¹ Ahi Jesúsmá tohche kiî ukua pok ara baktá kashiwishkí, tohña akí neí karchiwishpiró toh kaã uyaña ² Inkatama tohJuan kaó asã uña aki weshki toh cristo iró ishkuakená, uña as ñehi artunhi baktá curihayó ³ ti'kiî: ¿Paritî toh te'kupiî, ô akuaró awahbani?". ⁴ Jesús ñehi ti'kakiî: "Nauwá iró chãñawĩ weshkuwá tohkawá Juan ró. ⁵ Awaochẽler tumá achẽlerwá, toh wẽhnilermá tarteshkerwá, tohbraspelermá kã us tishkerwá, weshketumá weshkerwá, toh onlermá wakuatishkerwá toh õisilermá eñá weiká tishkerwá. ⁶ Ata' eñai ta'ró artatastá pro'tamá tasñá eñanerpé". ⁷ Ahi toh arwã tislerma toh ta'ke neri, Jesús ñañehi karkapaski toh kriró Juan ró: "¿Iró ne cherisá toh kuk sennañá? ⁸ ¿Akará i Iró cheñawisá? ¿Arwá as a kaowá weika anuhiró? Imá yari, taró toh akaowa weika anulerma toh kaó a'ká palacio chelerwá. ⁹ Akashkuá ¿Iró cheñawĩsá? Profeta asró? oó ta'piká pawá, profeta wé asró ¹⁰ Imá tohñá kakakorski: Chaûwá, tasñá kartumpá taña weshkerpiro, KI TISHKIA,TOHÑÁ TA' PIPENPIWÁ. ¹¹ Ta'pikawawĩ, yari kresh, inken krá korta aryeriraská asnani chertuwá a'kaas toh Juan ké bautistá toh arwã as oisi akina kilerke tohrõ wé a'kai toh ekake. ¹² Atatúk toh Juan bautista ké atewatá akenai, toh pirimá atewatá ñá tihkilerwa, toh arwã atapunlera sukulerwá. ¹³ Tohkaró toh profetas toh ley ñeniraská toh Juan chẽ. ¹⁴ pawá inken ameshkiñawĩsá ii Elías toh te'pii. ¹⁵ Ta'rá asun akachumá weshki weshpiró. ¹⁶ ¿Iñó Kukpasá toh tehkuai?tohmá a ye'kenalerwa anushkerke toh mercado ñá chrechilerá karwalerwá aekapé. ¹⁷ Ñelermá: Untasmá tohwirómá panparwá parôwá, pawá inken wi'tutiñawisá as ani inken akannutuñawîsá. ¹⁸ Inkén toh Juan má pan e' te'tii, asa sewá chani tostii walash as akachuwá. ¹⁹ Arwã ayerwá má te'ki ei, toki, ekema ñeri: ¡cho'uwa wĩ, imá arwãma awasta we ẽ'wã wé tokuá misentiskuá atentawalerwá plato kapa'tá ña warki ishtá! Pe sámañamá yar tishkua iró ishkuamá". ²⁰ Akashkuá Jesús ma ña a'ka tishkai toh kaã ayaró ña weshkertiriró, toh ekaña milagro kakii ima echẽ ña weshkertiri. ²¹ “¡Oisi pai Corazín! ¡oisi pai Betsaida!” Inkén toh milagros ishkri parôwá Tiroñá kabrá ka'brishki i Sidónñari, ekamá ameshki ñawarki ishtíiski kã kiwá kaôwamá saco tiko'yori. ²² Akashkuá ñá wé chitipe toh Tiro y Sidón ri ã as apisti te'kuachemá. ²³ Paprá, Capernaúm, ¿ameshkima tãwá tawéhupiti toh piriñá? Ho'pama hades awakñá piwákepe; akró toh Sodoma milagros hishkrimá paró eka atewatá a âkrishki. ²⁴ Iká tu'pikapawá yar eiripé ²⁵ Ã as atatukché Jesús ñehi: Tas pi eyeskawá, tatús, patatishtá pirichatá toh kukñari,Inkró pañá kauisá y yas toh suwataró chẽ arilerwá toh yekenalerwá. ²⁶ Oô, patatishtá, akró aken tishki. ²⁷ Kri yas tatenhuma tasró tatenchei tatusñá tisnani ayerwámá arilertawã atuspeka arriwá tisnani atuschãri arilertawá Ayerwãpeká arriwá, taña Ayerwá papirishkuasá. ²⁸ Tasñá te'kuwá, tarô kris katuishkermá, awashtá atenai, tasña kawishpa chracháhuwá ²⁹ Pakuawãwĩ toh atena tasñáarihuwãwĩ, akró tasma wecharawá ta turusã, pamawá ñá te chrachahuwũwĩ pi kuansá. ³⁰ Akró tohatenamá aô wataí toh atenama wâripei".