¹ Jesusma ti'kií toh arachahnata: "Ama yarti yas chipe warkuá ishkertipiro. ¡Akesma tohalera ã te'kerií! ² Ekamá eñaripe toh sayó a oha yó arpaskií arwichinlerá eká a tawayá paskrií takeya achehrií, ekama ki'pé toh as í aye'lerwá na atukerpe. ³ vPama kakiwakuwá. Pi arku warkua ishkuamá, ta'kaku, to'ro tuknachewama a sawa wishkuwá. ⁴ Warkuá ishkuama akenatahripe toh ama tawak chêripe, wartapehi te'pe tawak ñehi: Tis nani ishtapa", ¡asawa wishkupe!". ⁵ Toh apostolesma ñehrií Señor: "Toh fe wê untawishkú" ⁶ Toh Señor má ñehí: "Fe pikachirima toh awá mostazaké pama ta'kaupe a penhi a sicomoroke tabokii achehri to assa takeña. ⁷ Tasa, ¿ã pawai, tohma katuishta as arñehí chuwá kakiwaki shuwá pesh wakuayá, ẽkakes ekaro ti'kipe paskí armukari a tibiraña: "wãripe te'kú achahu aṹ? ⁸ ¿Imá ta'kautipé: ¿Tis takakuãakú tastero ãparo, aya tika as atukú pi kawa arwichinya tawishkú untas che' na bonariche aũ tokú. Akashkuá pama aũ tokupe? ⁹ ¿To katuishtama kaparen ishtuwã iña kií toh yas í toh arkatunrií? ¹⁰ Akashkuá akena pawá, ahí prohurí toh krih ka'chehurí akẽ ti'pikirikẽ. Akẽ ñahupé: Akatuishta baras indignoské. Tohperaas toh ka'parií toh ka'parpikẽ". ¹¹ Tohkenarií akẽs eka nehiri Jerusalenyá, ekama newaí a travez fronterasyó Samaria i Galileasrí. ¹² Tohchẽ tokuarurí kaã ye'yá, toya ahtapukí arwã ukuã tis yó leprosos lerií. Aakri kãrarí ekañá. ¹³ Añah tapuhrií, ñehri: "Jesús, hachawishta, Pama oisi untakiu". ¹⁴ Akẽs eka kachewãma, Ekaya ti'kakií: "Nauwá ochawish, kerpiro a parehrowá". Tohkenari akẽs nerií, in kakachitií. ¹⁵ Akashkua asña Ekai toh in akachitiiro chẽi, wartapehi, a ñah tapuhri aryeshki a patatishtaro. ¹⁶ A chan yope aki arkapehi Jesús a tahya, kaparen kií. Ekama Samaritano ri. ¹⁷ Jesúsma ñehi, tikií "¿Tohma ukua i karpeshti? Akẽs nelerma. ¹⁸ ¿Pia aakrisa toh tashleri? ¿Chertiri akuai toh wartepehi te'kri wishkera gloria patatishtaro, excepto este extranjero? ¹⁹ Ekaya ti'kiiri: "Ishtakú, chaṹ. Pi fe ma ke in pikachituwá". ²⁰ Tohkernarií cuestionado toh fariseis lerí ahí te'pisa patatishta a reinoí. Jesús ñehi i ti'kií : "Toh patatishta a reinoma te'tipe señalroma toh henatahripe toh chelermike". ²¹ Tohchani Ekaleri ñehlertipe: "¿¡Ñah chaú!" o "¡Ataya chau!", Akẽs chaupiwá, akero toh patatishta a reinoma payah aakiwawi". ²² Ekaya ti'kakií a sukbaktaro: "Toh ã ai tehkerpe akẽs payahwa kaishtakiwá chamarmí asna toh ã as toh arwã ayerwãi. Akesma chelertipe. ²³ Akanskua yerlerpé payowá: "Tohya, chau, i ¡ñari, chau! akaro apaskutiiwa ohuwa a eka yowa. ²⁴ E'kakes toh kamastochnsishkuaké apaspé toh yar yar ishkuaké tisma piriña, chi te'kua atah piriña te'kua ama tohkenanipe toh arwá ayerwa te'piché. ²⁵ Eka tatike oysi tishpé ama suku'tii generación. ²⁶ Akaró tohche'rií a toh noeriché. Akashkua ama ache'ripé a toh ayerwa te'piché. ²⁷ Ekama e'rií, ekama tohkií, ekama asawasuku'rií, ekama aña'ro ñe'rii, atoh nae tokiché tani a toh arkaña, te asoma neboni karmaschehii kriró ²⁸ Akanskua tohche'rii a loti e'kama e'rii tohkrii ki'rii, u'cherii, tishkrií, e'kama ẽ ishkrii. ²⁹ A toh lot che'riché, Sodoma ña chi apaskií, asoi tenwayó azufreri piriña chi ama krihro karmaschei. ³⁰ Akanskua, ama tohkeneripé toh ayerwá on chei. ³¹ A'cheri, ama ta'wishkertií ekama azotea ya aakií chrau te'paskupiro toh pikachui a pikaoya, ama taswishkutiiwá toh tivirañaaki te'tipiró. ³² Eyriyo toh Lot akawarii. ³³ Taro apeshro pro'wama ama tonspé, taro apesh tosnkuama tohma paspé. ³⁴ Ta pikaawa, in kakañama pesh pok chipé wãsa asña, aspes suku'pé, toh asma tunnelerpé. ³⁵ Korta pokché kaohiaakapé asken. Asma suku'pé asma tunnepé". ³⁶ Tibiraña pok aakerpé. Asma suku'pé toh asma tunnepé ³⁷ Ekama arkape'ripe: "¿Señor piya'sa?" Ekama ti'kaki: "Apesh piña'chusa, tohyama atawe' hi achi'lerpé toh bitres".