¹ I'ka achẽh Heródes el tetrarca ñahas weshkí de Jesús. ² Eka ñehí ã katún ishtaró: "Ima Juan el Bautistai; wartapehí wakatishkí ôhrikeraña. Akarí atapuk Ekaña ââki". ³ Akes Herodesma sukukwa ââkrih Juanró; tiki achehwa ââkrih kaô akatishkaña, tani ôhró Herodias, korta â arki felipe eâ. ⁴ I'ka Juan ti'kiwa ââkri: "Akes lícito tanhi toh kua ââkuri pi kaba tanhí". ⁵ Herodesña amaskarií, i'ka atatií toh pesh kahaña cherri, Profetake chelerur. ⁶ Akashkua Heródes a cumpliañoche, Herodias ayehkorta wihtichẽ peshkeraña kaôña â Herodes. ⁷ Ti'kií, ekama iró kapeima yas tohró pampa. ⁸ Akes ti'kiira tohke akaki, eka ti'kií; "Tanhú, akayó, Juan Bautista asã". ⁹ I'ka â reyma ameshkaishki toh arkapeirish, tohKe, ti'ki irish, akes toh karihró ââkri pe siraró êhra ekayó, ekaña ti'kakií ake tohkena ripiró. ¹⁰ Ti'kakií Juan asãró artaskerpiró toh kaô atatishki sakañá. ¹¹ Akashkua toh asãró pehwishkri akayo tukera â yehró, akes ekaña pa wishki âkakiró. ¹² Akes arbaktaña nerá, ishpakera pakri a pesh kaô Ôshkerpiró. I'ka akes, nerá ti'kiri Jesúsro. ¹³ Akashkua Jesús weshki, tohña ââki nei karahri akuahá. I'ka pesh wriha wehkri âhi. Arbakí neri atahrí kahaña chirá. ¹⁴ Akes Jesús te'ki â ekalerña, pesh wrihá kachẽi Eka ôhsi kachẽi ekaleri chana Kakuchuma en Kakii. ¹⁵ I'ka kakaña ti'kuama, arbaktama te'kri Ekaña te ti'kirí: "I Kukma sennaí, ke ana ishkua. Katunhú i pesh wrihaâ, nera kahaña kuklerpirá sirá eka pecheró. ¹⁶ Akes Jesús ti'kakií : "Eka lerma kakachitawa nelertipiró. Kawishkuwãwĩ pañaâ sirá". ¹⁷ Ekaña ti'kirí: "Untasma aniperó patakachuwa pan ôn kipes i'ka wĩchãn pakpes". ¹⁸ Jesús ñehí: "Takapehkuewãwĩ tasña". ¹⁹ Akashkua Jesúska ti'kakií â pesh wrihá karihró achihlerpiró tibiraña. Eka sukuhi â pan âhki i'ka â wĩchãn pok rií. Chei pirí tahwake, Ekaña bendicikií kawishKi â panka toh karbaktaró. Akes toh arbaktama kawishkri tis tis kihrá â wrĩhañá. ²⁰ Eka lerí Karihró êhri, ââkri âyá en kihrá. Akes awehri toh tawarkua ââkri ukua pok canastaâ. ²¹ Atah êhlerí arwã pelerí 5 mil, korta i yehri kaweshka tahalerí. ²² Wãripe Eka ishkí â arbaktalerí tawehrí puro takeaña neri ki'tishkera Eka ateshtaña, ââkiri Eka katuhchehí â karihró. ²³ Akes Katuhcheirí karihró, Ekama tawehí wahá chokaña arñehpiró. I'ka Kakaña tishkuama, Ekama tohña ââkri âspé. ²⁴ I'ka toh take puruma ke take âhraña tapehri, akes asô auña kakisbarki, i'ka â ôhpishma â ââkrike te'kí. ²⁵ Akashkua Kakaña kakirei, Jesús ta'teshki te'boni take ââñá. ²⁶ Akes arbakta cherih ta'teshki te'kuaña take ââña, chókterá ââkerá ñehrí: "Amaisarai", ati'rá wahleri. ²⁷ I'ka Jesúsma Kakapashki ti'kakií "¡sean valiente! ¡Tas rawa! ¡Akatiutihiwãwĩ!" ²⁸ Akes Pedroña akawarki ti'kií: "Seño, pariâ, ta'warkú asô ââña naparó pá ââkuriña. ²⁹ Jesús ñehí: "Te'kú". l'ka Pedro apaski puruña nei ta'teshki asô ââña Jesús ââkiña nabokpiró. ³⁰ Akashkua chewãma ômpish atapúk, akatií. Ke ustokaishkuama, wahni: "¡Señor Te'tahwarku!" ³¹ Jesúsma Wãripé asawa ishpaki, Pedroró Sukuhí ti'kií: "I arwã arisá fe pikachituwa, ¿Irish dudaishkisá?" ³² Akes Jesús i'ka Pedrori tawehri puruña akashkua ômpishma teshki ââki. ³³ Akashkua toh arhaktama puruña ââkrima arñehlera Jesúsró inke ñehrí: "Akenai paró Patatishta ayéh ria". ³⁴ Akes ke úkteshkuama, na barí kuk Genesaretña. ³⁵ Akashkua toh arwãlerma tu cherña arihleri Jesúsro, ñah tuhleri karihro toh cherña, akes kakapehkri atah chana kakachui Ekaña. ³⁶ Ekalerma ti'kiri pehlerpiró a iña abri, akes atah pehlerma eña tishkrí.