¹ I'ka akes Jesús ñehi yakií, apaski de Galilea, na boni kisri de Judea, atestaña asô uya Jordan ² Pesh wrihá bakera, tohya Ekaña en kakií. ³ Akes Fariseos lerma chera Ekaro arihlerpirishkri ti'kira: "¿Arihbarpirishpara arwã as akawa ateshkuama en achelernuma?". ⁴ Jesús Kakawarki ti'kakií: "¿Pawai i aweshku tuwãwer ata'túk PATATISHTA KII ARWÃ I'KA KORTARTÍ? ⁵ ¿I tohkari Eka ñehíí; AKES ARWÃ ASMA A TUSKA A KAKIÍ AKASTESHPE ATAWEHPE AKAWÃYÓ, I'KA POKKRO ATAWEHLERA ASKEN TISHKERPE? ⁶ Akashkua pok lertuwã, asken tishkera. Tohkari, Patatishtaña asken Kawẽhi tukuama, âsnani Karpeshka tanhí". ⁷ Ekaña ti'kirí: "I'ka, ¿Irish Moises TUNHISÁ KAWISHKAPIRÓ CERTIFICADO AKASTESHKAÂ WAPE I ARIHLERTIHIKE? ⁸ "Ekaña ti'kakií: "Pesh turusâ kuihnií, Moisés ti'pikiiwãwĩ korta ateshkupirowa, atukma tohkena tanrií. ⁹ Tasña ta'pikaawãwĩ taro ateshkuama a kawa, aniyo mahó inmoralidad sexual, akuayo asawa asukuhlerma adultera ishkua; i'ka arwã korto akasteshkrikeñayo asawa asukuhlerma tohwa adultera ishkua" ¹⁰ I'ka arboktama ti'kirí Jesúsró. "Tohkenama arwã as akawa ekayo, eñatanhi asawa sukúh". ¹¹ Akes Jesús ti'kakií: "Karihrema chẽ ari ertipirishkera i achawishhi, ata ani ta' en kawishkerperó achawishkerpe". ¹² Ani churas eunucos tohke chirí pesh kakí aishkiña ââkrirí. Akua cherwa eunucos ke kaalerí eunucos arwãña kaki'ri. Cherwa eunucos ekape tishkri anirish ã reino piriña chui. Taro sukúhpirishkuama i achawishki, sukuhhí". ¹³ Akashkua akapehkri ye'tish ekaña asawa túkpira toh ye'lero i'ka Karñehpiro; akes eka arbaktalerma kaashkri. ¹⁴ I'ka Jesús ti'kakií; "Ta' Kawishkuwãwĩ toh ye'leri tasña te'kerpiró, ta' en kawishkuwa, a reino piriñama eka pechei". ¹⁵ Akes Ekaña asawa tuki eka lerña, akashkí, wãpé apaski tohña. ¹⁶ Akashkua, arwã as te'ki Jesúsña ñehí: "Kachawishta, ¿Iro ishka toh eña yas ka'paró i'ka takachipiró pia chaparo en?" ¹⁷ Jesúsma ti'kií: "Irish ta'kapeisa toh eñai? Aspes eñaí, pa pirrama tokupirishkií chuñá, en kau a mandamiento leri". ¹⁸ Toh arwãma ñehí: "¿Pí mandamiento lesa?" Jesús ti'kií: "I AMASKUTÍ; I ISHKUTÍ ADULTERIO; I UNTROKUTÍ; I KASA ÑAHUTÍ; ¹⁹ EN KACHAU PI TUSKA PI KAKI; AKUAWA EN KACHA I'KA PAKE. ²⁰ Akes toh ye' erwama ti'kií: toh yas karihró en Kaawa; ¿iro tarchusá?" ²¹ Jesúsma ti'kií: "Pa pirama en tishkupií, nau, uhchahú tu pikachui akashku na kawishku toh õhsi lerí, akes eña pikachipe piriña. Akashku te'kú, te tarachahú". ²² Akashkua toh ye' erwã weshki a Jesús nehí, amesh neí, ekama plato tõhna riras wehrí". ²³ Jesús ti'kakií arbaklera: "Yarhí i ta'kakadí, aôwa kihpé arwã plato tônna topirishkuama a reino piriña. ²⁴ Wartapehí ti'kakií, chẽ aôwa tanhí Camello as túh teshkuama kapor awa keraña, inkash topisa plato tônna as patatishta a reino ña". ²⁵ Akashkua arbakta weshkerma tohké, "¿wâ tawarkera?" ²⁶ Jesúsma kachei ti'kakií: "Pesh chelerma aôwa kenaí, Patatishta aôwa kenai, Patatishta". ²⁷ Akesh Pedro akawarki ti'kií: "Patachau, untasma akashtesh cheparií pi bakapiro; akashkua, ¿Iro patakachipisa untasbari?" ²⁸ Jesúsma ti'kakií: "Yarró tahkakapá, pawaí i ta bakiñawĩíl, i generación a yás, akashkua toh arwã aye' achihwama a puru eka a gloriaña, pawa achahupiwa ukua pok puruña, Juzga ishkera a ukua pok tribus de Israel. ²⁹ Atá karihro akasteshkri yás, pesh arki, pesh pakcha, pesh tuska, pesh kaki, pesh ye'rí, i'ka pesh kuk ri ta pirish, Kawishpa ³⁰ I'ka wehlerma ki'tis inkatama súk tawarkerpé, akes toh wéh súk tawarkri tôhta Ki'leripe.