejo artúkera, akes Jesús tawehi achihi. ⁸ Toh pesh wriha karihró pishkri pesh iña ta'ñá, akes akua lerma peh ãâsaró pishkri ta'ña. ⁹ Toh pesh wriha ki'neri Jesús netutewá arbaktalerí, wahlera, ñehlera: "¡iHOSANNA DAVID AYE!, ¡BENDECIDO ATA TE'KUAI PATATISHTA APIYO. HOSANNA TOH KAÂ'ÑA!" ¹⁰ Akashkua Jesús na tokichẽ Jerusalenñá, ã kahá chata karihro ñehri: "¿Tasa toi?" ¹¹ I'ka karihró ñehri inké: "Ima Jesús Profetai tohma Nazaret de Galilea chatai". ¹² Akashkua Jesúsma toki Patatishta kaôañá Ekama Kawashchehí toh pesh karihró ú'chahta i'ka ã kúktaleriwá ã kaôña. Akashkua Ekama kawartúhchehi toh artesari ã platô atamake kileñari akes pesh chahari ã borake ú'chahta lerí. ¹³ Ekama ti'kakií: "kakoskaro achihí: "ТА КAÔМА TI'KILERPÉ KAÔ ARÑAHÁ; I'KA PAMAHWÁ ANI KI'RI ÚNTRÓHTA ATAPA' KÉ". ¹⁴ Akashkua toh peshwa orpesta'leri akes toh châ warkuari chẽri Ekaro ã kaôña, i'ka Ekaña en kakií. ¹⁵ Akashkua toh asã ââhta lerí parehleri escribasri cherí toh Jesús ishki, weshkrí ā yeerwa wahleri toh kaôña ñehlera. "Hosanna ā David ayeh", ekalerma akairi. ¹⁶ I'ka ti'kiri'i: "weshkii toh ñehleri ã peshleri?", Jesúsma Kakawarki: "¡Oô! ¿Tohma i aweshkertuwã: "TOH PESAPAÑO Ã YE" AYE'LERI Ã SU'LERI EN KI'LERÁ ARESHKERA?" ¹⁷ Akashkua Jesúsma kakasteshkí nei kaha Betaniake akes tohña na ôki. ¹⁸ kapahnipe wartapehi toh kahaña, uwa kií. ¹⁹ Chei sasá âs ta'briña; nei ekaña, i'ka i akachi-tihí ââpero. Akashkua ti'kií: "Awa achahutipé pai" Wãripé toh sasama artichehí. toh sasama artichchi. ²⁰ Akashkua toh arbakta lerma cheri toi, chô'tera ti'kirí: "¿Irish toh sasama wãripé artishkisa?" ²¹ Jesúsma kakarwarkií ti'kakií; "Tasma yarró ta'kakaâwá, parowa fe kakachuma duda ishkerluwã, tohke ishkupiwa tas ishkarike ã peh sasâyo, tohke ta'kaôpiwa ã waharó, "tishteshkú" ã takeke naú,, akema tohke tishpé. ²² Tohke Kapeima karihró arñahyó ake tishpé, ã pehlepií". ²³ Akashkua Jesús nei toh kaôña, toh asā aâhta ã parehlerí i'ka wãwā kaha chata te'kri ekaña kachawishkuañá akes nehrí:"Taña ñah pehwãsá toh yás ishkupiró? ¿I'ka taña ñah tohke penwãsá?" ²⁴ Jesús kakawarki ti'kakií, "Taswa ñahas Kakapahpa. Ta'takaupiwa, tohke ta'pikapawa askén taña ñah te'wã asri i yas ishkai. ²⁵ Toh Eka Juan atamuk, ¿Pia chite'kisá, piriña chiiriti ô arwãña Ki'ini" Ekalerma ekape kapashkera, nehlera: "Untas ñahparma, piriña a chií rii" Ekama ti'patakipé: ¿Irish cree ishkertihisa ekaro? ²⁶ I'ka inke ñahparma: arwã pecherií, toh karihro aâkrií, akes ekama Juanró chẽlera profetake. ²⁷ Akashkua ekalerma Jesúsro ti'kiri: "untasma i arihpartuwã" Akashkua Ekawa ti'kakii "Tas chani ta'pikatapawa iyo ishta ekana i yas ishkai. ²⁸ Akes, ¿Inkenaripisa? Arwã as yeh pok akachií. Ekama nei ti'kií ayeh erwã âhkaro: "Yea nau Katún ishkú inkata tas takatúnña" ²⁹ Aye'erwãma ti'lkii: "Tasma natapá", akes tohke ñehirike akashki nei. ³⁰ Akashkua toh arwãma nei ayeh erwã asña tohwa tahke ti'kii i yeh er wama ti'kii: "Oô, tasma napá", i'ka bak tishkuama netihí. ³¹ ¿Pi yeh erwãro en ishkisa a tusyo? Ekama ñehri: "ata" túk ti'kiiro, "Jesús ti'kakií: "Yarró ta'pikapawa tasñaâ, atah tamihleri plato â i'ka atah prostituta leri tohta tokerpé Patatishta a reinoña pamawa hóhlepe. ³² I'ka Juanma te'ki pañawa ta' eña ñá, i'ка pamawa cree ishkertihi; akes toh plató awãhta terma i'ka ã prostituta leri toh yar cree ishkrí ekaró, Pamawa, cheleririke arrepentiakilertihi a cree ishkertihirás. ³³ Weshkuwãwĩ Parábola akuaró. Arwa as chií, pesh as kuk wehri akachií. Ekama tuki katún as, arwachinchehi pehño akatishki, kaô as Ka'chehi, kií kaô kaân as i'ka chaâró, Uva pasta tishña ti'kakií chelermiro. Akashkua kuk akuake neí. ³⁴ Akashkua aéh tishkuaché toh Uva paskaro ke bak tishki, ekama túnhí katún ishta tish ã paskerpiro toh awa prôhlerpiró. ³⁵ I'ka toh katún ishtalerma kasukuhrí, ás arpishkera, inka asma amaskrí, akes ásrima sâyó arkate'rí ³⁶ I'ka wartapehí, toh aiwama Katúnhi akuaro, toh ata'túh katúnhike karesh, akes tohlerwa ake kaki'rí. ³⁷ I'ka akes, toh aiwama ayeh erwa túnhí eka lerñá, ti'kakií: "Ekalerñá tayehma en chelermé". ³⁸ Akashkua toh uva pastalerma cheleri â eka ayehró, ekapéh ñehrá: "Ñahró aiwa eka tishpii; te'kuwa, naprá amasprá i'ka sukúhapiro toh akachuí. ³⁹ i'ka akes pakri, arahnaña paskera ā katún ishkerña, i'ka tohña amaskri. ⁴⁰ Inkatama, akashkua toh aiwama ā katúnña te'ki, ¿Iró kaki'pisa ā katún ishta leri?" ⁴¹ Toh pesh lerma ti'kiri: "Ekaña ñáskaki" pe toh arwãleri kawishki akuara ã katúnhi, arwã artamihlerkeña toh awa pasker keñaâ" ⁴² Waripe Jesús ti'kakií: "Inke pawai i aweshkutuwãwĩ toh awĩkawãña ñehhuai: ATA' SÂ ISHPA'KRIÍ SUKU'LERTIHÍ, I'KA TISHKI SÁÂ ANGULAR. IMA PATATISHTA EKA EHRIÍ, I EÑA ÂS I PATA WAYÓ CHAMARMA?? ⁴³ Tohkaro ta'kakawa, Patatishta ã reino kartesuhkerpé i'ka kawishkerpé ata' kahá en Katún ishkeri awa eña paskerá. ⁴⁴ Taro enhuama i sáña tistis ka'chepé. I'ka taro enhuama sá âaña pukúk ki'pé ⁴⁵ Akashkua toh asā aâhtalerí parehlerke Fariseosri weshkera ã parábolaro, te'kera ñehri ekaro ti'kakilerke. ⁴⁶ I'ka tohlerma pe sawa tuhkerpirishkri Ekaña, akati'leri a pesh wrihalero, i'ka ã pesh wrihalerma Profeta chelerií.