¹ Akes tohchema arbaktalerma te'kri Jesúsña i'ka ñehri: "'¿Taró ahkasa Piri a reinoña?" ² Jesúsma yeas arwahni Eka te'piro i'ka tuki pesh keraña ³ i'ka ñehi: "Yarhró ta'kakaâwa, akina tish en tishkuwa i yehke, tohkena tanma i takutupiwa Pirí a reinoña. ⁴ Taro asna yehke tishkuama, tohro ahkaripe Pirí a reinoñá ⁵ Toro asna sukuhuma i yehke ta piyó, Tasró tasukuhua; ⁶ Taro asna warkua kihwama i aye'i en tacheleri en Kakanetipe, eña rishki ekaro sâ ahkaás ôha atuki arahnaña tiki atawaña, akes mishbarkerpiro take uruña. ⁷ ¡Chuwa i mundoña a' tatastaâ!. Ima toh a'tatastama chipe te'kera; i'ka, ¡chuwalata' Peshlerma a'tatasta ishkeri! ⁸ Pi sawa i'ka Pi tahá a'tatasta pi ki'leri, tasku Karahrí akashnau pa ââkuriña. Karesh eñaí tokupiró wakuarí ta'teshkuturikiá, pi akasnelertipiro te'wa ââkaña pikachuma pi sawa pokri i'ka pi ta' pokwá. ⁹ I'ka Pi wa pikihwama ahtatastupiró, washkú karáhri akasnau pa ââkuriña. Karesh eñaí tokupiro pi wa aspesyó wakuari, pi tuhlertipiro pi wa pok pikachuma te'wa ââkaña. ¹⁰ Chauwãwĩ karihro i ayehleri. Tohkari Tasña tahkakawa i Piriña, Eka â Ángeles lerí atewata chẽlerá ta tus awatapaka i piriña chuí. ¹¹ I'ka toh arwã ayehma te'ki iña patas warpiro toh toshpariró. ¹² ¿Inken chaâñawîsá? Arwã as oveja awa as a kachuma, akes as akatoshkuama, ¿kakosteshki newa a tash ukua tash ââkriña na prôhpirá toh ovoja âs toshki? ¹³ I'ka ekaña na paskuama, tohkenai i ta'pikaawãi karesh arari tishkawa toh as pes rish, akes a tash ukua tash inka toshkertihirás. ¹⁴ Akeshkua inkenaras, ima ta tus a voluntahí toh piriña chui i'ka i ayehleri õhsi tishkeri. ¹⁵ Akes Pi arki en ishtuma Payó, nau ahchawishku toh eñatán ishki asperí. Pi weshKuama, Pi arkiro en kauri. ¹⁶ I'ka pi weshtuma, pi arki pok раkuре payó, akes pe sapa pok leryo â maihí testigo lerá, añah as as lerma. ¹⁷ Akes eka i weshtipirishkuama, ta'kakau iglesia chataró, i'ka toro weshtipirishkuama a iglesia i, paña chaupe gentilke akes plato awahta'keri. ¹⁸ Yarhí i ta'kakaai, i yas ataishkeri, Kukña, piriñahrí atado chuwa. I'ka toh yas karihró desata ishterma i kukña, piriñahwa desata ishkerpe ¹⁹ Akes Karesh ta'pikaawãwĩ, i'ka pok palerke en awarhuma akilerma i kukña iró yas kapehlerma, i'ka en tishpe ta tusña kii piriña aaki. ²⁰ Akashkua pak i mai aakriña atawehra ta piño, taswa aakari pesh keraña". ²¹ I'ka akes te'ki Pedro Jesúsña te ti'kií: "Señor, ¿Krih Pish ta arkí pe'ca ishkuama tasyó perdonah kaâ? ¿krih tawak asrií" ²² Jesúsma ti'kií: "Tasma ta'rpikatawã krih pish tawak, i'ka krih tawak ukua kaupe". ²³ Akashkua, eka a reino piri'ri ani kena asán âhtake chẽh ki'pirishki ka'amihí ã katún ishta leryó. ²⁴ I'ka comenza ishkí ajusta kií, katún ishta âs akapehkri, atami'tuwaâkri diez mil talentos. ²⁵ Akashkua ekama i akachitihí iyo tamihishkua, i'ka a señorma ti'kakií u' chehlerpiro asken akawayó aye'erwã a yas akachurí, tohke kií tamih ispiro. ²⁶ Akes toh katun ishtama enhí, achan yope âaki ekaña ti'kií: Ten paciencia tas yó, pi tamihchepa kari'ró. ²⁷ Ata señorma toh katun ishtahyó, ôhsi chẽi, artaki perdo nahkií tamih turikí. ²⁸ Akashkua atah katún ishtama nei na paski eka artún ishta toma ekaro artamshtuwaakri awa as denarios. Ekama sukuhi arkatuishtaro atawaña i'ka ti'kii: Tartamihú toh debe takií. ²⁹ Akashkua toh âhwama enhí ñehí ti'kií ekaro: Ten paciencia tasyó, pi tamihchepa karihró. ³⁰ i'ka toh ki' katún ishtama rehusa ishki, eka nei akashtoki saki kaôña, akashkua eka artamihwãtani toh debe kií. ³¹ Akashkua akua katún ishtachẽri toh ishkuaâkri. amesh tishkrí; te'kera te ti'kirí a Señor ró toh ishkuaâkrí. ³² Akes toh Señorma toh katún ishta'ro arwani ti'ki: "katún ishta warkuariâ, perdona pikaarií toh ta'tamihutirií. ³³ ¿I'ka ôhsi chaurishki pi katún ishtaro, taske payo ôhsi pichaarii?" ³⁴ Pi Señorma akaiwa i'ka kawishki tikera tamih piro karihro toh eka debe ishki. ³⁵ Akashkua tohkenaripe ta tuska payowa, pi turusâwa perdona ishkutuwã a pi arki yowa.