¹ Akashkua fariseosrí i escribas tishri te'kri Jesúsña Jerusalenña chirá; te ti'kirí. ² "¿Irish pi arbakta leri viola ishkersa toh tradición. anciano pechea? I'ka ekalerí pe sawa asúkertuwa ehlerpima". Jesúsma Kakawarki ti'kakií: ³ Jesúsma kakawarki ti'kakií: "I pawai, ¿Irish viola ishkersa Patatishta â mandamento â toh tradicionesyó?" ⁴ I'ka Patatishta ñehí: "PI TUSRI PI KAKIRI HONRA KAKAUPE", I'KA "ATÂ NÂH WARKI TI'KA KILERI A TUSKA I'КА А КАКІ ТОНМА WÃРЕ ÔHPE". ⁵ Akes pawaí ñehiñawi: "Atâh nehleri â tuska â Kakiri, "Atâh ñeheleri â tuska â kakiri, "Atâh arwar kuai pa piwishkai tasñaâ i'ka tohma Patatishta â ofrendaí" i'ka i peshma kakachituwa honra â tusyó". ⁶ Tonkenariras pawai invalida ishkri Patatishta â ñahá toh tradición ishkerish. ⁷ Pawai hipocritas, Isaías en ñehí profetisa ishkichẽ pawaró ti'kakií, ⁸ "I PESHWAÍ EN TAKILERWA PE SAPAYOPÉ, I'KA PESH TUROSÂMA KARAHRÍ ÂÂKRIÍ ⁹ ) EKA LERMA CULTO ISHKERWA EN ISHKERTUWA TASÑA, I'KA KACHAWISHKERWA DOCTRINA ARWÃ PECHEKEÑA". ¹⁰ Akashkua, eka Karwahni karihró, ti'Kakií: "WeshKuwa arihuwãwĩ ¹¹ itanhí toh pata sapa tokuama pata pesh i Ki'tuwa. I'ka, toh pata sapake apaskuama, yarhí toh pata pesh warkua tishkua. ¹² Akashkua toh arbaktama te'kera Jesúsña te ti'kirí: ¿l'ka fariseosma akailersi pa ti'akiichirish pi ñahyó? ¹³ Jesús Kakawarki ti'kakií: "Peh Karshró ta tus tishtihima, i'ka ukaripé. ¹⁴ (14) Tishteshkuwawi ekayó lerí; ekalerma achelernuwá toh ta'teshkerí. Achelerhukeña pok ta'teshkerma asken taehlera tapakuaña". ¹⁵ Pedro akawarki ti'kií Jesúsró : "Patachawishku toh parábola untasró". ¹⁶ Jesús ti'kakií: "¿I'ka pawai atewata arihútuwãwĩ? ¹⁷ ¿Pawai chautuwãwĩ toh yás tokua pata sapaña akes tukteshkua pata ishki keraña na apaskua akasnelerá arahnaña? ¹⁸ I'ka toh pi sapake apaskuama pi turusâaña chi te'kua. Tohyai pata warki ki'wa unta peshka. ¹⁹ Turusâña chii apaskua toh yás warkua ñahpari, toh pesh amaskeri, toh adulterio, toh inmoralidad sexual, toh untrokeri, toh kasatarí i'ka toh ñahwarkirí. ²⁰ Iñá lerá toh yás warkua ki'wa unta peshka. I'ka toh a'barí pata sawa asukbartu pata pesh ikituwa.? ²¹ Akashkua Jesúska tishteshki eka ââkriña nei región de Tiro i Sidonñarí. ²² Akashkua, korta Cananea âs aspaski toh regiónña wahni ñehi:"Ohsi rawa tâs i, Señor, David a yeâ, ta ye'kortama walashña ohsi ki'lerwa". ²³ AKes, Jesúsma Kakawartihí ñahas chani. I'ka karbakta te ti'kiri: na ta'kau nepiró, inkes untarwahna patasró". ²⁴ I'ka Jesúsma Kakawarki ti'kakií. "Tasma tatuhlertihí asnaniña aniñapé toh oveja toshkiñape " i kaô Israel". ²⁵ Akes ekama abriya te'ki achahyope ââki a ta'ñá, ñehí:" Señor ta'warkú". ²⁶ Ekama kakawarki ñehí: "Ima tahkena tanhí pan sukuha i yeh pechei inkas akasnaparo a pakueleró". ²⁷ Eka ñehí "'Akenaí, Señor, la i'ka toh pakulerma awas taehwaí artesaña â aiwaña". ²⁸ Akashkua Jesús akawarki ti'kií:"korta, pi feró âh kai. A kenaripe toh pirake". î'ka ayéhkata en jawi en tishki a che'pé. ²⁹ Jesús akashteshki toh kahá nei baktishki â Take Galileaña. Akes na tawehí chôh kaâhña nei achihi ³⁰ Pesh weh atawehra a briña; pé'kera ekayo cha'warki, awa achelernuri, kapashkertu keñari, ta'teshkertukeñari, pesh krâ Keñari i'ka chana akua Keñari. ³¹ Kaki'wama â pesh wrihama wâ tawarkri chelera toh kapashkertu keña en kapashkri, toh krâh kakachuma en tishkrí, i'ka toh ta'teshkertu keñama ta'teshkera akes toh achelernukeñama en cheri. Ararih ââkri Patatishta Israel chatayó. ³² Jesúsma karwani eka arbaktalero ti'kakií: "Tesma ôhsi ta ki'wa i pesh wriha, i'ka ân mai ta bakerwake i kakachituwa toh êhlerpima. katúntapa i ẽhlertuma, i´ka nelera ta'ña desfallece ishkertipiró". ³³ I'ka arbaktana ti'kiri: "Piâ paskapisa wehri panhá, toh sira kawishka â wehlerí â'kari i kuk sennaña inke?" ³⁴ Jesúsma ti'kakií:"¿Pish pan kakachusa pawai? Ekama ñehri: "Tawak, i'ka wĩchãn ayêh tisí". ³⁵ Akashkua Jesús katunchei karihro achilerpiró kukña. ³⁶ Eka sukuhí â tawak panha i'ka â wĩchãri, wapé kaparki, tistis kií kawishki â arbaktaró. Ekalerña tistis kihra kawishkri karihró. ³⁷ Â pesh wrihá karihró êhlera ararih nerih. Akashkua ekalerma toh tawarkua ââkriró awehri tawak canasta unmustaró. ³⁸ I'ka toh ehleripero kâ ukuaraleri arwã pero, akes kortari i yehchani kaweshka tanhalerih. ³⁹ Akashkua Jesúsma karihró katunhi akes ekama neí puroño tawehi toh región de Magdala.