Juan_HRomeroC-pay_luk_text

Capítulo 16

¹ Jesusma ti'kaki toh dicipularó: "Chiirí arwã ás nonrí akachiriirí a katu ishta ãs, nei ti'kiri toh katuishtama ka untroka kií. ² Ama ki'ki toh arwã nonhí arwahni ti'kí ekaro: ¿Iro weshkurisa pai? Ñah has ta'ta kaú ta' kueña kirish, akesma pa' katuish pika chituwã. ³ Toh katuishtama ekape ti akií: ¿Inkas pasa, tasa ama tartesuama tar ka tunro toh kaishtai? Tarta puntuwa toh ka'pai, tis ishtaki'wa kapai wetarish. ⁴ Tas eirawa iro ishpa ekana, tarpeshpiro toh katun í, pesh tis tah sukuhlerma peshkaoña. ⁵ Inkakes toh kaishta karwahní as as taro kawishpichi pe saã, eka kahka peí toh ki: ¿Pish wish pichusa toh pi sa'tai? ⁶ Eka ti'kií: Ukuá ukuá pehí toh aceite ã olivai. Eka ti'kakií ekaro: Sukuhú pa' ñahú, kra acha huwá waripé, ka korskú onki ukuá ⁷ Inkakes toh katuishtaí ti'ki toh akuaí: ã pish pa' wishkupi chuwá? Eka ti'kakií: Ukuá tapehwa toh arinaí. Eka ti'kií: sukuhú, kakorskí owá tawa. ⁸ Toh asa'tamá eña ñehí ã katuishtaro luarkua ishkí ama inke ishkuakiri con perspicacia. Toh ku' aye'leri kresh lerwa perspicaces i toh papei peshka ã ye' kamaskualera. ⁹ Ti'kakií ka uñawĩsa ta'wa toh ahraki a ohyo warkuaí akaskua toshkuaña, ka wishkerpe toh kaó asña. ¹⁰ Taró fielmá ã akinatis, akes we' fiel í, akes injustomá akinatis í, akes toh injustama we'í. ¹¹ Akes pawahí fieles tarañawĩ a ohyó warkuarí, ¿taya tah wishpiwasa yar ti ã akachuwá? ¹² Pawahi fiel tariñawĩ úkañawi a ohró pesh akua pesh e'ro, ¿taya kawispisa a ohró papewaí? ¹³ Toh katuishtama arwã po'yo katuishtipe, akesma asmá chendipe akes aspes chembe akaskuama aspes yo tawarpe. Pawahi as chani patatishtahí a ohyorí. ¹⁴ Toh inkitama fariseo má, ekama en cherí a ohró, weshkri krihro ã yas, ekama ñah ñahtalerí. ¹⁵ Ekama ti'kakií toh ekaro: Pariñawĩ arwã awayo, Patatishtama ka arihwa pesh turusa, tuyaí toh a'ka tishkua ã arwãlerí Patatishta awayó warkua kachewã. ¹⁶ Toh ley má ã profetama a akrií toh Juan te'boniche ã cheri a kiri, toh evangelioma añahma Patatishta ñehlerwã, krihro teshkera tapura toh tahña ekayo. ¹⁷ Akesma waripe tu'teshkepe ã perima toh ku'rí ã tilde kakoshka toh ley i warkí wehka tishkuá. ¹⁸ Toh krihro a'kasteshkerma akawayo akuayo asawa sukuhlerí, toh adulterio ishkuama eka asawa sukuhwama akuama ã akasyeshkiyo toh a arwãrí, ama adulterio. ¹⁹ Inkakesma arwã ás chiirí nónrí kaowa eña anuhwarurí eñapé ahrari achiwarurí a as asrí. ²⁰ Arwã ás chiwaruri ôhsí apema lazaro rí, achiwaruri toh akosapaña ahchanama wehrí, ²¹ sirá aish kiwarurí ta ehwarurí toh arwa a mesa ña, akesma, paku te'kera arasulerurí ah chanaro. ²² Akesma toh medigomá omni toh angeles atu kineri ã Abraham a chihiña. Toh arwã non ma omni oshkrií. ²³ Toh tewãña a aki apahnuki, awá tohwãke wakí cheí toh Abraham karahña akí chẽí a Lázaro apeshyo. ²⁴ Akaskua eka wahni ñehí: ta' pika awá, ta tus Abraham, tasma ôhsirawá Lázaro tuhú, te'kí ta muhpiró asawá anu'yo asayo te'kií tamuhpiro ta uwá, akaro tasma apahnayo a akarí ã tewa sewaya. ²⁵ Akẽs toh Abraham má ti'kií taye' éiriya pa pi pesh sukuhuri ã yas eñai toh Lázaro ma askẽí, ayas i warkuaro, akaro inkitamá ekama ameshkiaki pama onní pirishkiyá. ²⁶ Inkitama toh akrihro, kacharahá a'kai yeisti a akri tohñá, ã toh tu' teshkerpirishkeri ñahá toh pañaró toh nebolerti, tisnani tu' teshketipe to'ña untaswa. ²⁷ Toh arwã nón ñehí: tasma ta'pika awá ta tus Abraham ro, tuhupiro ta tus akao ña. ²⁸ Akaro tasma ta arki onki taka chuwa, toh eka ti'kaki'piro, akaro toh ekawa te'kepiro a iñahá toh a tewa seh waña. ²⁹ Akashkua Abraham ti'kií: Ekama Moisés rí, profetari, kakachuwá tu'naú a weshkerpiró a ekaró. ³⁰ Toh arwã nón awarhumañehí: akena tahí, ta tus Abraham ka, akaro as chuma arahniya ekayo toh onriyo, ekama amesh ki pekepe. ³¹ Toh Abraham má ti'kií: eka wesh kertuma a Moisésró toh profetari, toh as chani ta ishtake ma toh onriyo".