Juan_HRomeroC-pay_luk_text

Capítulo 19

¹ Jesúsma Jericó ke tukteshki toki. ² I'Ka, armã as chirí apima Zaqueo, Ekama asã aâta rií plató awa'ta akes tôhnarii. ³ Ekama chemirishki tariekana Jesúsro, i'ka che' chenihi pesh wriha rish, Ekaro Kukrií. ⁴ Akashkua ekama ki'tishki ehiner peh sicomora asña na tawehí: chemiro, i'ka Jesúsma tohke túkteshpita ishki. ⁵ Akashkua Jesús tonña na bonama. Ekama chẽí tahwāke i'Ka ti'kií:"Zaqueo, charaú wãripé, i'ka inkata tawarpa pi kaôña." ⁶ Akes etama wãripe cherei neí ararih cheí a kaôña ⁷ Akashkua karihro chelerma, akairi, ñehlerá: "Ekama na chewa arwã pecador asro." ⁸ Zaqueoma aâki tiskri & Jesúsro: " Tacheià, Jesús, toh platò takachui krahi kawishpa toh ôhsilerí, i'ka taro karkasaâ rima kraha kak kií kawishpa." ⁹ Jesúsma ti'kií inkata te'bona pi kaôña i salvacion i, i'ka ekawa Abraham ayei. ¹⁰ I'ka toh arwã Aye'ma te'ki pro'piro ã pesh wriha karihro toh toshkrikeñaro." ¹¹ Ekama ñehí: "Arwã as chií nei kúk akuake karâhrií sukúk piro remo as, akes wartapihí te'piro. ¹² Ekama ñehí: " Arwã as chií nei kúk akuake karâhrí sukúk piro reino as, akes wartapihi te'piro. ¹³ Kawa'ni katún ishta ukua, akes kawishki ukua minas, i'ka wartapehí te'pa tas i." ¹⁴ Akes toh cherma en chelernihí i'ka tish katúnrri aishkerpiro ekaña, ti'kira: "I arwãma untarratanhí te'patasró." ¹⁵ Tôhkerama, ke te'kerma, i'ka ke wishkerma â reinoâ, ekana na karwaní a katán ishta atah kawish kua aâkri ã paltôâ arihpira inken ishkri ekana toh úkehehleriyó. ¹⁶ Atah kî wishkií tohta te'kí ekaña ñehí: "Señor, pi minama karesh ukuâ tishkí." ¹⁷ Toh arwã eñama ti'kií: "Eña nehiâ, eña katún ishta'riâ. I'ka eña kauri toh katina tis, akes autoridad, pampa i u kua kaha chui." ¹⁸ Akes as pok riwa te'ki nehí: "Señor, pi minama karesh onki tishki." ¹⁹ Toh arwã eñama ti'kií: "Pawa autoridad pampa i onki kaha chui." ²⁰ Akes as riwa te'kí, nehí: "Señor ña aâki pi mina, enkaâro kuaâ aâkarí i iñayó. ²¹ I'ka akatiarií paró, ke arihawa pama arwã akahwarií. Pama awãhií toh akastoka ta'ña, akes awahií toh tishka ta'ña." ²² Toh arwã eñama ti'kií: "I'ka pi ñahñaâ juzga piki'pé, pa, katún ishta warkuariâ Pama arihurií tasma arwã aka'warawa, ke awã aka'warawa, ke awãhawa toh akastotahariâ, akes awãhawa toh tishtahaña. ²³ Akashkua ¿Irish tukuturisa ta platoâ aniña bancoña, i'ka tas wartapehí te'kaña te pasparo artacharí?" ²⁴ Toh arwā eñama ti'kakií atah bak tishki aâkrií: "Artesukuwa toh minaí, akes wishkuwa atah ukua mina akachui." ²⁵ Ekama ti'kirí: "Señor, ekama ukua mina akachuwa." ²⁶ "Tasma ta'pikaâwaī, atah akachuma karesh kawishkerpe artachāri, i'ka atah akachituma karesh artesukerpe akes toh katinatis akachuwa artesukerpé. ²⁷ I'ka i warkualeri tasyó, atah eñatán tachelerií pesā aâhta tishtaparií ekalerií, pehkuwāwī ñá karmaskupiwa tas aâkariña." ²⁸ Akashkua Eka ñehuama i yas, nei ki'tishkí, ta'teshki Jerusaleénké, ²⁹ Ke tishkuama akashkua Ekama bak tishkí Betfagéke i'ka Betania ñarí, akes toh waha olivo ti'kelerña aâki, Ekama katúnhí arbakta pokche. ³⁰ Ñehí: "Nauwa toh kaha aye' keñaña. Akashkua na tokiña wima, súnhismak as artapukupiwa asnani taweh achi'tihi keña as Arriôkuwa pehkupiwa. ³¹ Asna karkapewāma: "¿Irish arriôkiñawīsa?" inke ñahupiwa: "Jesúsña kapehwa." ³² Atah katúnhima, neria na paskrí toh súnhismak ayeí i'ka toh Jesús ti'kakiíke. ³³ Akes ke arrioki aâkerma ke toh súnhismak ayeí, pesh iwama ti'kakiri: "¿Irish arriokiñawisa toh súnhismak ayei?" ³⁴ Ekalerma ti'kaki'rí: "Jesúsña kapehwā." ³⁵ Eka lerma pehkrí Jesúske, i'ka eka lerma tukrí pesh tunuâ súnhismak asukiâ akes pahtukri Jesúsro aâña. ³⁶ Akes eka newama, pesh wrohama tukrí pesh tunuâ ta'keraña. ³⁷ Ke bak tishkuama toh waha olivo ti'ki lerña apaskí, toh arbakta karihro ararih tishkí ayeskera Patatishtaro pesh ñaño bô ki'ra i'ka cheri varish toh yas en ishkirish. ³⁸ Ñehlera: "¡Benditoi atah asā aâhta te'kua Patatishta apiyo! ¡Paz ā piriña i'ka gloria toh caâhña!" ³⁹ ⁴⁰ Akes fariseos tis pesh wriha aâkriña ti'kirí:"Kachawishta, kaasku pi arbakta lerí." Jesúsma kakawarkí ti'kakií; "Tasma ta'pikaâwāwī, tohma ña aâkrima kate' tishkrishki, i'ka sâró wahrishkí." ⁴¹ Jesúsma ke bak tishkí toh kabaña, akahni tohña, ⁴² Ñehí: "¡Paro ya tawehurima inkatáh, toh yas paz pehkií! Akes toh karihroma teharo aâki pi wayo chaunimiro. ⁴³ I'ka te'kerpé aêche paña, akashkua te'kerpé atah en pichelernui te'kera muro ishpakerpé pa chiiña arwachinlerpé, pi arwachinlera, i'ka pi katishki sakerpé arwachinlerá. ⁴⁴ Ekalerña pirsh pishlerpé pi ye'yó toh asaña. Ekalerma sâ chani akasteshkertipe tohñai, i´ka i ameshkutirií toh Patatishta ti'pikiíchē akes en pikipiró." ⁴⁵ Jesúsma toki toh kaô asaâña i'ka kawaski toh úkchehi aâkri, ⁴⁶ ti'kakií : kakoskarp chuwa, "TA KAOMA KAO AS ARÑAHAI", I'ka pawaña kaiñawī kaish tishta atapáh. ⁴⁷ ⁴⁸ Tohke Jesúsma kachawishki kapan kapan ā kaoña. Akes toh asâ aâhta lerma ā parehke i'ka toh escriba lerí akes toh pesh wriha asâ aâhta lerí i'ka amasker pirishkrí, akes ekalerma chera aôhwa kakií inkea kilerpi asri i'ka pesh wriha karihrolerma en weshkri toh Ekaró.