Juan_HRomeroC-pay_luk_text

Capítulo 18

¹ Akashkua ekaña ti'kakií Parábola as inken arñeh lerpiasri, i'ka amesh aâkertipiró, ² I'ka akes kahaña, juez as chií Patatishtaro akiti'turií akes pesh cherwaha yas kaki'warurií. ³ I'ka toh kahañama viuda as chií ekama kapann kapan newaruri Juez ña ti'kií: "Tarwarku atah warkua taki'lerpirishkeryó". ⁴ Ekama aê weh aâkirike i arwartihí, akes tohkes aâki ekape tiakií: ⁵ I'ka Patatishta akati'tarike akes arwâ lecharí respetah kakahtawā, I'ka i viudama eña tanhí inkatama arwarpa ani kaâ justicia, akes te'tiíro wartapehí". ⁶ Akashkua toh señorma ñehí: "Weshkarí toh juez warki ñehí. ⁷ ¿Patatishtawa justicia pehtipé eka e'lerma toh arñehí tapehlerí kapan i'ka kakañari? ¿Ekama inketapema te'tipé? ⁸ Taswa ta'pikaâwâwî tohwa justicia kaki'pé wâripewa. Akena ripe arwâ aye' te' kuachêwa, ¿Tohkena ripe, paspe fe i kukña?" ⁹ Akashkua ekawa ti'kakií toh parabaloyó tis aâkera eñakeña chê en kachelertihi pesh akuaró: ¹⁰ "Arwâ pok tawehrí kaôña arñehlerpiró, asma farisea rií akes asrima plata awa'tah rií". ¹¹ Toh fariseoma aâki arñehpiró arñehí yas ñehí aekapo: "Patatishta pi kapartawa tasma pesh akua kenarahtawa i'ka un trokta lerí, pesh warkua lerí, adúlteros i platô awa'ta kena ke. ¹² Tasma ayuna ishkawa semana krih pok tasma kawishkawa ukua toh tartamileryó. ¹³ Akes atah platô awahtama, tohña aâkri karâhri, tohma awachani ishpaktihi pirike, i'ka amákmak arkatehpi ñehí: "Patatishta, ôhsirawa tasyó, warkuarawa." ¹⁴ Tasma ta'kakaawa parôhwa, i arwāma en neí a kaôké akes asma hôh, i'ka torô âhka tishpirishkuama ekapé toh aye'ke chelerme, akes tara aye' tishpirishkuama ekapé tohma yar âhkake chelermé." ¹⁵ Pesh karihró akapakrí pesh ye'ró, Ekaña kapéhpiró, i'ka eka arbakta chelerma, akes kaaskrí. ¹⁶ Akashkua Jesúsma kawáhní, ti'kakií: "Tah kawishkuwāwī toh ye'lerí tasña te'kera, kaaskutihiwâwî, i'ka Patatishta a reinoma eka pecheí. ¹⁷ Tohkari ta'kakuama, taro sakúktipirishkuama Patatishta a reinoâ toh ye'lerke, tohma na toker tipé." ¹⁸ Arwā as chií arkapei, nehí: "Kachawishta eña, ¿Iró ishka toh chaâ chapaña?" ¹⁹ Jesúsma ti'kii, ¿Irish eña ti'ta kiisá? Asnani eña chituwa, Patatishtapero eñai. ²⁰ Pama arihiâ toh mandamientosâ - Adúlterio ishkutí, amaskutihí, untrokutihí, warkua ñahutihi, Pi tusrí i'ka Pi kariri en kachau." ²¹ Toh arwāma ñehí: "I yas karihro weshka en kaârií ye'erwā aâkariri." ²² Akashkua Jesúsma weshkí tohra i'ka ti'kií ekara: "As atewata pirchuwa. Úhchâhcheu karihrp toh pikachui i'ka akes kawishkupiro atah ôhsilerí tohkema weh pikachipé piriña akes te'kú tar haku." ²³ I'ka akashkua toh arwā platp tónnama weshkí ā yas, akes amesh tawarkí, i'ka plato tonnarish. ²⁴ Akashkua Jesúsma, ehēí, ekawa amesh tishkí ñehí: "¡I'ka a ôhwa ripe atah plato tonna tokerpií Patatishta a reinoña! ²⁵ I'ka aôhnuritipe camello as tóktesh kaí kusapa aye awa aské, platá tonnama, aôhwa akipe patatishta a reinoñama tohtipé." ²⁶ Akuama weshkera nehrí; "¿Akashkua taro salva akipisa?" ²⁷ Jesúsma kakawarkí: "Toh yas aôhwa chelerma arwā wrihaí Patatishtama chē' aôhwa chelerma arwā wrihaí Patatishtama chē' aôhwa kituwā." ²⁸ Pedro ñehí: "I'ka untasma akastesh chebarií patasteí karihrá akes pi bakapiró." ²⁹ Jesúsma akashkua ti'kakií: "Yarhí, i ta'kakaaí: aschani chituwa kaôchã̃ akasteshpií, akawari, arkirí, tusrí, i'ka aye'lerwa, akes eñ ishpiro patatishta a reinoña ³⁰ Akes i kukña chẽ en akanetipe, i'ka a reino te'kuachẽ, chai teshkerpiña." ³¹ Waripe Ekama toh ukua pok leryó atawehrí, i'ka ti'kakií "Chauwa akes Jerusalenke naâpé, toh yas karihro Profeta kakaskrí ā Arwa aye'rish ima ae' tishpé. ³² Akes Ekama gentilesña sukúklerpé, i'ka yas ti'kilerá, en chelernipe, archulerá. ³³ Akes arpishkera, ekaña amaskerpé, i'ka ãn maiña wakatishpé." ³⁴ Ekalerma i pesã kartotíhí toh yas ñehí, i'ka i kapashma uharií ekalerña akes i arihler tihí toh yas ñehí. ³⁵ Akes tonña aâkiri Jesúsma bak tishkí Jericóña, arwã achenu as achi'rí ta'briña kapei arwarkerpiro. ³⁶ Weshki toh wriha tukteshki aâkri, ekama kapei iró chuekana. ³⁷ Ekalerma ti'kirí, Jesús de Nazareth tukteshkua. ³⁸ Ã arwã achenuma wahní ñehí: "Jesús David aye' te' tarwarku tasro." ³⁹ Ata' nerí kih ekayo tohña aâskrí, ti'kira katira aâhpriró, i'ka ekama karesh wâhní: "David Aye" tawarkú tasró." ⁴⁰ ⁴¹ Jesúsma ti'kakií pehkerpiro toh arwã i Ekaró. Akashkua toh arwã achenui ahriña teshkiaâki, Jesúsma arkapeí: "¿Iro pirrasa toh pikapai paró?" Ekama ñehí: "Señor, tawa tanhú chamaro." ⁴² Jesúsma ti'kií:"Pi wayo achaú. Pi feña e pikií. ⁴³ "Waripé ekama awa acheí, akes arbakí, Patatishtayó ararí' nei. Cheí tohró pesh karihro arña tikri Patatishtaró.