¹ Akes toh farisosri i'ka Saduceosri te'kera Ekaña arka pehrí señal piríhri. ² I'ka Eka Kakawarki nehí: "Akaskua ke anima, pawai ñehlerá: ke ariwarií, i pirima ke pawã kei. ³ Akes kapahni pema pawai ñehi ñawi: "Ân aêh en chitipé, i'ka pirihró pawâ ââki tishkií. Pawai ke arihi ñawĩ ke piri inke ââki asri, akes arihutuwawi; i ishkai â aechê. ⁴ I generación warkuama i'ka adultera prôhlera señal âs, akashkua señal âs nani kawishtahai i'ka tani Jonas â señelma hô". Akes Jesúsma kakashteshki neí. ⁵ Akes arbaktama ateshtaña te'kri, i'ka kartosh kua ââkri panró pakertuwa ââkri. ⁶ Jesúsma ti'kakií: "I'ka weshkuwawĩ chẽ ahiruwãwĩ Kakawã de los Fariseos i'ka Saduceos pecheri". ⁷ Akes karbaktalerma ekape kapashkera ñehrií: "Ima pan paturishhí". ⁸ Akashkua Jesúsma weshkí nehí: "Pawai arwã a fe chẽ kakachituwa, ¿I''ka ñehiñawĩ pawapé ima pan i pe'paturish i? ⁹ ¿Atewata arihútumãwĩ ke pirstohchehiwãwĩ toh ônki pan i'ka ônki ukuara pecheró, â pish canasta awahuriwã ere pawai?. ¹⁰ ¿Akes â tawak panes kâ ukuara pecheró, i'ka â pish canasta awahleraré? ¹¹ ¿Inkaro pawaí i arihutiwãwĩsa Tasma i ñahtawã toh Kakawã keñama? Ta'pika ãwãwĩ ahiru piwaró toh Kakawã de Fariseos i'ka Saduceos Pecherí". ¹² Akashkua arihleri toh Eka a ñehii chè ahil erpirá Ke Pan a kakawa tannii, ika chè ahirupiwaro toh achawishta de los Fariscosri i Saduccosri. ¹³ Akashkua Jesús naboni Cesareo de Felipoña, Eka Kakapei arbaktalero: "¿Taña ñehwasa toh pesh karihro ta ayeh ekana toh arwã?" ¹⁴ Ekama ñehri: "Akuama ñehlera Juan el Bautista; asma, Elías; i akualerma, Jeremías, i'ka Profeta âs i", Ekama ti'kakií: ¹⁵ "I'ka, ¿Taña ñehuasá pawai tas tasá?" ¹⁶ Akamarki, Simón Pedroa ti'Kií: "Pama Cristoria, Patatishta ayehria chui". ¹⁷ Jesús akawarki ti'kií : " Araríh ria, Simón Jonas â yeâ, i'ka yukuri urichani pi ishkertihí ihin ima ta tus piri chuña ti'pkií. ¹⁸ Taswa ta'pitaawa a pai Pedro via, i'ka i saña ta iglesia tukpa; toh kosapa de Hadesma aakertipé chẽ eka ña. ¹⁹ Tasña pampa toh llave del reino piriñai. Toh yâs pai tikima in kukña prriñawa tohkena ripe, i'ka yâs ariokama in kukña piriñawa akena ripe". ²⁰ Akashkua Jesús kâhka uski arbakta leró na kaishkertipiro asnani ke Ekaró el Cristo rií. ²¹ Akes toh aerchẽma Jesúsma ti'ikakií eka arbaktaro Ekaro nepiró Jerusalenña i'ka awasta yâs ohsí kilerpirií anciano pesawaña toh âsã akta leri parehke escribateri, i'ka amaskerpirií, akes wakua tishpirií ân maiña ²² Akes Pedro sukuhí asña ti'kií: "Ima Karahri ââki pañai, Señor, i'ka ima tohkena pikanetihí". ²³ I'ka Jesúsma wartapehí ti'ki Pedroró: "¡Tishteshkú tasña, Amaisará! Pama sâ âhtatastakei pai, chẽ, ahirutuwa tah yas, Patatishta êâ, toh yas arwã pechehpero cheiâ". ²⁴ Akashkua Jesús ñehi ã arbaktaleró: âs ta'baki te'kuama, ekape nega akipe âhchei, sukuhi peh akaprakpish. tabakpiró. ²⁵ I'ka taró a vida en kihpirishkuama tôshpe, akes taro ôshkuama a vida â tasrish tohma yar en paspe. ²⁶ Akes ¿Ta peshkaro i kukña â tónna eka êâ tishchewa â vida ôshpé? ¿Iró wishisa i peshkai atamake? ²⁷ I'ka arwã ayêhma te'kua en la gloria â Tusyó akes â ángelesyori, AKASHKUA EKAÑA TAMIHPE ÂSÁ SÂS PESHKA I'KE KATÚN ISHKRIASRI. ²⁸ Inke ta'ikaâwãwĩ, asná chuwa pawawaÍ iña, I'ka ima ahna kaki'tipe arwā ayêh cheletani te'kuaña pi reinoyá.